يا «NewTimes.kz»
شىمكەنتتەگى ۋاقىتشا ۇستاۋ يزولياتورىندا جاس قىزدىڭ ءولىمى: زورلىقشىلار قىلمىسكەرگە اينالدىردى ما؟
شىمكەنتتەگى ۋاقىتشا ۇستاۋ يزولياتورىندا 23 جاستاعى سانيا جۇبانىشيەۆانىڭ ءولىمى ەلدى ەلەڭ ەتكىزدى. قىزدىڭ ادۆوكاتى مۇحاممەد اليوسماننىڭ ايتۋىنشا، سانيانى نەگىزسىز قاماۋعا العان. ول وقيعانىڭ ءمان-جايىن جانە جانجال بولعان جەردەن الىنعان بەينەجازبالاردى ەلەمەي، قىزدى كىنالى دەپ تانىعان.
بۇل تۋرالى Infohub.kz اقپارات اگەنتتىگى حابارلايدى.
قورعاۋشىنىڭ مالىمەتىنشە، قىزعا ق ر قك-نىڭ 106-بابى 2-بولىگى بويىنشا – دەنساۋلىققا قاساقانا اۋىر زيان كەلتىردى دەگەن ايىپ تاعىلعان.
جانجال تۇندە نە بولدى؟
ادۆوكاتتىڭ سوزىنە سۇيەنسەك، 2 مامىر كۇنى تۇندە سانيا تانىسى اسلاننىڭ ۇيىنە بارعان. سول جەردە ءبىر توپ جاستار ماس كۇيىندە بولعان. قورعاۋشىنىڭ ايتۋىنشا، ءۇي ىشىندە قىزدى زورلاماق بولعان. سانيا قارسىلىق كورسەتىپ، سىرتقا شىعىپ كەتىپ، دوستارىنا گەولوكاسياسىن جىبەرىپ، پوليسيا شاقىرۋدى وتىنگەن.
سىرتتا ەر ادامدار اراسىندا جانجال تۋىنداعان. ادۆوكاتتىڭ ايتۋىنشا، قىز بۇل جاعدايدى ءوزى تەلەفونعا تۇسىرگەن. قورعاۋشىنىڭ سوزىنە قاراعاندا، ۆيدەودا قاتىسۋشىلاردىڭ ءبىرى پىشاق ۇستاپ: «باۋىزداماي كەتپەيمىن» دەپ ايقايلاعان.
كەيىننەن پوليسيا ۇيدەن پىشاق جاراقاتى بار جاس جىگىتتى تاپقان.
«جابىرلەنۋشىنى كىنالى ەتتى»
ادۆوكات تەرگەۋشىلەر سانيانىڭ زورلاۋ ارەكەتى تۋرالى سوزدەرىن ەلەمەگەنىن، ونىڭ ورنىنا وعان دەنساۋلىققا قاساقانا اۋىر زيان كەلتىرگەنى تۋرالى ايىپ تاعۋعا كوبىرەك كوڭىل بولگەنىن مالىمدەدى.
«قىزدىڭ زورلاۋ ارەكەتى جانە جىنىستىق ءتيىسۋ تۋرالى ارىزى نەگە نازاردان تىس قالىپ جاتىر؟ ەر ادامدار اراسىنداعى قارۋلى جانجال تىركەلگەن بەينەجازبا نەگە ەسكەرىلمەيدى؟» – دەپ مالىمدەدى اليوسمان.
ونىڭ ايتۋىنشا، قورعاۋشى تاراپى سوتتان ءۇي قاماعى نەمەسە كەپىلدىك سياقتى جەڭىل شارا قولدانۋدى سۇراعان. ادۆوكات تەرگەۋ سۋدياسىنا جۇگىنگەنىن جانە قىزدى قاماۋعا الۋدىڭ ءالى ەرتە ەكەنىن ايتىپ، تالاپ ەتكەنىن ايتادى.
سوت وتىرىسى 14 مامىر كۇنى كەشكى ساعات 21:00 شاماسىندا اياقتالدى.
«سانيا، مەن سەنى شىعارامىن»
15 مامىر كۇنى تۇندە، شامامەن 03:00-دە، يۆس-تە قىزدىڭ قايتىس بولعانى تۋرالى حابار كەلدى. ادۆوكاتتىڭ ايتۋىنشا، ونى باسقا جەرگە اۋىستىرار الدىندا سانيامەن سويلەسۋگە ۇلگەرگەن.
«اۋىستىرار الدىندا مەن وعان: «سانيا، مەن سەنى شىعارامىن. ماعان سەنەمىسىڭ؟» دەدىم. ول «ءيا…» دەپ جاۋاپ بەردى»، – دەپ جازدى ول.
بەينە ۇندەۋىندە اليوسمان ەل بيلىگىنە ەموسيونالدى تۇردە جۇگىندى. ول ءوزىنىڭ پىكىرىنشە، كىنالىلەر جاۋاپقا تارتىلۋى كەرەك دەدى.
«كىناسىز ادامداردى قاماپ، كىنالىلەر بوس جۇرگەندە وتە اۋىر بولادى»، – دەدى قورعاۋشى جانە ادۆوكاتتاردى «ەشكىم تىڭدامايتىنىن»، ال جۇيەنىڭ «ايىپتاۋ باعىتىندا» جۇمىس ىستەيتىنىن ايتتى.
پوليسيا نە دەيدى؟
شىمكەنت قالالىق پوليسيا دەپارتامەنتى (پد) سانيانى جانجال كەزىندە كامەلەتكە تولماعان بالانى پىشاقتاپ سوققىعا جىققانى ءۇشىن كۇدىكتى رەتىندە ۇستاعانىن حابارلادى. 14 مامىردا مامانداندىرىلعان تەرگەۋ سوتى ەكى اي مەرزىمگە قاماۋعا الۋعا سانكسيا بەرگەن. قىز قايتىس بولعاننان كەيىن قىلمىستىق ءىس قوزعالدى.
پوليسيانىڭ مالىمەتىنشە، ءولىمنىڭ سەبەبى دارىلىك پرەپاراتپەن ۋلانۋ بولعان. ۆەدومستۆو زورلىق-زومبىلىق بەلگىلەرىنىڭ جوق ەكەنىن مالىمدەدى.
«تەرگەۋ ءىس-شارالارىنىڭ كەشەنى جۇرگىزىلۋدە. بولعان وقيعانىڭ بارلىق ءمان-جايى تولىق، جان-جاقتى جانە وبەكتيۆتى تەرگەۋ بارىسىندا انىقتالادى»، – دەپ حابارلادى پد.
تەرگەۋ شىمكەنت پوليسياسىنىڭ باسشىلىعىنىڭ باقىلاۋىندا.
-
بەلگىلى زاڭگەر مەيىرمان شەكەيەۆ پرەزيدەنتكە ۇندەۋ جولداپ، مارقۇم اقىننىڭ ەسىمىن كوشەگە بەرۋدى سۇرادى.
-
مەملەكەت باسشىسى قاسىم-جومارت توقايەۆ تۇركى مەملەكەتتەرى ۇيىمىنىڭ بەيرەسمي سامميتىندە قازاقستاندا جاساندى ينتەللەكت سالاسىنداعى جاڭا فورماتتاعى جوعارى وقۋ ورنىن اشۋ جوسپارىن جاريالادى.
