سەناريي، 1-مامىرعا ارنالعان مەرەكەلىك كەشتىڭ سەنارييى
Cسەناريي.
ءى-بولىم.
1-وقۋشى:
«قۇرمەتتى ۇستازدار مەن وقۋشىلار!
قازاقستان حالىقتارى بىرلىگى كۇنىنە وراي ۇيىمداستىرىلعان “تاتۋلىق مەكەنى” اتتى ۇلتتار مادەنيەتىنە ارنالعان كەشىمىزدى «اشىق»- دەپ جاريالايمىز!
2-وقۋشى:
الدارىڭىزدا ءتورتىنشى جانە بەسىنشى سىنىپ وقۋشىلارى، ءارتۇرلى ۇلتتاردىڭ كيىمىن، ءتىلىن، ءسالت-داستۇرى مەن ونەرىن تانىستىرادى.
1-وقۋشى:
سونداي-اق، ۇلتتىق تاعامدارىن دا تانىستىرىپ، وزگە ۇلت پەن قازاق حالقىنىڭ مادەني ۇقساستىعىن دالەلدەيدى.
2-وقۋشى:
باستايىق ولاي بولسا كەشىمىزدى،
ءداستۇرى جوعالسا ەلدىڭ نەسى قۇندى؟!
سان ءتۇرلى ۇلت، ءبىر اتانىڭ بالاسىنداي،
سىيلاسىپ كۇن كەشۋدە وسى كۇنى!
1-وقۋشى:
يسپان ۇلتى تانىمال ءور مىنەزبەن،
گيتاراعا قوسىپ ايتار اۋەنمەن.
بەسىنشى «ا» تانىستىرسىن وسى ۇلتتى،
جاقىنىراق تانىسايىق جات ۇلتپەن!
2-وقۋشى:
ءتۇبى تۇركى، ءبىر اتادان تاراعان،
«تۇرىك» ۇلتى جاناشىر ۇلت، دوسقا ادال.
بەسىنشى «ءا» تانىستىرسىن تۇرىك ەلىن،
جادىراسىن جانى جايناپ كورگەن جان.
1-وقۋشى:
«سىعان» دەگەن جيھان كەزگەن ۇلت بار،
الداۋ-ارباۋ، ءان ايتۋعا جانى قۇمار.
بەسىنشى «ب» تانىستىرسىن وسى ۇلتتى،
قۇلاق سالىپ، كوڭىل قويسىن جاراندار!
2-وقۋشى:
ونىڭ ءتىلى — قۇران ءتىلى، اۋەزدى،
ال مەككەسى عاشىق ەتكەن الەمدى.
اراب ۇلتىن تانىستىرسىن سىزدەرگە،
بەسىنشى «ۆ» كورسەتىپ بار ونەردى.
1-وقۋشى:
كورشى تۇرعان سان عاسىر، ورىس ۇلتىن،
ءتورتىنشى «ا» سىنىبى تانىستىرسىن.
ءتىلى مەن سالت-ساناسى ارالاسقان،
مىنەزى جاقىن بولعان سلاۆيان كورشىم.
2-وقۋشى:
«قازاق» - دەسە قۇلاعى ەلەڭ ەتكەن،
ال حالايىق، قۇلاق قوي، سوزگە ەپپەن.
ءتورتىنشى «ءا» سىنىبى تانىستىرسىن،
قازاق ەلىن، سىزدەرگە قارا ولەڭمەن!
1-وقۋشى:
ءوز اعامىز وزبەكتىڭ ءسالت-داستۇرىن،
تانىستىرسىن ساحنادا ءتورتىنشى «ب».
ءدىنى، ءتىلى، ءتۇبىرى تۇگەل ۇقساس —
تىڭدايىق مايدا قوڭىر وزبەك ءتىلىن.
ءىى - ءبولىم.
1-وقۋشى:
ءار ۇلتتىڭ وزىنە ءتان ءسالت-داستۇر، مادەنيەتى بار. يسپان حالقىنىڭ ۇلتتىق داستۇرىمەن ساحنادا — 5 «ا» سىنىبى. قارسى الدىڭىزدار!
2-وقۋشى:
تۇرىك حالقىنىڭ ءسالت-داستۇرىن تانىستىرۋعا، ساحناعا 5 «ءا» سىنىبىن شاقىرامىز!
1-وقۋشى:
اراب مادەنيەتىن جاقىنىراق تانىتۋعا 5 «ۆ» سىنىبى كەلىپ وتىر. قابىل الىڭىزدار!
2-وقۋشى:
«قۇدا ءتۇسۋ نەمەسە سۆاتوۆوستۆو» كورىنىسىمەن الدارىڭىزدا 4 «ا» سىنىبى. تاماشالاي وتىرىڭىزدار!
1-وقۋشى:
ورىس حالقى قىزىن ءبىر كاراۆايعا ۇزاتا سالسا، قازاق حالقى ۇزاتىلار قىزىن قانشاعا باعالاعان ەكەن؟! بىرگە تاماشالايىق؟! «قازاقشا قۇدا ءتۇسۋ». ساحنادا 4 «ءا» سىنىبى وقۋشىلارى.
2-وقۋشى:
ءتورتىنشى «ا» جانە «ءا» سىنىپتارى بۇگىن «قۇدا ءتۇسۋ سالتىن» كورسەتسە، 4 «ب» سىنىبى وزبەكتىڭ “كەلين سالوم” ءداستۇرىن كورسەتپەكشى. تاماشالاي وتىرىڭىزدار!
ءىىى - ءبولىم.
1-وقۋشى:
ونەردىڭ دە كەلدى مىنە كەزەگى،
بىرەۋ — بيلەپ، بىرەۋ — ءان ساپ بەرەدى.
يسپاندىقتار بيىمەنەن تانىمال،
اۋەنىن دە بۇكىل الەم بىلەدى.
الدارىڭىزدا 5 «ا» سىنىبى وقۋشىلارى «يسپان بيىمەن». قارسى الىڭىزدار!
2-وقۋشى:
5 «ءا» سىنىبى وقۋشىلارى «تۇرىك» بيىمەن كوڭىلدەرىڭىزدى كوتەرە وتىرسىن. قابىل الىڭىزدار!
1-وقۋشى:
ساحنادا 5 «ۆ» سىنىبى. اراب ۇلتىنىڭ ونەرىن پاش ەتسىن!
2-وقۋشى:
«ورىس» دەسە ەسكە تۇسەر «چاستۋشكا»،
چاستۋشكادا كەزدەسەدى ءار نۇسقا.
چاستۋشكانىڭ قازاقشاسىن شىرقاسىن،
ساحناعا بيلەپ شىعىپ ءتورتىنشى «ا»!
1-وقۋشى:
قازاقتىڭ ءبىر ءداستۇرى ءتاتتى شاشۋ،
ساراڭدىق پەن تار پەيىل ىستەن قاشۋ.
تويباستار «شاشۋ» ءبيىن بيلەپ بەرسىن،
ءتورتىنشى «ءا»ء-نىڭ قىزدارى، شاشىپ شاشۋ!
2-وقۋشى:
كەلەسى كەزەكتە 4 «ب» سىنىبى “انديجانسكايا پولكا” بيىمەن ساحنادا.
IVء-بولىم.
1-وقۋشى: ەندى ءار سىنىپ ءوز ۇلتتارىنىڭ ۇلتتىق تاعامدارىن تانىستىرادى. ساحنادا اسپازدار!
2-وقۋشى: وسىمەن بۇگىنگى ۇلتتار كۇنىنە ارنالعان سايىسىمىز اياقتالدى. مەكتەبىمىزدىڭ باسشىسى .... ....... قىزىنا ءسوز بەرەمىز!
تاپسىرىس بەرۋ ءۇشىن بايلانىس نومەرىم: wa.me/77002303625
You Might Also Like
-
جالايىر ەلىنىڭ ءبىر توپ يگى جاقسىلارى ەل اراسىنداعى ءبىر داۋلى ءىستى ءبىتىرىپ، ۇيلەرىنە قايتىپ كەلە جاتىپ، ءبىر بايدىڭ اۋىلىنا قونعان ەكەن. ولاردىڭ ىشىندە جىلكەلدى ۇلى ەسكەلدى دە بولىپتى. ەرتەڭىندە الگى ...
-
قارجاس قالقامان باتىردىڭ بالاسى بۇقار جىراۋ دەگەن قاريا بولعان ەكەن. زامانىنداعى سىنشىلار ول كىسىنى «كومەكەي اۋليە» دەيدى ەكەن. كومەكەيى بۇلكىلدەپ سويلەيدى دە وتىرادى ەكەن. قارا ءسوز جوق...
