InfoHub Logo

س. امانباي ۇلى اتىنداعى ورتا مەكتەپتىڭ
باستاۋىش سىنىپ ءمۇعالىمى ايجان جاكۋپوۆا

تاقىرىبى: تابيعات قۇبىلىستارى
ماقساتى:
1. وقۋشىلاردىڭ تابيعات قۇبىلىستارى تۋرالى تۇسىنىكتەرىن كەڭەيتۋ، بىلىمدەرىن جۇيەلەۋ.
2. وقۋشىلاردىڭ ەرىكتى تۇردە تۇراقتى زەيىن قويۋىن دامىتۋ. توپتا جۇمىس ىستەۋ داعدىلارىن دامىتۋ.
3. وزگەنى دە تىڭداي بىلۋگە، العان ءبىلىمىن ومىردە قولدانا بىلۋگە، اينالاسىنداعى ادامداردى قۇرمەتتەۋگە، تابيعاتتى سۇيۋگە باۋلۋ.
كۇتىلەتىن ناتيجەلەر:
پاندىك ناتيجەلەر: تابيعات قۇبىلىستارىن ءبىلۋ؛
تۇلعالىق ناتيجەلەر: ءوز جەرىنىڭ تابيعاتىنا، ونىڭ رۋحاني جانە ماتەريالدىق بايلىعىنا، سۇلۋلىعى مەن كوركەمدىگىنە ماقتانا ءبىلۋ، سەزىنە ءبىلۋ، سۇيە ءبىلۋ؛
جۇيەلى ءىس - ارەكەتتىك ناتيجەلەر: قوسىمشا اقپاراتتى جيناقتاۋ جانە ولاردىڭ قاجەتتىسىن ىرىكتەپ الۋ بىلىگىن قولدانا الۋ.
ساباقتىڭ ءتۇرى: ارالاس ساباق.
جۇمىس ءتۇرى: توپتىق جۇمىس.
قاجەتتى قۇرالدار: وقۋلىق، تابيعات قۇبىلىستارى مەن تابيعي اپاتتاردىڭ سۋرەتتەرى.
ءپانارالىق بايلانىس: ادەبيەتتىك وقۋ.
وزەكتى سۇراق: تابيعات قۇبىلىستارى ادام ومىرىنە ءقاۋىپتى بولا الا ما؟

ساباقتىڭ بارىسى
1. ۇيىمداستىرۋ كەزەڭى. پسيحولوگيالىق دايىندىق.
بالالار ءبىر - بىرىنە جاقسى سوزدەر ايتادى.
2. بىلىمدەرىن بەلسەندىرۋ.
تابيعات قۇبىلىستارى جايىندا جۇمباقتاردى شەش.
دۇرلىكتىرىپ قىرقانى،
شاقپاق تاستىڭ جارقىلى.
بۇلت كورپەسىن جىرتادى. /نايزاعاي/

شاشىلدى كوكتەن اق مونشاق،
جوعالدى بىزدەر تاپقانشا - اق. /بۇرشاق/
مولدىرەگەن ءجۇزىمدى،
ۇستاپ ەدىم، ەزىلدى. /شىق/

ءشوپتى جاپىرىپ،
قۇمدى ساپىرىپ،
قوقىستى ءۇيىرىپ،
اكەتكەن نە ءشۇيىرىپ؟ /قۇيىن/

3. ساباقتىڭ ماقساتى مەن مىندەتىن قويۋ.
تابيعات قۇبىلىستارىن ەسكە ءتۇسىرۋ.
- جاڭبىر، بۇرشاق، قار، بوران، كۇننىڭ كۇركىرى، نايزاعايدىڭ ويناۋى، شىق، قىراۋ، بۇلت، تۇمان، جىل مەزگىلدەرىنىڭ اۋىسۋى، كوكتىڭ شىعۋى، جاپىراقتىڭ سارعايۋى، مۇزدىڭ قاتۋى، مۇزدىڭ ەرۋى، جاڭبىردىڭ جاۋۋى، كۇننىڭ جىلۋى، ت. ب.

- بالالار، وسى تابيعات قۇبىلىستارىن ءوز مەزگىلدەرىمەن سايكەستەندىرىڭدەر.
- بۇگىنگى ساباق نە تۋرالى دەپ ويلايسىڭدار؟
- تابيعات قۇبىلىستارى.
تاراتىلعان قاعازداردىڭ تۇسىنە قاراي وقۋشىلاردى 4 توپقا ءبولۋ.
1 - توپ - جاسىل ءتۇس – « كوكتەم»
2 - توپ - قىزىل ءتۇس - « جاز»
3 - توپ - سارى ءتۇس - «كۇز»
4 - توپ - كوك ءتۇس - «قىس»

4. جاڭا ماتەريالدى وقۋ.
1. توپتىق جۇمىس.
ءار توپ مۇشەلەرى ءوز مەزگىلدەرىنە سايكەس تابيعات قۇبىلىستارىنىڭ ءتىزىمىن توپتاستىرادى. توپ مۇشەلەرى باسقا توپ مۇشەلەرىنىڭ مالىمەتتەرىن تىڭدايدى جانە ءوز پىكىرلەرى مەن قوسار ويلارىن ورتاعا سالادى.
2. وقۋلىقتاعى ماتىنمەن جۇمىس
3. «ويلان، تاپ!» ويىنى.
ءار توپ جەكە - جەكە وزدەرى باقىلاعان تابيعات قۇبىلىستارىنىڭ ءبىرىن سۋرەتتەيدى.
كەلەسى توپتىڭ مىندەتى - سول قۇبىلىستى تابۋ.
4. وزەكتى سۇراق: تابيعات قۇبىلىستارى ادام ومىرىنە قانداي ءقاۋىپ توندىرەدى؟
/تالقىلاۋ/
5. سۋرەتتەرمەن جۇمىس.
جەر سىلكىنىسى، سەل، داۋىل، قار كوشكىنى بەرىلگەن سۋرەتتەردى 4 توپقا تاراتىپ بەرۋ.
ءار توپ بەرىلگەن سۋرەت بويىنشا ءوزارا ويلارىن ورتاعا سالادى.
- بۇل تابيعات قۇبىلىستارى قالاي اتالادى؟ ولار نەگە ءقاۋىپتى؟ ولاردىڭ زاردابى
مەن ناتيجەسى قانداي بولادى؟ تابيعات اپاتى كەزىندە ءوزىڭدى قالاي ۇستايسىڭ؟
«كوكتەم» توبى سەلدىڭ ءجۇرۋى تۋرالى ايتادى.
«جاز» توبى داۋىلدىڭ سوعۋى تۋرالى ايتادى.
«كۇز» توبى جەر سىلكىنىسى تۋرالى ايتادى.
«قىس» توبى قار كوشكىنى تۋرالى ايتادى.

5. ءبىلىمدى بەكىتۋ.
1. وقۋلىقتاعى سۇراقتارعا جاۋاپ بەرۋ.
2. ءار توپ ءوز مەزگىلىن بەينەلەپ سۋرەت سالۋ.
6. رەفلەكسيا.
1. مەن ۇيرەندىم:...
2. مەنى تاڭعالدىردى:...
3. مەن بىلگىم كەلەدى:...
7. ۇيگە تاپسىرما بەرۋ.

داپتەرمەن جۇمىس.
ءوزى قالاعان مەزگىلدى قاتىستىرىپ 1 شۋماق ولەڭ قۇراستىرۋ.