InfoHub Logo

قازىرگى زامان تالابىنا ساي ءار وقۋشىدا وزىندىك كوزقاراسى، سەنىمى، ىشكى ءۋاجى قالىپتاسۋى كەرەك. سوندىقتاندا ساباقتارىمدى جوسپارلاعاندا وقۋشىلاردا سىني ويلاۋىن تۋدىراتىن سۇراقتار نەمەسە دەڭگەيلىك، كەڭەيتىلگەن، قۇزىرلىلىق تاپسىرمالاردىڭ ساباقتا بولۋىن قاداعالادىم.
سىندارلى وقىتۋ تەورياسىنداعى جەتىستىككە جەتەلەيتىن جەتى مودۋلدەردىڭ ءبىرى «Cىني تۇرعىدان ويلاۋعا ۇيرەتۋ» باسقا مودۋلدەرمەن دە تىعىز بايلانىستى دەپ ەسەپتەيمىن. وقۋشىلار ساباقتا قالاي وقۋ كەرەكتىگىن مەڭگەرەدى، ياعني مەتاتانىم پايدا بولادى، وزدەرى ۇدەرىس بارىسىندا وي قورىتادى، ناتيجەگە جەتۋگە ۇمتىلادى. ءمۇعالىم وقۋشىعا قالاي وقۋ كەرەكتىگىن ۇيرەتەدى، ال بۇرىنعى ءداستۇرلى وقىتۋ پروسەسىندە ءمۇعالىم ءبىلىمدى بەرۋشى بولعان بولسا، جاڭا وقىتۋ ۇدەرىسىندە ءمۇعالىم باعىتتاۋشى بولىپ تابىلادى. ساباقتاعى باستى تۇلعا، باستى كەيىپكەر – وقۋشى بولدى. وقۋشىنى ءوز بەتىمەن ءبىلىم الۋعا، ول ءۇشىن ىزدەنۋگە، تەرەڭ ويلاۋعا، زەرتتەۋگە داعدىلارىن قالىپتاستىرۋ قاجەت ەكەنىن اڭعارا وتىرىپ، جاڭا ءبىلىمدى مەڭگەرتۋ ءۇشىن ەڭ ءتيىمدى ءادىس سۇراق – جاۋاپ، اڭگىمەلەسۋ، ديالوگ بولىپ تابىلادى. مەكتەپتەگى تاجىريبە كەزىندە مەنىڭ ءار ساباعىم ديالوگتان قۇرىلدى، سەبەبى ساباعىم ادەبيەتتىك وقۋ بولعاندىقتان كوبىنەسە وقۋشىلاردىڭ اۋىزەكى سويلەۋىنە ءمان بەردىم. جۇپتىق جۇمىس ارقىلى «وقۋشى مەن وقۋشى» اراسىندا، «وقۋشى مەن ءمۇعالىم» اراسىنداعى ديالوگتى ءتيىمدى ۇيىمداستىرۋ ارقىلى ماقساتقا قول جەتكىزە الدىم. ناتيجەسى تاڭعالارلىق! وقۋشىلار مەن كۇتكەننەن دە ارتىق اسەر الدى. ءوز ويلارىن جارىسا ايتىپ، قىزۋ پىكىرتالاس تۋدىرا الدى. العاشقى ساباعىمدى باستاعاننان اق وقۋشىلاردى جۇپپەن جۇمىس ىستەۋگە ۇيرەتتىم. بالالار جۇپتاسىپ تاقىرىپ بويىنشا پىكىر الماسىپ، ءبىر - بىرىنە سۇراقتار قويىپ، جاۋاپتارىن سالىستىرۋدى ۇيرەندى. جۇپتىق جۇمىس كەزىندە ءار وقۋشى وزدەرىنىڭ پىكىرلەرىنىڭ باعالاناتىنىن ءتۇسىندى. جاڭا ساباقتى ءوز بەتتەرىمەن تەز مەڭگەرە الدى. ساباقتا «ءۇنسىز» وقۋشىلار دا سويلەپ كەتتى، ولاي دەيتىن سەبەبىم، موتيۆاسياسى تومەن وقۋشىلاردىڭ ءوزى تىم بولماعاندا پوستەرمەن جۇمىس جاساۋ بارىسىندا سويلەمەسە دە، سىزبامەن كومەكتەسكەنىنە كوزىم جەتتى. جۇپتىق جۇمىستى مەن ءۇي تاپسىرماسىن تەكسەرۋ كەزىندە «ىشكى - سىرتقى شەڭبەر» ءادىسىن پايدالاندىم.

ءبىلۋ كەزەڭىندە جاڭا ساباقتىڭ مازمۇنىمەن تانىسقان كەزدە جانە ساباقتىڭ جيناقتاۋ كەزەڭدەرىندە جۇپتىق جۇمىستى كەڭىنەن پايدالاندىم.
ساباقتاردىڭ بارىسىندا وقۋشىلاردىڭ سىني تۇرعىدان ويلاۋ قابىلەتتەرىن، سونىڭ ىشىندە ۇتقىرلىق، سىڭارجاقتىلىقتىڭ بولماۋى، پايىم، ءتارتىپ، وزىندىك سانا سەزىم سەكىلدى ەرەكشەلىكتەرگە ءمان بەرە وتىرىپ ساباق بارىسىندا ءاردايىم وقۋشىلاردىڭ بەلسەندى بولۋعا، دالەلدەردى تالداي الۋعا، ماعىنانى انىقتاۋ ءۇشىن سانالى تۇردە ستراتەگيالاردى قولدانا الۋىنا مۇمكىندىكتەر مەن جاعداي جاساۋدى قامتاماسىز ەتۋدى ماقسات تۇتتىم. وسىندا قاراستىرىلعان ستراتەگيالار وقۋشىلاردىڭ ءبىرىن - ءبىرى تىڭداپ، دالەلدەردى تالاپ ەتىپ، تياناقتى جانە ناقتى دا جان - جاقتى بولۋعا، ىنىماقتاستىقپەن ءبىر - ءبىرىن قۇرمەتتەۋگە ۇيرەتتى. قۋانىشپەن ايتا كەتەتىن جايت، بۇرىن ۇندەمەي وتىراتىن بالالاردىڭ دا ساباققا قىزۋ ارالاسۋدا. جاي ۋاقىتتا ولار وزدەرىن بۇلاي كورسەتە قويماس ەدى. ساباقتاردى ەرەكشە، جاڭا ءادىس باعدارلاماسىمەن ساباق ءوتۋىم ولارعا ەركىن سويلەپ، ويلارىن اشىق جەتكىزۋگە، سىنشىل كوزقاراسپەن ويلاۋعا مۇمكىنشىلىك تۋعىزعانداي. بۇل ارينە قازىرگى قوعام مەن مەكتەپتىڭ باستى تالابى. وسى تالاپتاردى ءارى قاراي دامىتۋ ارينە ءار ءمۇعالىمنىڭ پارىزى. وقۋشىلار كۇندەلىكتى ساباقتان، بۇگىنگى ساباقتاردىڭ ايىرماشىلىعى؛ توپتىق، جۇپتىق جانە جەكە جۇمىستاردىڭ ناتيجەسىندە وزدىگىنەن باعالاۋ، ءوز ىزدەنىستەرىنىڭ ارقاسىندا بۇرىن ءمۇعالىمنىڭ تۇسىندىرگەنىنەن ءوز بەتىنشە ىزدەنۋىنىڭ ناتيجەسىندە كوپتەگەن ءوز بىلىمدەرىندە وزگەرىس بولعاندىعىن بايقادى.

اباي قۇنانبايەۆ اتىنداعى №2 جالپى ورتا ءبىلىم بەرەتىن مەكتەپ.
بالتابايەۆا سالتانات كادىروۆنا – باستاۋىش سىنىپ ءمۇعالىمى
سىني تۇرعىدان ويلاۋدى دامىتۋعا ارنالعان جۇپتىق اڭگىمە جۇكتەۋ