تايلاند پەن كامبودجا اتىستى توقتاتۋعا كەلىستى
تايلاند پەن كامبودجا اتىستى توقتاتۋعا كەلىستى
تايلاند پەن كامبودجا اراسىندا تۋىنداعان شەكارالىق قاقتىعىس ۋاقىتشا توقتاتىلاتىن بولدى. قوس تاراپ كەلەسى 24 ساعات ىشىندە اتىستى دوعارۋ تۋرالى كەلىسىمگە كەلدى. بۇل تۋرالى مالايزيا پرەمەر-مينيسترى انۆار يبراگيم مالىمدەدى.
قارۋلى شيەلەنىس 24 شىلدە كۇنى ەكى ەلدىڭ شەكاراسىندا ۋشىعىپ، كامبودجا تايلاند اۋماعىنداعى ازاماتتىق ينفراقۇرىلىمعا سوققى بەردى. ءوز كەزەگىندە تايلاند كامبودجالىق اسكەري نىساندارعا اۋە شابۋىلىن ۇيىمداستىرعان. قاقتىعىس سالدارىنان ەكى تاراپتان دا قازا تاپقاندار مەن جارالانعاندار بار. مىڭداعان بەيبىت تۇرعىن ءقاۋىپسىز ايماقتارعا ەۆاكۋاسيالاندى.
جانجالعا قاتىستى تاراپتار ءبىر-بىرىن كىنالاپ وتىر. كامبودجانىڭ قورعانىس مينيسترلىگى قاقتىعىستى العاش بولىپ تايلاند باستادى دەسە، بانگكوك جاۋاپكەرشىلىك پنومپەنگە جۇكتەلۋى ءتيىس دەگەن ۇستانىمدا.
قازىرگى تاڭدا اتىستى توقتاتۋ تۋرالى ۋاعدالاستىق ىسكە اسۋى ءۇشىن تاراپتار اراسىندا ديپلوماتيالىق ارنالار ارقىلى كەلىسسوزدەر جالعاسىپ جاتىر.
You Might Also Like
-
اتىراۋدا ايەل ۇستازدارعا ارنالعان تەگىن STEM HANYM كۋرستارى باستالماق،-دەپ جازادى ينفوحاب ءتىلشىسى.
-
اقمولا وبلىسىندا دارىگەرگە كۇش قولداندى دەگەن كۇدىكپەن 34 جاستاعى ەر ادام قاماۋعا الىندى. كۇدىكتى — سارەنجەپوۆ ەسىمدى ازامات، قوستاناي وبلىسىنىڭ تۋماسى. ءقازىر اقمولا وڭىرىندە تۇرادى. بەلگىلى بولعان...
