تاۋەلسىز قازاقستاننىڭ قالىپتاسۋىنداعى تۇڭعىش پرەزيدەنتتىڭ ءرولى
تاۋەلسىزدىك! بۇل – حالقىمىزدىڭ تالاي عاسىرلار بويى ارمانداپ كۇتكەنى. اتا-بابالارىمىز تاۋەلسىزدىك ءۇشىن كۇرەستى سوناۋ ساق داۋىرىنەن باستاعان دەپ ايتسام، قاتەلەسپەيمىن. 18 عاسىرداعى جوڭعار شاپقىنشىلىعىنان باستاپ 1991 جىلعا دەيىنگى كەزەڭ ءبىز ءۇشىن قاسىرەتتى دە مۇڭدى وقيعالارعا تولى بولسا دا، ەلىمىزدىڭ تاۋەلسىزدىككە جەتۋ جولىنداعى تاريحىمىزدا ورنى ەرەكشە.
تاۋەلسىز قازاقستاننىڭ قالىپتاسۋىنا قىرۋار ۇلەس قوسقان ءبىرتۋار تۇلعالاردىڭ ءبىرى – ءبىزدىڭ تۇڭعىش پرەزيدەنتىمىز نۇرسۇلتان ءابىش ۇلى نازاربايەۆ. بۇگىنگى تاڭدا قازاقستان – الەمدىك قوعامداستىقتىڭ تولىق قۇقىقتى مۇشەسى، ەكونوميكاسى مىقتى، قۋاتتى حالقى جانە بولاشاققا ۇلكەن جوسپارلارى بار ىرگەلى مەملەكەت. ءبىز تاريحىمىز بەن باستاپقى جاعدايىمىز ۇقساس بولىپ كەلگەن كوپتەگەن ەلدەردىڭ ازاپ شەگىپ جاتقان الەۋمەتتىك جانە ساياسي كۇيزەلىستەرىنەن قۇتىلدىق. بۇل ەلدەر – بۇرىڭعى كسرو رەسپۋبليكالارى. ءبىزدىڭ تۇڭعىش ەلباسىمىز وسى جىلدىڭ 20-سىنشى ناۋرىزىندا ءوز پرەزيدەنتتىك قىزمەتىن توقتاسا دا، ونىڭ مەملەكەتىمىزدىڭ ەگەمەندىك جىلدارىنداعى كۇردەلى ماسەلەلەردى ءساتتى شەشۋدەگى ءرولى ايقىندىقپەن ەرەكشەلەنىپ، ەسىمىزدە ماڭگى قالادى. ن.ءا.نازاربايەۆ ساياسي وزگەرىستەردىڭ الدىندا دامۋ ەكونوميكاسىن بىرتە-بىرتە رەفورمالاۋ جولىن تاڭدادى. ۇلت كوشباسشىسىنىڭ تاڭداۋىنىڭ دۇرىستىعىن بەيبىت اسپاننىڭ استىندا ويانىپ جۇرگەن كۇندەرىمىز دالەلدەيدى. ونىڭ «الدىمەن - ەكونوميكا، سودان كەيىن - ساياسات» دەگەن فورمۋلاسى ارقاسىندا ءبىزدىڭ ەلىمىز كوپتەگەن جەتىستىكتەرگە جەتىپ، «قازاقستاننىڭ دامۋ ۇلگىسى» سياقتى ۇعىم كەڭىنەن تارالدى جانە ول تەرەڭ ويلاستىرىلعان ستراتەگياعا نەگىزدەلگەن وڭاي جولمەن العا جىلجۋدى بىلدىرەدى.
قىسقا مەرزىم ىشىندە قازاقستان دەربەس، ساياسي جانە ەكونوميكالىق تاۋەلسىز مەملەكەتكە اينالدى. تۇڭعىش ەلباسىمىزدىڭ بويىندا قانداي دا ءبىر جەتىستىكتەرگە ۇمتىلۋ، ۇلكەن ماقساتتارعا جەتۋ قاسيەتى بار. ول بولاشاققا سەنىممەن قاراپ، تۇبەگەيلى شەشىمدەردىڭ كوپشىلىگىن ۋاقتىلى قابىلداۋ ارقىلى العا باعىتتايتىن جانە بۇل مەملەكەت باسشىسىنىڭ جىل سايىنعى قازاقستان حالقىنا ارنالعان جولداۋىندا كورىنىس تاپتى. ءبىز تمد ەلدەرى ىشىندە ءبىرىنشى بولىپ جەكە مەنشىككە، ەركىن باسەكەلەستىككە جانە اشىقتىق قاعيدالارىنا نەگىزدەلگەن نارىقتىق ەكونوميكانىڭ زاماناۋي ۇلگىسىن جاسادىق. ن. نازاربايەۆتىڭ اقىلعا سالىنعان جانە پاراساتتى ساياساتىنىڭ ارقاسىندا قازاقستان ءوزىن ءتوزىمدى، زايىرلى، زاماناۋي مەملەكەت رەتىندە كورسەتتى. دۇنيەجۇزىلىك تاريح ءۇشىن 28 جىل بۇل قىسقا مەرزىم، ءبىراق قازىرگى زامانعى قارقىندى وزگەرىپ جاتقان الەمنىڭ ماسشتابىندا ءاربىر جىل ءبىزدىڭ ەلىمىز ءۇشىن ءساتتى جانە مازمۇندى بولعانى راس. تۇڭعىش پرەزيدەنتىمىزدىڭ مەملەكەتتىڭ دامۋىنا قوسقان ۇلەسى - باعا جەتپەس مۇرا. سوندىقتان ءبىز ن. نازاربايەۆتىڭ ەڭبەگىن باعالاي جانە قۇرمەتتەۋ ءبىلۋىمىز قاجەتپىز!
You Might Also Like
-
ءوز كەزىندە قايراقباي ورتا ءجۇزدىڭ ءبىر جيىنىنا بارعاندا، رۋلار اراسىنداعى الاۋىزدىقتىڭ سالدارىنان بيلەردىڭ باسى قوسىلماۋعا اينالىپتى. بۇل جاعدايدى بىلگەن قايراكەڭ كوپشىلىككە وي تاستاۋ ءۇشىن تاباندا ءبى...
-
«ادامنىڭ ادامشىلدىعى جاقسى ۇستازدان بولادى» - دەپ، اباي اتامىز ايتقان ەكەن. ماعاندا بالا كەزىمنەن، مىڭداعان ءجاسوسپىرىم قىزدارعا ۇناعانداي، ءمۇعالىم بول...
