تارازدا بالالار ۋنيۆەرسيتەتى اشىلدى
تاراز مەملەكەتتىك پەداگوگيكالىق ينستيتۋتىندا بالالار ۋنيۆەرسيتەتى اشىلدى. «Kids University» جوباسى مەكتەپ وقۋشىلارىنىڭ شىعارماشىلىق قابىلەتىن دامىتۋدى، زاماناۋي تەحنولوگيالاردى مەڭگەرتۋدى جانە ونى ومىردە قولدانا بىلۋگە داعدىلاندىرۋدى كوزدەيدى. بۇل جايىندا تارمپي-دىڭ اقپاراتتىق-يميدجدىك قىزمەتىنىڭ جەتەكشىسى جاندار اسان ءمالىم ەتتى.
وقۋ ورنىنىڭ 50 جىلدىعى قارساڭىندا ۇيىمداستىرىلعان شارا 8 باعىت بويىنشا جۇرگىزىلەدى. العاشقى كەزەڭ بويىنشا ينستيتۋت عالىمدارى جامبىل وبلىسى مەن تاراز قالاسىنداعى مەكتەپ وقۋشىلارىن حيميا، بيولوگيا، فيزيكا جانە روبوتوتەحنيكا سالالارى بويىنشا جۇرگىزىلگەن زەرتتەۋ جۇمىستارىنىڭ قىر-سىرىمەن تانىستىرىپ، يننوۆاسيالىق ويلارىن ورتاعا سالدى.
كەشەندى تاجىريبە جۇرگىزۋگە پەداگوگيكالىق ينستيتۋتتىڭ بازاسىندا تولىق جاعداي جاسالعان. وقۋ ورنىندا ستۋدەنتتەر مەن مەكتەپ وقۋشىلارىنىڭ روبوتوتەحنيكا بويىنشا عىلىمي-تەحنيكالىق شىعارماشىلىق قابىلەتىن دامىتۋ ماقساتىندا «ەلەكتروتەحنيكا»، «راديوتەحنيكا»، «ەلەكترونيكا نەگىزدەرى» جانە «مەكتەپتەگى روبوتوتەحنيكا» وقۋ-زەرتحانالارى جۇمىس ىستەيدى. ءدارىسحانالار Lego، Tetrix، اrduino روبوتتارىمەن، زاماناۋي قۇرىلعىلارمەن، وقۋ-ادىستەمەلىك جانە باعدارلامالىق نۇسقاۋلىقتارمەن جابدىقتالعان. سونىمەن قاتار، فيزيكا-ماتەماتيكا فاكۋلتەتىنىڭ جامبىل وبلىسىنداعى ورتا جانە ارنايى مەكتەپتەرىندەگى ينفورماتيكا ءپانى مۇعالىمدەرىنىڭ روبوتوتەحنيكا، ەلەكترونيكا نەگىزدەرى مەن راديوتەحنيكا پاندەرى بويىنشا بىلىكتىلىگىن كوتەرۋگە ارنالعان ماتەريالدىق جانە رەسۋرستىق بازالارى بار.
ينستيتۋتتا تاجىريبەدەن وتكەن وزىق ويلى وقۋشىلاردىڭ عىلىمي جوبالارى ورتالىقتا توپتاستىرىلادى. ەڭبەكتەردى وندىرىسكە ەنگىزۋ ءىسى دە جان-جاقتى قاراستىرىلماق.
ال، جوبانىڭ ونەر، مادەنيەت جانە سپورت باعىتى بويىنشا تارمپي ۇستازدارى جەتكىنشەكتەرگە «ديزاين»، «بەينەلەۋ ونەرى»، «سپورتتىق جاتتىعۋلار»، «سۋرەت جانە سىزۋ»، «حورەوگرافيا»، «العاشقى اسكەري دايىندىق» جانە «مۋزىكالىق اسپاپتاردى ۇيرەنۋ» سەكسيالارى بويىنشا شەبەرلىك سىنىپتارىن وتكىزىپ، اتالعان ماماندىقتاردىڭ قىر-سىرىمەن تانىستىردى.
«بۇگىنگى تاجىريبەلىك ساباقتاردى ەسىمى ەلگە بەلگىلى ونەر مايتالماندارى، قىلقالام شەبەرلەرى مەن الەمدىك سپورت باسەكەلەرىندە «جۇزدەن جۇيرىك، مىڭنان تۇلپار» شىققان سپورت شەبەرلەرى وتكىزدى. بۇل شارانىڭ مەكتەپ وقۋشىلارىنىڭ ماماندىق تاڭداۋدا تيگىزەتىن ىقپالى زور. جاستاردىڭ ءوز بەيىمىنە قاراي ءدال سول سالادا تەرەڭ ءبىلىم الۋى ەلىمىزدەگى مامان تاپشىلىعى مەن جۇمىسسىزدىق ماسەلەسىنىڭ وڭ شەشىم تابۋىنا سەپ بولماق»، دەيدى جوبا اۆتورلارى.
You Might Also Like
-
رەسەيلىك كومپانيا ءتورت روتورمەن اۋادا سامعاي الاتىن حوۆەربايك شىعاردى.
-
بۇگىنگى كۇنى نارىقتا ەتكە دەگەن سۇرانىس قىزىپ تۇرعان ۋاقىتتا قوي ءوسىرۋدىڭ ەكونوميكالىق تيىمدىلىگى باسقا مال شارۋاشىلىعىنا قاراعاندا الدەقايدا جوعارى. ويتكەنى، ەلىءمىزءدىڭ وڭتۇستىك جانە...
