InfoHub Logo

الماتى قالاسى، ناۋرىزباي اۋدانى
№174 مەكتەپ – گيمنازياسى 
2 «ك» سىنىپ وقۋشىسى گاسىرلان داميرا 
جەتەكشىسى: سالىبايەۆا مارجان كۋانىشپەكوۆنا

قازاقستان رامىزدەرى-ەلدىگىمنىڭ بەلگىسى، 
ءبىلۋ كەرەك بالاعا دەيىن ەڭ كىشى. 
ءان ۇران، كوك تۋ، ەلتاڭبا،
رامىزدەرىن جاتقا ءبىلسىن ءار كىسى. 

ءيا، قازىرگى تاڭدا بالاباقشا قابىرعاسىنان بىزدىرگە تاربيەشىلەرىمىز، كەيىن  ۇستازدارىمىز رامىزدەرىمىز تۋرالى اقپاراتتاردى بەرىپ، ەلىمىزدى، جەرمىزدى ماقتان ەتىپ، ەلتاڭبامىزبەن ەڭسەمىزدىڭ بيىك، تۋىمىزبەن بايراق بولعانىمىزدى باقىت تۇتۋعا باۋلىپ جاتىر. 

مەن قازاقستاننىڭ ازاماتىمىن. ازيانىڭ كىندىگىنەن ورىن العان، ۇلان بايتاق جەردىڭ يەسى، «قازاق» دەگەن ۇلى حالىق پەرزەنتىمىن. وسىنداي ۇلى حالىقتىڭ كوك تۋى مەن ەلتاڭباسى ارقىلى دۇنيەجۇزى «تاۋەلسىز» ەل دەپ تانيتىن، «قازاقستان» دەگەن مەملەكەتىمىزدىڭ ءۇمىت ارتقان بولاشاعىمىن.  

تاۋەلسىزدىك ءسوزىن العاش ماڭگىلىككە جادىما ءتۇيىپ بەرگەن ءبىرىنشى سىنىپتاعى سايىستارىم دەسەم دە بولادى. سەبەبى ءبىزدىڭ سىنىپتاعى، تاربيە ساعاتتارى مەن مەرەكەلىك شارالارىمىز، سىنىپ وقۋشىلارى اراسىندا توپتار بولىپ ءبولىنىپ اتقارۋىمىزدى، سىنىپ جەتەكشىمىز بىردەن قولعا العان ەدى. ءبىزدىڭ توپقا «16 جەلتوقسان- تاۋەلسىزدىك كۇنى» مەرەكەسىن وتكىزۋ بۇيىردى. سول سەبەپتەن بارلىق سايىستاردا ۇرانداتىپ، جەڭىسكە جەتەلەيتىن «تاۋەلسىزدىك ارلاندارى» دەگەن اتاۋ تاڭداپ الدىق. وسى اتاۋدىڭ ماعىناسىن ءتۇسىندىرىپ بەرگەن انام مەن اكەم، كەز-كەلگەن سايىستا اتىمىزعا ساي، جاساعان جۇمىسىمىزدىڭ، تاۋەلسىزدىگىمىز سيقتى جارقىن، ەل سۇيەرلىك بولۋى كەرەك ەنەدىگىن ايتىپ بەردى. ارلان بولىپ جەڭىسكە، بيىك شىڭدارعا عانا تالپىنۋىم كەرەك ەكەندىگىن تۇسىنگەندەي بولدىم. «تاۋەلسىزدىك ارلانىمىن» دەپ ۇرانداتىپ، بىرنەشە سايىستاردان شىنىمەن دە العاشقى ورىنداردى الۋدامىز.    

ال بۇگىندە، مەن تاۋەلسىزدىك دەگەن ءسوزدىڭ ماعىناسىنىڭ  قانداي تەرەڭدە جاتقانىن ءتۇسىندىم. بىلەسىزبە، وسى ءبىر عانا ءسوز بەيبىتشىلىك، باقىت، دوستىق، سىيلاستىققا جەتەلەيدى. وسىنداي قاسيەتتەرگە تولى تاۋەلسىزدىگىمىزدىڭ ماڭگىلىك بولىپ تۇرۋىن تىلەيمىن.  ەلىمنىڭ بەيبىت، حالقىمىزدىڭ باقىتتى، باسقا ۇلتتارمەن دوستىعىمىزدىڭ جاراسىمدى، سىيلاستىقتا ءومىرىمىز  جالعاسا بەرسە دەيمىن. 

تۋرا 29 جىل بۇرىن الەم ەلدەرىنىڭ تىزىمىندە جاڭا مەملەكەتتىڭ اتى جازىلدى. قانشاما جىلدار بويى تاۋەلسىزدىكتى ارمانداپ كەلە جاتقان اتا-بابالارىمىزدىڭ ارمانى ورىندالدى. ءوز تاۋەلسىزدىگىمىزگە اياق باسقان كەزدە، ءتول رامىزدەرىمىز دە دۇنيەگە كەلدى. رامىزدەر جاساۋ بۇكىل حالىقتىق سيپات الىپ، كوپتىڭ ىسىنە اينالدى. مەملكەتتىك رامىزدەر بەلگىلى ءبىر ەلدىڭ ءومىر-سالتىن، ارمان-اڭسارىن بىلدىرەدى. اتا-اپالارىمنىڭ اڭساۋىمەن كەلگەن وسى تاۋەلسىزدىكتى، مەملەكەتتىك رامىزدەرىمىزدى بيىك ۇستاپ، ماڭگىلىك جاساۋى ءۇشىن، مىنا بىزدەر «ەلىمىزدىڭ بولاشاعى» ارلانداي قايسار بولۋىمىز كەرەك. سول كەزدە عانا، شىڭدارى قار باسقان تاۋلارى، سارقىراعان وزەندەرى، ءمولدىر تازا كولدەرى، شەت قيىرى جوق جازىق دالالارى، ۇلان عاسىر بايلىقتارى اسىپ جاتقان ولكە، قۇتتى مەكەننىڭ مارتەبەسى بيىك، تۇعىرى جوعارى بولا بەرمەك دەپ بىلەمىن.

---