س.سەيفۋللين نەگىزىن قالاعان مەكتەپ عاسىرلىق مەرەيتويىنا ازىرلەنۋدە
قاراعاندى وبلىسىنىڭ احمەت اۋىلىندا ساكەن سەيفۋللين اتىنداعى مەكتەپتىڭ 100 جىلدىق مەرەيتويى تويلانعالى جاتىر، دەپ حابارلادى www.24.kz.
ايتۋلى مەرەكە قارساڭىندا ءبىلىم وشاعىنىڭ جانىنداعى قوعامدىق مۇراجاي قۇندى جادىگەرلەرمەن تولىقتى. مەرەيلى مەكتەپتىڭ نەگىزىن 1916 جىلى نۇرا اۋدانىندا ساكەن سەيفۋللين قالاعان ەكەن. ءبىر عاسىرلىق تاريحى بار ءبىلىم وشاعى تالاي مارتە قايتا قۇرىلدى، ورنىن دا اۋىستىردى. سوعان قاراماستان مەكتەپ مۇراجايى ۇلتىمىزدىڭ ۇلى پەرزەنتى، حالىقشىل قالامگەردىڭ ومىرىنەن سىر شەرتەتىن تالاي قۇندى دەرەكتى كوزدىڭ قاراشىعىنداي ساقتاپ كەلەدى. ءقازىر مۇندا 450-گە جۋىق جادىگەر بار. كونە سۋرەتتەر، تۇرمىستىق بۇيىمدار مەن قازاق ادەبيەتىنىڭ وسىپ-وركەندەۋىنە نەگىز بولعان ءتۇپنۇسقالاردى كەزدەستىرۋگە بولادى. بۇگىندە مەكتەپتە 200-دەن استام بالا ءبىلىم الادى. ولار ساكەن وقۋلارىنا، عىلىمي جوبالار مەن زەرتتەۋ جۇمىستارىنا بەلسەنە قاتىسىپ ءجۇر.
«ءبىزدىڭ وقۋشىلار كەزىندە وسى مەكتەپتە وقىعاندار جايىندا مالىمەتتەر ىزدەپ تابۋعا تىرىستى. جازبالارعا سۇيەنسەك، 40 وقۋشى بولعان ەكەن. ءبىز ولاردىڭ 20-سىنىڭ ءتىزىمىن جاسادىق. ساكەن سەيفۋلليننەن ءبىلىم العانداردىڭ ۇرپاقتارى بار. ولار ءۇشىن بۇل ۇلكەن ماقتانىش. اقىننىڭ رۋحىنا دەگەن قۇرمەت»، - دەيدى س.سەيفۋللين اتىنداعى مەكتەپتىڭ ديرەكتورى اتىمتاي بالابييەۆ.
You Might Also Like
-
“يۋن جارلىعى” – رەسەي پاتشاسى نيكولاي ءىى-نىڭ 1916 جىلى 25 ماۋسىمداعى “بۇراتانا” حالىقتاردىڭ وكىلدەرىن تىلداعى جۇمىسقا الۋ جونىندەگى جارلىعى.
-
تاڭاتار شەشەسىنىڭ زەينەتاقىسىمەن كۇن كورەدى. كەيدە بۇل زەينەتاقى دا ونى-مۇنىعا جەتە بەرمەيدى. بۇگىن تاڭاتار اۋلادا زەرىگىپ وتىر ەدى، شۋلاسىپ ويناپ جاتقان بالالارعا كوزى تۇسە كەتتى. سونان سوڭ بال...
