InfoHub Logo

ساباقتىڭ تاقىرىبى: ءسوز جانە ونىڭ ماعىناسى
ساباقتىڭ ماقساتى:
ا) بىلىمدىلىك: وقۋشىلاردىڭ وزدەرىنە ءار ءسوزدىڭ وزىنە ءتان ماعىناسى بولاتىنىن بايقاتۋ، تاپسىرمالاردى ورىنداتۋ ارقىلى ءسوز جانە ونىڭ ماعىناسىنىڭ وزگەرۋىن ءتۇسىنىپ الۋعا باعىتتاۋ.
ءا) دامىتۋشىلىق: ءوز ويلارىن تۇجىرىمداپ ەركىن ايتۋعا، سوزدىك قورلارىن دامىتىپ، بايلانىستىرىپ، سويلەۋگە ماشىقتاۋ، شىعارماشىلىق دەڭگەيدە جۇمىس جاساۋعا جەتەلەۋ؛
ب) تاربيەلىك: وقۋشىلاردى جەكە، جۇپتىق، توپتىق جۇمىستار كەزىندە ۇستامدىلىققا، ءبىر - بىرىنە كومەك كورسەتۋگە تاربيەلەۋ.
كورنەكىلىگى: توپ اراسىن اجىراتاتىن بەلگىلەر، ينتەراكتيۆتى تاقتا، ءار وقۋشىنىڭ الدىندا باعالاۋ ۇلگىلەرى، اق قاعازدار، ميكروفون، ماركەرلەر.

ساباقتىڭ بارىسى:
ءى. ۇيىمداستىرۋ كەزەڭى
- سالەمەتسىزدەر مە، بالالار؟
- ءقازىر قانداي ساباق؟
- بالالار، ساباققا بارلىعىمىز دايىنبىز با؟
(وقۋشىلاردىڭ ساباققا دايىندىعىن باقىلاپ شىعۋ)

ءىى. پسيحولوگيالىق احۋال ورناتۋ كەزەڭى
ا) ارمىسىڭ، التىن كۇن!
كوگىلدىر كوك اسپان.
بارمىسىڭ، دوستارىم،
سەندەرمەن ءار كۇنىم.
باس يەمىز سىزدەرگە
ءبىلىم بەرگەن بىزدەرگە
ۇستازدارىم ارداقتى!
ءا) پارتالاردىڭ ۇستىندە كوڭىلدى، كوڭىلسىز بەت - الپەتتەر جاتادى، وقۋشىلار ءوز كوڭىل كۇيلەرىنە قاراي بەت - الپەتتەردى تاڭداپ الادى دا، كورشىلەرىنە تاعادى
ب) ساباق بارىسىندا وزدەرىن باعالا ماقساتىندا كۇن شۋاعى بەينەلەنگەن سۋرەتتەردى الىپ وتىرادى

ءىىى. ءۇي تاپسىرماسىن تەكسەرۋ كەزەڭى
ا) «ينتەرۆيۋ» ستراتەگياسى
1وقۋشى – ءتىلشى، قالعاندارى كورەرمەندەر
ءتىلشى بولاتىن وقۋشى تاقتاعا شىعادى. قولىندا ميكروفونى بولادى
- الدارىڭىزدا مەن - ءتىلشى جاقسىباي ارۋان. مەنىڭ سىزدەرگە قوياتىن ساۋالدارىم بار:
1) سويلەم نەدەن تۇرادى؟ (وقۋشىدان جاۋاپ الادى: سويلەم سوزدەردەن تۇرادى)
2) سويلەم نەنى بىلدىرەدى؟ (سويلەم تياناقتى ويدى بىلدىرەدى)
3) سويلەم ىشىندەگى سوزدەر قالاي جازىلادى؟ (سويلەمدەگى سوزدەر ءبىر - بىرىنەن بولەك جازىلادى)
4) سويلەم قانداي ارىپتەن باستالىپ جازىلادى؟ (سويلەمدەر ءارقاشان دا باس ارىپپەن جازىلادى)
ءتىلشى بولعان وقۋشى ءۇي جۇمىسىن قورىتىندىلاپ، كورەرمەندەرگە العىسىن ءبىلدىرىپ، ورنىنا وتىرادى

ءىۇ. قىزىعۋشىلىقتى وياتۋ.
ا) «وي تولعاۋ» ستراتەگياسى
- بالالار، ەندى ءبىز بۇگىنگى ساباعىمىزدىڭ تاقىرىبىن انىقتاپ الايىق. ينتەراكتيۆتى تاقتادا ساعاتتىڭ سۋرەتى بەرىلگەن. وزدەرىڭ كورىپ وتىرعان ساعاتتاعى 19 ارىپتەن 4 ءسوز شىعارۋ كەرەك. ول ءۇشىن ساعات ءتىلى بويىنشا بەلگىلى ءبىر جۇيەمەن ەشقانداي ءارىپتى اتتاماستان، رەت - رەتىمەن وقىساڭدار، بۇگىنگى ساباعىمىزدىڭ تاقىرىبى شىعادى.

وقۋشىلار ساعات تىلىمەن وقي وتىرا، بۇگىنگى ساباقتىڭ تاقىرىبىن انىقتايدى)
- ەندەشە بۇگىنگى ساباقتىڭ تاقىرىبى: «ءسوز جانە ونىڭ ماعىناسى»
- ەندى ماقسات قويىپ الايىق (وقۋشىلاردىڭ جاۋاپتارى)
- ءار ءتۇرلى تاپسىرمالار، جاتتىعۋلار ورىندايمىز؛
- سوزدەردىڭ ماعىناسىن اجىراتۋدى ۇيرەنەمىز؛
- سوزدەردىڭ وزىنە ءتان ماعىناسى بولاتىنىن تۇسىنەمىز.

ءۇ. «ماعىنانى اجىراتۋ» ساتىسى
«جيگسو» ستراتەگياسى
1) نومىرلەنگەن كيىز ۇيلەر ورتاعا ورنالاستىرىلادى
2) ءمۇعالىم تاپسىرمالاردى ءتۇسىندىرىپ شىعادى:

1 - تاپسىرما:
2 - تاپسىرما: وقۋلىقتىڭ 87 - بەتىندەگى 233 - جاتتىعۋ
3 - تاپسىرما: وقۋلىقتىڭ 87 - بەتىندەگى 234 - جاتتىعۋ
4 - تاپسىرما: شىعارماشىلىق تاپسىرما
جۇمباقتى شەشىپ، قاراما - قارسى سوزدەردىڭ استىن سىز
ورماننان جالپاق دالادان
بال ىزدەپ ءبىر اڭ جورتادى.
كىپ-كىشكەنە ارادان،
ءۇپ - ۇلكەن بوپ قورقادى. (ايۋ)
(كىپ-كىشكەنە ءۇپ - ۇلكەن)
- ەندى بالالار، اركىم ءوز بەت - الپەتتەرىندەگى نومىرلەرى بويىنشا قوناق ۇيگە ورنالاسادى.
«قوناق توبىندا» تاپسىرمالاردى ورىنداۋ ەرەجەسى:
1) اركىم تاپسىرمانى جەكە ورىندايدى
2) جۇبىمەن اقىلداسادى
3) تاپسىرمانى ورىنداپ، سۇراق قويىپ، دالەلدەيدى. ورتاق پىكىرگە كەلەدى

تاپسىرمانى ورىنداپ بولعاننان سوڭ، ءۇي توبىنا جينادى. ءار ءنومىرلى وقۋشى ءوزىنىڭ تاپسىرماسىن قالعان وقۋشىلارعا ءتۇسىندىرىپ بەرەدى، قالعاندارى ورىنداپ شىعادى. ءار توپ ءاربىر تاپسىرما بويىنشا پىكىرلەرىن ايتادى، قورتىندى جاسايدى.
سەرگىتۋ ءساتى: «كوڭىلدى كۇن» اۋەنىمەن سەرگىتۋ ءساتى جاسالادى

ءۇى. «وي تولعانىس» ساتىسى
«توپتاسۋ» ستراتەگياسى
- ەندى بالالار، بۇگىنگى ساباقتىڭ تاقىرىبى بويىنشا توپپەن بىرلەسە وتىرا ءوز
ويلارىڭدى جازا قويىڭدار. ءاربىر توپقا ءبىر پاراق قاعاز بەرىلەدى.
ءار توپتان ءبىر وقۋشى شىعىپ بۇكىل سىنىپقا وقىپ، تالدايدى. مىسالى،
وقۋشىلاردىڭ جاۋابى: سوزدەر ءارتۇرلى بولادى، ءسوز - زاتتىڭ، ساپانىڭ،
قيمىلدىڭ، ساننىڭ اتاۋىن بىلدىرەدى، ءسوزدىڭ ماعىناسىن ءبىلىپ الىپ ايتۋ كەرەك،
ت. س. س.

ءۇىى. ۇيگە تاپسىرما
ءارتۇرلى دەڭگەيدە تاپسىرمالار بەرىلەدى
1) ماعىناسى قاراما - قارسى سوزدەردى تاپ
تازا - اق -
ىستىق - اششى -
جاقسى - بيىك -
2) ماعىناسىنا قاراي توپتاپ جاز
داپتەر، كۇلدى، ەكى، ەدەمى، جىلادى، وتىز بەس، پارتا، كەڭ، التى، جاسىل، كىتاپ. 3) 88 - بەتتەگى 236 - جاتتىعۋ (رەبۋستى شەشۋ)

ءۇىپ. باعالاۋ
بالالار ساباقتىڭ سوڭىنا دەيىنگى ورىنداعان تاپسىرمالارى بويىنشا جيناعان ۇپايلارىن ساناپ، ءوز - وزدەرىن باعالايدى.

پاۆلودار وبلىسى، پاۆلودار قالاسى،
كامال ماكپالەيەۆ اتىنداعى
№4 جالپى ورتا ءبىلىم بەرۋ مەكتەبىنىڭ
2 سىنىپ جەتەكشىسى
سولتانوۆا گۋلجان ماگاۋيانوۆنا