Tengrinews.kz
شىمكەنتتە ءبىر وتباسىنىڭ ءۇش مۇشەسى پاتەردە قايتىس بولدى
شىمكەنت قالاسىنداعى «ۆوستوك» ىقشام اۋدانىنداعى پاتەرلەردىڭ بىرىنەن ءبىر وتباسىنىڭ ءۇش مۇشەسىنىڭ ءمايىتى تابىلدى. بۇل تۋرالى قالالىق توتەنشە جاعدايلار دەپارتامەنتى حابارلادى.
بۇل تۋرالى Infohub.kz اقپارات اگەنتتىگى حابارلايدى.
تۇرعىندار حابارلاسقان
ۆەدومستۆو مالىمەتىنشە، قۇتقارۋشىلارعا مارقۇمداردىڭ كورشىلەرى حابارلاسقان. ولار بىرنەشە كۇن بويى پاتەر يەلەرىمەن بايلانىسا الماعان.
«8 اقپان كۇنى ساعات 16:36-دا 112 جەدەل قىزمەتىنە پاتەر يەلەرىنىڭ ۇزاق ۋاقىت بويى بايلانىسقا شىقپاي، ەسىكتى اشپاي قويعانى تۋرالى حابارلاما كەلىپ ءتۇستى. وقيعا ورنىنا جەدەل-قۇتقارۋ جاساعىنىڭ بريگاداسى جىبەرىلدى. ەسىكتى اشقاننان كەيىن قۇتقارۋشىلار پاتەر ىشىنەن ءۇش ادامنىڭ ءمايىتىن تاپتى»، - دەپ حابارلادى تجد.
گازبەن ۋلانۋى مۇمكىن
قازىرگى ۋاقىتتا ءتيىستى قىزمەتتەر جۇمىلدىرىلىپ، وقيعانىڭ ءمان-جايى انىقتالۋدا. الدىن الا اقپارات بويىنشا، بۇل قايعىلى جاعداي تابيعي گازبەن ۋلانۋ سالدارىنان بولۋى مۇمكىن. مايىتتەردە زورلىقپەن ءولتىرۋ بەلگىلەرى تابىلماعان.
بۇعان دەيىن اقتوبە قالاسىنداعى جەكە تۇرعىن ۇيلەردىڭ بىرىنەن ايەل مەن ءۇش كامەلەتكە تولماعان بالانىڭ ءمايىتى تابىلعانى حابارلانعان بولاتىن. سول كەزدە دە ءولىمنىڭ سەبەبى تابيعي گازبەن ۋلانۋى مۇمكىن دەگەن بولجام ايتىلعان ەدى.
قازىرگى ۋاقىتتا سوتقا دەيىنگى تەرگەۋ باستالدى. ساراپتاما قورىتىندىلارى بويىنشا تۇپكىلىكتى شەشىم قابىلدانادى.
-
عالىمدار 9 اقپاندا بولاتىن كۇشتى ماگنيت داۋىلىنىڭ سالدارىنان كەيبىر ادامداردىڭ ۇيقىسى بۇزىلۋى مۇمكىن ەكەنىن ەسكەرتەدى.
-
تانىمال اكتەر رامازان امانتاي ىشىمدىككە تاۋەلدىلىكتەن ارىلۋ جولىنداعى قيىندىقتارى مەن ومىرىندەگى وزگەرىستەر تۋرالى اشىق ايتتى.
