سوڭعى جاڭارتۋ

(وزگەرتىلگەن ۋاقىتى 10 ساعات بۇرىن)
شىعارما جازۋ جولدارى مەن ادىستەرى
كوۋچينگ تاقىرىبى: شىعارما جازۋ جولدارى مەن ادىستەرى
ماقساتى: وقۋشىلاردىڭ تىلدىك جانە ادەبيەتتىك بىلىمدەرى مەن ءوزىنىڭ تانىم، تۇيسىك، كوزقاراسىنىڭ تاجىريبەلەرىنە سۇيەنە وتىرىپ ءوز ويىن جۇيەلى جازۋعا باعىتتاۋ.
كۇتىلەتىن ناتيجە: وقۋشىنىڭ تىلدىك مادەنيەتى، سوزدىك قورى، تەوريالىق ءبىلىمى، ادەبي ۇعىم - تۇسىنىگى، جازۋعا يكەمى مەن ويلاۋ دەڭگەيى ارتادى.
رەسۋرستار: تاپسىرما جازىلعان پاراقتار، ستيكەرلەر.
وقىتۋ ادىستەرى: «دەيىن - كەيىن» ءادىسى، جۇپتىق، توپتىق جۇمىس.

كوۋچينگ كەزەڭدەرى
ۇيىمداستىرۋ كەزەڭى
«دەيىن - كەيىن» ستراتەگياسى
ۇلەستىرىلگەن اق قاعازدىڭ «دەيىن» باعاناسىنا شىعارما جازدىرۋداعى كەزدەسەتىن قيىندىقتاردى جازادى.

نەگىزگى ءبولىم «شىعارما جازۋ جولدارى مەن ادىستەرى» تاقىرىپتى تاڭداۋ باعىتىندا تۇسىنىك بەرىپ وتەمىن.
قاتىسۋشىلار قاي باعىتتا جۇمىس ىستەۋ كەرەكتىگىن تۇسىنەدى.

1 - تاپسىرما
تاقتاعا وتان، انا، ءبىلىم سوزدەرى جازىلعان پاراق ىلەمىن.
2 - تاپسىرما
تاڭداعان تاقىرىپتارىڭىزعا توپتاستىرۋ سىزباسىن تولتىرىڭىز.
3 - تاپسىرما
سول سوزدەردەن ءسوز تىركەستەرى جاساڭىز.
4 - تاپسىرما
جازعان ءسوز تىركەستەرىنەن جاي جانە قۇرمالاس سويلەم قۇراڭىز.
5 - تاپسىرما
جازعان سويلەمدەرىڭىزدەن ءماتىن قۇراڭىزدار. داپتەردىڭ ءبىر جولىن قالدىرا وتىرىپ كوك سيامەن جازىڭىزدار.
6 - تاپسىرما
بوس قالدىرعان جولعا قىزىل سيامەن ماتىنگە بايلانىستى ماقال - ماتەلدەر، ولەڭ جولدارىن جازىڭىزدار، سونىمەن قاتار ومىرمەن بايلانىستىرۋعا بولادى.
7 - تاپسىرما
سىزدەر ەندى كوك سيامەن جازعان ءماتىن مەن قىزىل سيالى ءماتىندى ءبىر - بىرىمەن بايلانىستىرا وتىرىپ شىعارما جازىڭىزدار.
7 تاپسىرمانى رەتىمەن ورىنداپ، جازعان شىعارمالارىن وقيدى.
كەرى بايلانىس «دەيىن - كەيىن» ستراتەگياسى
كوۋچينگ ساباقتىڭ وقۋشىلار ءۇشىن قانشالىقتى ءساتتى بولعانىن باقىلاۋ ءۇشىن، تاقىرىپ بويىنشا نە بىلگەنى تۋرالى «كەيىن» باعاناسىن تولتىرادى.

You Might Also Like

جاڭالىقتار

جارناما