InfoHub Logo

ق ر ءبىلىم جانە عىلىم ۆيسە-مينيسترى اسحات ايماعامبەتوۆ مەملەكەتتىك گرانتتاردى قازاق جانە ورىس توپتارىنا بولمەي، بارلىعىنا بىردەي تاعايىنداۋعا قاتىستى ۇسىنىستى ءتۇسىندىردى.

ونىڭ ايتۋىنشا، قازىرگى كەزدە گرانتتار ەكى توپقا بولەك بەرىلەدى. قازاق ءتىلدى توپتا ۇمىتكەرلەر العان ۇپايلارىنا قاراي تەگىن ءبىلىم الۋعا مۇمكىندىك الادى. ورىس توبىندا دا سولاي. ال جاڭا ۇسىنىسقا سايكەس، ءبىر ماماندىق بويىنشا جالپى گرانتتار بولىنەدى دە، قازاق ءتىلدى جانە ورىس ءتىلدى توپتار كونكۋرسقا بىردەي قاتىسادى. ءسويتىپ، ورتاق ءبىر ءتىزىم شىعارىلادى.

«بۇگىندە ءبىز ءاربىر توپتىڭ ۇپاي سانىنا قارايمىز. سوسىن گرانت تاعايىندايمىز. ال جاڭا ءتارتىپ بويىنشا جاساسا، جالپىعا بىردەي كونكۋرس بولادى. ۇپاي سانىنا عانا قارايمىز. كىم قانداي ۇپاي الدى، سوعان سايكەس گرانت بولىنەدى. تىلگە بايلانىستى ەمەس. ماسەلەن، پەداگوگ ماماندىعىنا 100 ورىن بولىنسە، سول 100 ورىنعا قازاق تىلىندە وقىعان بالالار دا، ورىس تىلىندە ءبىلىم العان بالالار دا تالاسادى. سوندا ەڭ جوعارى ۇپايى بار 100 بالا گرانتقا وتەدى. ازىرشە، بۇل ۇسىنىس قانا. ءبىز ونىڭ ءبارىن جان-جاقتى تالقىلايتىن بولامىز»، - دەدى ا.ايماعامبەتوۆ قازاقپارات تىلشىسىنە بەرگەن سۇحباتىندا.

ايتا كەتەيىك، ۇكىمەتتىڭ بۇگىنگى وتىرىسىندا ق ر ءبىلىم جانە عىلىم ءمينيسترى ەرلان ساعادييەۆ ۇلتتىق ءبىرىڭعاي تەستىلەۋگە قاتىستى ءبىرقاتار وزگەرىستەردى جاريالادى. «بىزگە پەداگوگتار مەن اتا-انالاردىڭ تاراپىنان جىل بويى ۇسىنىستار ءتۇسىپ جاتادى. ونىڭ ىشىندە ۇلتتىق ءبىرىڭعاي تەستىلەۋ مەن كەشەندى تەستىلەۋ بىردەي فۋنكسيانى اتقارعان سوڭ، وسى ەكى تەستىلەۋدى بىرگە وتكىزۋگە قاتىستى ۇسىنىس بار. ەكىنشى، ۇبت جوعارى وقۋ ورنىنا تۇسەتىن ەمتيxان بولعاندىقتان، ونى وتكىزۋ شارالارىنان مەكتەپ مۇعالىمدەرىن بوساتۋ. ءۇشىنشى، مەكتەپ بالالارىن ۇبت-عا ەمەس، مەكتەپ باعدارلامالارىن يگەرۋگە دايىنداۋ قاجەت بولعاندىقتان، مەكتەپتەردە سىناما، "پروبنىي" تەستتەرىن وتكىزبەۋ. ءتورتىنشى، مەملەكەتتىك ءبىلىم گرانتتارىن وقۋ تىلىنە - قازاق نەمەسە ورىس تىلدەرىنە بولمەي تاعايىنداۋ جانە تاعى بىرنەشە ۇسىنىس بار»،- دەيدى ە.ساعادييەۆ.

رەسمي مالىمەتكە سايكەس، بيىلعى ۇلتتىق ءبىرىڭعاي تەستىلەۋگە رەسپۋبليكا بويىنشا 100 مىڭنان استام تۇلەك ءوتىنىش ءبىلدىردى. ولاردىڭ 75 پروسەنتى قازاق تىلىندە وقۋعا نيەت ەتسە، قالعان 25 پروسەنتى ورىس ءتىلدى بولىمدەردى تاڭداعان. مەملەكەتتىك گرانتتار دا سولاي تاراتىلدى. ۇبت-دا ورتاشا ۇپايدىڭ كورسەتكىشى 83ء-تى قۇرادى. شەكتى دەڭگەي - 50 ۇپايدى 84 مىڭ تۇلەك جينادى. تەست تاپسىرعاندار سمارتفون، روۋتەر، مودەم سياقتى 82 مىڭنان استام قۇرال-جابدىقتى، سونداي-اق، 28 مىڭنان استام شپارگالكا الىپ وتپەكشى بولعان.

قازاقپارات

---