سوڭعى جاڭارتۋ

(وزگەرتىلگەن ۋاقىتى 10 ساعات بۇرىن)
تاڭعاجايىپ كوكتەمنىڭ سىرى
ماڭعىستاۋ وبلىسى، ءتۇپقاراعان اۋدانى،
باۋتين اۋىلى، "اقبوتا" بالاباقشاسىنىڭ
بەينەلەۋ ءپانى ءمۇعالىمى دۋيمبايەۆا رايحان امانجولوۆنا

توبى: ەرەسەك.
ءبىلىم بەرۋ سالاسى: شىعارماشىلىق.
ۇيىمداستىرىلعان وقۋ ءىس – ارەكەت: سۋرەت سالۋ.
تاقىرىبى: «تاڭعاجايىپ كوكتەمنىڭ سىرى».
ماقساتى: مايشامدى قولدانۋ ارقىلى سۋرەت سالۋ، گۋبكامەن بوياۋ تەحنيكاسىن مەڭگەرتۋ.
بىلىمدىلىگى: كوكتەم مەزگىلىنىڭ ەرەكشەلىگىنە ءتان بەلگىلەردى اجىراتا بىلۋگە ۇيرەتۋ.
دامىتۋشىلىعى: بالالار بويىنداعى شىعارماشىلىق قابىلەتتەرىن دامىتۋ.
تاربيەلىگى: جاس ۇرپاقتى تابيعاتتى سۇيۋگە، ەستەتيكالىق سەزىمگە تاربيەلەۋ.
ءادىس - ءتاسىلى: ءتۇسىندىرۋ، كورسەتۋ، سۇراق - جاۋاپ، قورىتىندىلاۋ.
كەرەك قۇرالدار: اق پاراق، مايشام ( بالاۋىز)، اكۆارەل بوياۋى، گۋبكا، سۇلگى، سۋ، سلايد.

ۇيىمداستىرىلعان وقۋ ءىس – ارەكەت كەزەڭدەرى
تاربيەشىنىڭ ءىس - ارەكەتى
موتيۆاسيالىق قوزعاۋشىلىق
شاتتىق شەڭبەر قۇرۋ.
كوكتەم كەلدى ەلىمە،
كوكتەم كەلدى جەرىمە.
بايلىق، باقىت تىلەيمىن،
بۇكىل قازاق ەلىنە!
- جارايسىڭدار، بالالار، بۇگىنگى كوڭىل - كۇيلەرىڭ قالاي، جاقسى ما؟
- مەن سەندەرگە ساتتىلىك تىلەيمىن.
- ەندەشە، جاقسى كوڭىل - كۇيمەن ورنىمىزعا جايعاسايىق.

ۇيىمداستىرۋشىلىق ىزدەنىستىك
تاربيەشى بالالارعا ينتەراكتيۆتى تاقتاعا نازار اۋدارۋىن سۇرايدى.
كوكتەم تۋرالى سلايد كورسەتىلەدى.
تاربيەشى بالالاردان قاي مەزگىلدى تاماشالاعاندارىن سۇرايدى.
- بالالار تاماشالاعانىمىز قاي مەزگىل؟
- كوكتەم مەزگىلى نەشە ايدان تۇرادى؟
- كىم ايلاردىڭ اتاۋىن اتاپ بەرەدى؟
- كوكتەم مەزگىلىندە قانداي وزگەرىستەر بولادى؟

- جارايسىڭدار، بالالار، وتە جاقسى جاۋاپ بەردىڭدەر.
عاجايىپ ءسات:
ەسىك قاعىلادى، ەسىكتىڭ الدىندا گۇل تولى سەبەت تۇرادى.
- وي، بالالار، گۇل تولى سەبەت تاستاپ كەتىپتى.
- بۇل سەبەتتىڭ يەسى كىم بولدى ەكەن؟

- بۇل گۇلدىڭ اتاۋىن بىلەسىڭدەر مە؟
(بايشەشەك تۋرالى ماعلۇمات بەرۋ)
بايشەشەك – وسىمدىك اراسىنداعى ەرتە وياناتىن گۇلدەردىڭ ءبىرى. وعان قىستىڭ سۋىعى مەن قارى، كوكتەمنىڭ ىزعارى دا قورقىنىشتى ەمەس. ءبىرىنشى ەكى جاپىراعى شىعادى، ارتىنان قوڭىراۋ اق گۇل جارادى.
- بۇل سەبەتتەگى گۇلدىڭ كۇلتەشەسىنىڭ ءتۇسى قانداي؟
ساباعىنىڭ ءتۇسى قانداي؟
بالالار، بۇل سەبەتتىڭ ىشىندە ءبىر نارسە بار سياقتى. بۇل نە؟
بۇل ءجاي حات ەمەس. كانە، اشىپ كورەيىك.
تاربيەشى حاتتى اشىپ قارايدى. ىشىنەن ديسك شىعادى. ديسكىنى قوسقاندا، سۇلۋ كوكتەم بالالارمەن امانداسىپ، تاپسىرما بەرگەندىگى جونىندە ايتادى.
بالالار، سۇلۋ كوكتەمنىڭ تاپسىرماسىن ورىنداۋعا دايىنسىڭدار ما؟
1 - تاپسىرما:
بالالار، كوكتەم مەزگىلىندە ءبىز قانداي مەرەكەلەردى تاماشالايمىز؟

تولىق نۇسقاسىن جۇكتەۋ

You Might Also Like

جاڭالىقتار

جارناما