سقو-دا داياشى جۇمىسىن سەرتيفيكاتتاۋدى ۇسىنادى
سقو رەستوراتورلار جانە وتەلەرلەر قاۋىمداستىعىنىڭ ءتوراعاسى سايران حامزين قوعامدىق تاماقتانۋ ورنىنىڭ تابىس كولەمى قىزمەتكەر بىلىكتىلىگى دەڭگەيىنە تىكەلەي بايلانىستى.
«پەتروپاۆلدا شامامەن 1،5 مىڭ داياشى جۇمىس ىستەيدى. ونىڭ 80 پايىزىنىڭ ءتيىستى بىلىكتىلىگى جوق»، - دەدى سقو باس رەستوراتورى.
«ءقازىر كوبىنەسە قوسىمشا قاراجات تاپقىسى كەلگەندەر داياشى بولا سالادى. ولار قوناقپەن جۇمىس ىستەي المايدى، اس ءمازىرىن بىلمەيدى، قىزمەت كورسەتۋ داعدىلارىن يگەرمەگەن. ناتيجەسىندە سەرۆيس ناشارلايدى. داياشى ماماندىعىن وقۋ ءۇشىن كەم دەگەندە جارتى جىل كەرەك. مۇنداي جاعداي سقو-دا عانا ەمەس، بارلىق وڭىردە قالىپتاسقان. كەرەمەت اسحاناسىمەن اشىلعان ورىندارعا داياشىلاردىڭ جۇمىسى كەرى ىقپال ەتەتىن ساتتەر ءجيى كەزدەسەدى»، - دەدى حامزين.
وڭىردەگى جاعدايدى سەرتيفيكاتتاۋ ورتالىقتارىنىڭ كومەگىمەن تۇزەۋگە نيەتتى.
«ءار قىزمەتكەردىڭ ءبىلىمى بولۋى كەرەك. سالادا قاجەت مامان ەكەنىن دالەلدەۋى ءتيىس. ونىڭ ءتيىستى ءبىلىمى تۋرالى سەرتيفيكاتى بولىپ، نە تەستىلەۋدەن ءوتۋى ءتيىس»، - دەپ اتاپ ءوتتى ول.
اسپازدار، اكىمشىلەر، باسقا پەرسونالدار دا سەرتيفيكاتتالۋى ءتيىس. ءقازىر ارنايى ءبىلىمى جوق اسپازدارعا وقىتۋ ءجۇرىپ جاتىر. ولاردى قاۋىمداستىق كوللەدجگە كۋرستارعا جىبەرەدى. ءبىلىم العاننان كەيىن ولار بىلىكتىلىگىنە قاراي 3 نەمەسە 4 دەڭگەيلى ساناتقا يە بولادى.
You Might Also Like
-
«سينحۋان» جاڭالىقتار اگەنتىگىنىڭ حابارلاۋى بويىنشا، قىتايدىڭ وڭتۇستىك-باتىسىنداعى گۋيچجوۋ ەلدى مەكەنىندە الەمدەگى ەڭ ءىرى Five hundred meter Aperture Spherical Telescope (قىسقارتىلعان ت...
-
جەر بەتىندە قانشا ۇلت بولسا، سونشا ۇلتتىق ەرەكشەلىك، ءداستۇر بار. ءار حالىقتىڭ تۋا بىتكەن بولمىسىنا، ءومىر كەشۋ جاعدايىنا قاراي قالىپتاسقان وسى داستۇرلەردىڭ توزىعىن ۋاقىت ءوزى ەكشەپ، وزىعىن ەل كادەسىنە...
