InfoHub Logo

تاقىرىبى: «تاۋەلسىزدىك - تەڭدەسى جوق بايلىعىم»
ماقساتى: قازاقستان رەسپۋبليكاسىنىڭ جەتكەن جەتىستىكتەرى تۋرالى وقۋشىلاردىڭ بىلگەندەرىن ورتاعا سالۋ. وقۋشىلاردى تۋعان جەرىن، ەلىن، وتانىن سۇيۋگە قورعاۋعا، ساقتاۋعا قۇرمەتتەۋگە تاربيەلەۋ.
كورنەكىلىگى: تۋعان جەر تۋرالى قاناتتى سوزدەر، وتان تۋرالى وقۋشىلار سالعان سۋرەتتەر، بۋكلەتتەر، ق. رىسقۇلبەكوۆ «قايسار رۋحتى قازاق»كىتابى، ينتەراكتيۆتى تاقتا، ت. ب.

بارىسى:
ءانۇران ورىندالادى
1. ۇيىمداستىرۋ كەزەڭى
2. ءمۇعالىمنىڭ كىرىسپە ءسوزى. وقۋشىلارعا سۇراق - جاۋاپ ءادىسى ارقىلى وتەدى.
ءمۇعالىم: قۇرمەتتى وقۋشىلار. «تاۋەلسىزدىك - تەڭدەسى جوق بايلىعىم» دەپ اتالاتىن تاربيەلىك شارانى باستاۋعا رۇقسات ەتىڭىزدەر.
ءبىز بۇدان بۇرىن وتان، تۋعان جەر تۋرالى تاربيە ساعاتتارىن وتكەنبىز. كانە، ەسكە تۇسىرەيىكشى.
- ءبىز قاي مەملەكەتتىڭ ازاماتىمىز؟
- ۇلتىمىز كىم؟
- ءتىلىمىز قانداي؟
- تاۋەلسىزدىك دەگەن نە؟
- تاۋەلسىزدىكتى قاي جىلى الدىق؟
- ەلباسىمىز تۋرالى جاڭا كينونىڭ اتى قالاي؟
- ءانۇراننىڭ اۆتورى كىم؟
ش. قالداياقوۆ، ج. ناجىمەدەنوۆ، ن. ءا. نازاربايەۆ.
- تۋدىڭ اۆتورى كىم؟
ش. نيازبەكوۆ.
- ەلتاڭبانىڭ اۆتورى كىم؟
ج. مالىبەكوۆ، ش. ءۋاليحانوۆ.
حور: «كوك تۋدىڭ جەلبىرەگەنى»

3. كەلەسى كەزەكتى وقۋشىلارعا بەرەيىك.
1 - وقۋشى: امانعالي
1991 جىلى 16 جەلتوقساندا قازاقستان رەسپۋبليكاسى تاۋەلسىز رەسپۋبليكا دەپ جاريالاندى.
2 - وقۋشى: ارۋجان
دالادا دۋمان، قالادا دۋمان جىر بۇگىن،
عاسىر بويى اڭساي دا كۇتكەن بۇل كۇنىم.
جاساي بەر، جاسا اسقاردان اسا ءارقاشان،
كەۋدەمە اكەپ قالدىرعان باقىت بۇلبۇلىم.
3 - وقۋشى: بەيبارىس
كەلدى وسىلاي اڭساعان كۇنىمىز دە،
كوپتەن كۇتكەن تاۋەلسىزدىك كەلدى بىزگە.
قايتا ورالدى سان عاسىرلىق قيىندىقتان،
قاسيەتتى ءتىلىمىز بەن ءدىنىمىز دە.
4 - وقۋشى: البينا
تاۋەلسىزدىك وڭايلىقپەن كەلمەدى،
بىزگە بۇنى ەشكىم اياپ بەرمەدى.
تاۋەلسىزدىك قايرات، ءلاززات، ەربولدىڭ،
تاس كوشەدە تاس - تالقان بوپ ولگەنى.
5 - وقۋشى: ايسانا
شالا جانسار قار استىنا كومگەنى،
تاۋەلسىزدىك اتا - بابا ارمانى.
قانداي ەلمىن بۇگىن مىنە، كور مەنى،
الاۋلايدى مۇمكىن ەمەس سونبەگى.
6 - وقۋشى: دياس
تويلانىپ مىڭ مەرەكە، ۇلىس كۇنى،
قۇيىلعان شاڭىراقتان ىرىس نۇرى،
حالقىمنىڭ باقىتى ءۇشىن از بايلىق پا،
تاۋەلسىز ەلىمىزدىڭ تىنىشتىعى.
7 - وقۋشى: رايىمبەك
ءبىز - قازاقپىز،
ەسىگى اشىق، ءتورى كەڭ،
جىلاپ وتتىك جىلدار ءومىر ورىنەن
جەتەر ەندى، جەلپىنەيىك، قارايىق،
مىنا ومىرگە يەگەردىڭ كوزىمەن.
8 - وقۋشى: اسىلزات
اقتالدى بوزداقتاردىڭ اق تالابى،
ءادىل ءىس ءارقاشاندا اقتالادى.
ەل ءۇشىن جانىن قيعان اسىل جاندار،
ەل ەسىندە ماڭگىلىككە ساقتالادى.

4. «ارمانداعان اق ساۋلەگە جەتپەدىم...» قايرات رىسقۇلبەكوۆ ولەڭدەرىنەن وقۋشىلار ۇزىندىلەر وقيدى.
ول ءتىرى قالعاندا اقىن بولار ما ەدى؟..
1 - وقۋشى: نۇرداۋلەت
«مەنىڭ تاعدىرىم»
2 - وقۋشى: جانارىس
«اقتىق ءسوز»
3 - وقۋشى: داناگۇل
«كەزدەسەمىز ءالى دە»
4 - وقۋشى: اقگۇلىم
«اناما»
5 - وقۋشى: دياس
«انا ءتىلى»
6 - وقۋشى: امانعالي
«اعاجان»
حور: «ەلىم مەنىڭ»

5. ءمۇعالىمنىڭ قورىتىندى ءسوزى.
مىنە، بالالار بۇگىنگى تاڭدا قازاقستان تاۋەلسىز مەملەكەت. ءبىزدىڭ ەلىمىزدىڭ تۋىمىز، ەلتاڭبامىز، ءانۇرانىمىز بار. ەگەمەندى قازاقستان مەملەكەتىمىز. سەندەر وتانىمىزدىڭ ۇرپاقتارىسىڭدار. جاقسى وقىپ، ۇلگىلى، ءتارتىپتى بولىڭدار. ءوز ەلىڭ مەن جەرىڭدى كوركەيتىپ، قازاقستاننىڭ نامىسىن قورعايتىن، كەلەشەك ۇرپاقتىڭ اقىلشىسى، تىرەگى سەندەر بولماقسىڭدار.