تاجىكستانداعى ءزىلزالادان ءۇش جاسار بالا كوز جۇمدى، ونداعان ءۇي مەن مەكتەپ ءبۇلىندى
13 ساۋىردە تاجىكستاننىڭ راشت اۋدانىندا بولعان جەر سىلكىنىسى اۋىر زارداپتارعا اكەلدى. رەسپۋبليكانىڭ توتەنشە جاعدايلار كوميتەتى تاراتقان مالىمەتكە سايكەس، سىلكىنىس كەزىندە تۇرعىن ءۇي قابىرعاسى قۇلاپ، ءۇيىندى استىندا ءۇش جاسار ءبۇلدىرشىن قازا تاپقان.
تابيعي اپات راشت پەن تاجىكاباد اۋداندارىندا كەم دەگەندە 29 تۇرعىن ءۇي مەن ءبىر مەكتەپكە ايتارلىقتاي زيان كەلتىردى. قازىرگى ۋاقىتتا وقيعا ورنىندا قۇتقارۋشىلار مەن ارنايى قۇرىلعان كوميسسيا اپات سالدارىن جويۋ جۇمىستارىن جالعاستىرۋدا.
الدىن الا مالىمەت بويىنشا، ءزىلزالانىڭ ەپيسەنترى تاجىكستان اۋماعىندا ورنالاسقان. ونىڭ اسەرى قازاقستاننىڭ وڭتۇستىگىندەگى شىمكەنت پەن تاراز قالالارىندا دا سەزىلگەن بولاتىن.
You Might Also Like
-
Forbes ءداستۇرلى الەمدىك ميللياردەرلەر ءتىزىمىن جاريالادى. بيىل رەيتينگكە 3028 ميللياردەر ەندى، بۇل 1987 جىلدان بەرى رەكوردتىق كورسەتكىش. تىزىمدەگىلەردىڭ جيىنتىق بايلىعى 16،1 ترلن دوللاردى قۇرايدى.
-
اقش-تىڭ بۇرىنعى پرەزيدەنتى دونالد ترامپ حالىقارالىق ساۋدا قاتىناستارىنا تۇبەگەيلى وزگەرىستەر ەنگىزىپ، 185 ەلدەن كەلەتىن يمپورتتىق تاۋارلارعا باج سالىعىن ەنگىزدى. بۇل قادام ونىڭ «امەريكانى قايتادان...
