سىبايلاسۋ - قوعامعا ىندەت
سىبايلاس جەمقورلىق كۇنى بۇگىنگە دەيىن جويىلماي كەلە جاتىرعان كەسەلدىڭ ءبىرى دەسەك قاتەلەسپەيمىز. سىبايلاس جەمقورلىق باسەكەلەستىككە كەرى اسەرىن تيگىزەدى، سەبەبى «پارا» باسەكەلەستىك ەمەس مۇمكىندىكتەر جاسايدى. سىبايلاس جەمقورلىق قوعامدىق ادامگەرشىلىككە ءقاۋىپ توندىرەدى، سەبەبى ازاماتتار ساناسىندا، اسىرەسە جاس ۇرپاقتاردا، ءومىردىڭ جوعارى دەڭگەيىنە جەتۋدىڭ نەگىزگى ءادىسى زاڭعا قايشى قىزمەتپەن بايلانىستى ەكەن دەگەن تەرەڭ ونەگەسىز سەنىم قالىپتاسۋى مۇمكىن.
قوعامىمىزدىڭ دەنىن جەگىدەي جەگەن جەگى قۇرتتاردىڭ ءبىرى – پارا الۋ. پايداكۇنەمدىك قىلمىستار قاتارىنا جاتاتىن پارا الۋدىڭ ماعىناسى – لاۋازىمدى تۇلعا ءوز قىزمەتىن پايدالانىپ، ىستەگەن «جاقسىلىعى» ءۇشىن زاڭسىز ماتەريالدىق سىياقى الۋى. بۇل دەگەنىڭىز اقتالمايتىن ارسىزدىق. شىنىنا كەلگەندە كوپ ادامدار جوعارى وقۋ ورنىنا ءتۇسۋ، قىزمەتكە ورنالاسۋ نەمەسە تاعى باسقا جاعدايدا بۇل قىلمىسپەن بەتپە بەت كەزدەسىپ جاتادى. مەملەكەتتىڭ دامۋىنا بارماق باستى، بۇرىنعى وتكەن اتا-بابالارىمىز دا ءدوپ باسىپ «تۋرا بيدە تۋعان جوق، تۋعاندى بيدە يمان جوق» دەگەن. ولاردىڭ ادىلدىك پەن تۋراشىلدىقتى تۋ ەتكەندىگىن ءبىز تاريحتان جاقسى بىلەمىز.
ءبىزدىڭ قوعامدا سىبايلاس جەمقورلىققا ورىن جوق. قوعامنىڭ بارلىق كۇش-جىگەرىن بىرىكتىرىپ، وسى دەرتتىڭ ودان ءارى ۋشىقپاۋى ءۇشىن ونى توقتاتۋدىڭ بارلىق امالدارىن قولدانۋ ارقىلى عانا بۇل قۇبىلىسقا ءتيىمدى تۇردە قارسى تۇرۋعا بولادى.
ەلىمىزدىڭ بارلىق وڭىرلەرى مەن مەملەكەتتىك ورگاندارىندا سىبايلاس جەمقورلىققا قارسى ءار ءتۇرلى شارالار وتكىزىلىپ بەلسەندىلىك تانىتۋدا. ءبىراق، جەمقورلىق دەس بەرەر ەمەس. سىبايلاستىقتىڭ قۇرىعىنا تۇسەتىن دە، ونى توقتاتاتىن دا حالىق. سوندىقتان قۇلقىننىڭ قامىن ويلاعان كەيبىرەۋلەردىڭ تەرىس ارەكەتى بۇكىل ۇجىمعا كەرى اسەرىن تيگىزبەۋى ءۇشىن سىبايلاس جەمقورلىققا قارسى بىرلەسىپ ىمىراسىز كۇرەسكەنىمىز دۇرىس.
جۇمابەرگەنوۆا بازارگۇل باقتيار قىزى
اتىراۋ وبلىسى، قىزىلقوعا اۋدانى، قونىستانۋ اۋىلى
You Might Also Like
-
ءبىلىم بەرۋ جۇيەسىن دامىتۋ پروبلەماسىنىڭ وزەكتىلىگى قازىرگى كەزەڭدە، اسىرەسە پوستكەڭەستىك كەڭىستىكتە داۋسىز، وندا جابىق قوعامنان اشىق قوعامعا كوشۋ وقىتۋدىڭ ەسكى، قالىپتاسقان ۇستانىمدارى سىنىقتارىنىڭ...
