ەل جۇرەگى - استانام
اقتوبە وبلىسى حرومتاۋ اۋدانى
بوگەتساي مەكتەپ-گيمنازياسى
8-كلاسس وقۋشىسى
بەكەتوۆا مادينا
جەتەكشىسى : مۋزىكا ءپانى ءمۇعالىمى حاسەنوۆا گ.ر.
تاڭەرتەڭگى شۋاق. الاقانىمدى الاقانعا قويىپ قولىمدى جاڭبىرلى سۋدىق استىنا توسامىن. ولار كۇن ساۋلەسىندە وينايدى، ءارتۇرلى شۋاق شاشادى. وسى شۋاقتى كۇننىڭ ساۋلەسىمەن ەل جۇرەگى استانامدى ويلايمىن. ...مىنا كۇننىڭ شۋاعى – ادەمىلىك، مىنا شۋاق - جاقسىلىق، مىناۋ- قايىرىمدىلىق ، ال مىناۋ – ماحاببات. وسى قاسيەتتەردىڭ ءبارىن الاقانعا سىيعىزۋ كەرەك. ونى قورعاپ كەيىنگى ۇرپاققا جەتكىزۋ! وسىنىڭ بىرەۋىن دە جوعالتىپ الماۋىمىز كەرەك، قورعاپ، ايالاۋ، كوركەيتۋ قاجەت. بۇل قازاق حالقىنىڭ جۇرەگى – استاناسى. تەك وعان قارايتىن كوز كەرەك. استانا – قازاقستان رەسپۋبليكاسىنىڭ اكىمشىلىك ورتالىعى ءارى ەلوردا تۇرعىندارى مەن قوناقتارىنا جايلى تۇرمىستى قامتاماسىز ەتەتىن قاۋىرت دامۋ ۇستىندەگى قالالىق ينفاقۇرىلىمى بار ۇلكەن شاھار. تاماشا تۇرعىن ءۇي كەشەن-دەرى، ەڭسەلى اكىمشىلىك عيماراتتارى، گۇلزارلارى مەن فونتاندارى، اسەم مونۋ-مەنتتەرى مەن ساۋلەت ەسكەرتكىشتەرى بار بۇگىنگى استانا كوز الدىمىزدا كۇن سايىن ءوزىنىڭ كەرەمەت سىمباتىمەن قۇلپىرىپ بارادى. ال استانانىڭ اجارىنا اجار قوسقان، جاڭا كورپۋستارىمەن قالا لاندشافتىنا تاماشا كىرىپ كەتكەن ليەۆ گۋميليەۆ اتىنداعى ەۋرازيا ۋنيۆەرسيتەتىن ايتپاي تۇرا المايمىز. بۇل وقۋ ورداسىنىڭ ۇيلەسىمدى دە ادەمى ساۋلەتىنە ءاردايىم تاڭدانا قارايمىن. «استانانىڭ مادەني كاپيتالى » دەگەن ۇعىم ەۋرازيا ۋنيۆەرسيتەتىنە كوز تۇسكەن ساتتەن-اق مەنىڭ سانامدا ناقتى بەينەگە اينالادى. سەبەبى، وندا مەنىڭ اعام مەن جەڭگەم ءبىلىم الدى، ءومىردى تانىپ، شەت ەلدەرگە شىعىپ، ومىردە ورنىقتى ءوز ورىن-دارىن تاپتى. تاعى دا ءبىر كوزگە تۇسەتىن وقۋ ورنى استانا قالاسىنداعى قازاق-تۇرىك ليسەيىنىڭ ايشىقتى ءارى قازىرگى زامانعا ساي ەتىپ سالىنعان عيماراتى. نەگىزى 1994 جىلى قالانعان وسى ليسەيدە بۇگىندە بىلىكتى دە تاجىريبەلى وقىتۋشىلار ءوز شاكىرتتەرىنە ەۋرازيانىڭ ءتورت تىلىندە – قازاق، تۇرىك، ورىس جانە اعىلشىن تىلدەرىندە ءدارىس بەرۋدە. وقۋ ساپاسىنىڭ جوعارى ەكەندىگى سونشالىق، وقۋ ورنىن بىتىرگەن تۇلەكتەرىنىڭ 98 پايىزى ءوز بىلىمدەرىن قازاقستاندىق جانە شەتەلدىك جوعارى وقۋ ورىندارىندا تابىسپەن جالعاستىرىپ جاتىر. البەتتە مۇنداي بىرلەسكەن ءبىلىم بەرۋ وردالارىنىڭ بولۋى قازاقستان مەن تۇركيا اراسىن-داعى، قازاقستان مەن رەسەي اراسىنداعى، قازاقستان مەن ۇلىبريتانيا اراسىنداعى – حالىقتار دوستىعىنىڭ سيمۆولى رەتىندە تەرەڭ ساياسي ءمان-ماعىناسى بار. ءبىر سوزبەن ايتقاندا، بۇل – قازاقستان مەن بۇكىل الەمدىك قوعامداستىق اراسىنداعى دوستىق. 1994 جىلى قۇرىلعان قازاق مەملەكەتتىك زاڭ اكادەمياسىنىڭ جاڭا عيماراتى قۇرىلىس ماتەريالدارىنىڭ سوڭعى ۇلگىلەرىن قولدانا وتىرىپ، جيناقى ستيلدە ورىندالعان. قازىرگى زامانعى ساۋاتتى باسشىلاردى كوپتەپ تىلەپ وتىرعان قالاعا، قاۋلاپ ءوسىپ كەلە جاتقان استانامىزعا ناق وسى زاڭ اكادەمياسىن بىتىرگەن تۇلەكتەر اۋاداي قاجەت بولدى دەپ بىلەمىن. ويتكەنى بۇگىندە جوعارعى سوت، باس پروكۋراتۋرا، مينيسترلىكتەر مەن ۆەدوموستۆولاردىڭ ءبارى دە وسى جاڭا استانادا ورنالاسقان. استانا – ەلدىڭ بارلىق وڭىرىنە ءوڭ بەرەتىن جانە مەملەكەت جۇرەگىنىڭ جۇمىس قابىلەتىنە جاڭعىرىق بولىپ جەتەتىن بارشا قوعامدىق قاتىناستىڭ جيىنتىعى
You Might Also Like
-
«قازاقستان رەسپۋبليكاسىنىڭ ازاماتتىعى ادامنىڭ مەملەكەتپەن تۇراقتى ساياسي-قۇقىقتىق بايلانىسىن ايقىندايدى، بۇل بايلانىس ولاردىڭ ءوزارا قۇقىلارى مەن مىندەتتەرىنىڭ جيىنتىعىنان كورىنەدى. قازاقستان ر...
-
سىبايلاس جەمقورلىق كۇنى بۇگىنگە دەيىن جويىلماي كەلە جاتىرعان كەسەلدىڭ ءبىرى دەسەك قاتەلەسپەيمىز. سىبايلاس جەمقورلىق باسەكەلەستىككە كەرى اسەرىن تيگىزەدى، سەبەبى «پارا» باسەكەلەستىك ...
