InfoHub Logo

اتىراۋ وبلىسى اكىمدىگى Telegram چات-كانالى اشىلعالى 2200-دەن اسا وتىنىمدەردى قارادى. ال، «اتىراۋ سيفرلىق قابىلداۋ» ءموبيلدى باعدارلاماسىنا 2018 جىلدىڭ باسىنان بەرى 1087 شاعىمدار كەلىپ ءتۇسىپتى. بۇل تۋرالى اتىراۋ وبلىسى اكىمدىگىنىڭ باسپا ءسوز قىزمەتى حابارلادى.

اكىمدىك تۇرعىندارمەن بايلانىس ورناتۋ ماقساتىندا الەۋمەتتىك جەلىلەر مەن ءموبيلدى باعدارلامالاردىڭ كومەگىن پايدالانادى. ماسەلەن، WhatsApp قوسىمشاسى مەن Telegram كانالدارىن ايتساق بولادى. بۇلار ءوز كەزەگىندە تۇرعىندارمەن بايلانىستا تيىمدىلىگىن كورسەتتى.

باسپا ءسوز قىزمەتىنىڭ مالىمەتىنە سايكەس، وڭىردە 2016 جىلدان باستاپ قالاداعى كوممۋنالدىق قىزمەتتىڭ جۇمىسىن جانداندىرۋ ماقساتىندا شارالار باستالعان بولاتىن.

«تۇرعىندار تاراپىنان ولاردىڭ جۇمىستارىنا، كەرى بايلانىستىڭ جوقتىعىنا، سۇرانىمدار مەن شاعىمدارعا جاي ارەكەت ەتۋلەرىنە قاتىستى نارازىلىقتار بولدى، WhatsApp قوسىمشاسى ارقىلى بارلىق نەگىزگى كوممۋنالدىق قىزمەتتەرگە جەدەل جەلى اشتىق، ول جۇمىستىڭ جەدەلدىگىن، تيىمدىلىگىن جوعارىلاتتى»، – دەلىنگەن حابارلامادا.

ايماقتا «c» مەملەكەتتىك باعدارلاماسىن جۇزەگە اسىرۋ ماقساتىندا تelegram قوسىمشاسى ارقىلى «اتىراۋ وبلىستىق اكىمدىگى» مەن «اتىراۋ سيفرلىق قابىلداۋ» چات-كانالدارى جۇمىس ىستەۋدە.

اتىراۋ وبلىسى اكىمىنىڭ ءبىرىنشى ورىنباسارى سەرىك شاپكەنوۆتىڭ ايتۋىنشا، ءموبيلدى قوسىمشالارداعى چات-كانالداردى اشۋداعى ماقسات – جەرگىلىكتi اتقارۋشى ورگانداردىڭ قىزمەت ساپاسىن ارتتىرۋ جانە حالىقتىڭ ساۋالدارىنا تەزىرەك جاۋاپ بەرۋ.

«چات-كانال مەن ءموبيلدى قوسىمشالار ارقىلى كورسەتىلەتىن قىزمەتتەر جەرگىلىكتى اتقارۋشى ورگاندارعا ەلدىمەكەندەردەگى ماسەلەلەردى انىقتاۋعا سەپتىگىن تيگىزەدى. ول جول قوزعالىسى قاۋىپسىزدىگىن جاقسارتۋعا، حالىقپەن اشىق ديالوگ ورناتۋعا ىقپال ەتەدى. ولاردى اشۋداعى ماقسات- جەرگىلىكتى اتقارۋشى ورگانداردىڭ مەملەكەتتىك قىزمەت كورسەتۋىن، جاۋاپ بەرۋىن قولجەتىمدى قىلۋ»، - دەپ اتاپ ءوتتى س. شاپكەنوۆ.

تاعى دا ايتا كەتەتىن جايت، اكىمدىك ەلەكتروندىق فورماتتا مەملەكەتتىك قىزمەتتى جەتىلدىرۋ باعىتىندا ءبىرقاتار ىستەر اتقارىپ جاتىر. ماسەلەن، ونلاين-قۇرالداردى ايتساق بولادى. بۇل پروسەستەردىڭ بارلىعى بىرتىندەپ كەزەڭ-كەزەڭىمەن جۇزەگە اسىپ، اۆتوماتتاندىلادى. وسى رەتتە، جەرگىلىكتى اتقارۋشى ورگاندار ارقىلى 600-دەن اسا قىزمەت كورسەتىلەتىن بولادى.

قازىرگى تاڭدا اكىمدىكتىڭ اشقان ءموبيلدى قوسىمشاسى مەن چات-كانالىنىڭ قىزمەتىن 7 مىڭنان استام تۇرعىن پايدالانادى ەكەن. سونداي-اق، 2017 جىلدىڭ قورىتىندىسى بويىنشا اتىراۋ وبلىسى اكىمدىگى جانە حالىققا قىزمەت كورسەتۋ ورتالىقتارى ارقىلى 2،7 ملن. قىزمەت كورسەتىلگەن. ونىڭ ىشىندەگى 1 176 412 مەملەكەتتىك قىزمەت – حقكو-لارعا تيەسىلى بولسا، 1 531 984 مەملەكەتتىك قىزمەت – اكىمدىكتىڭ قۇرىلىمدىق بولىمشەلەرىمەن جۇزەگە اسقان. ال، 2018 جىلدىڭ باسىنان باستاپ حالىققا قىزمەت كورسەتۋ ورتالىقتارىمەن 648 915، اكىمدىك ارقىلى 611 095 مەملەكەتتىك قىزمەت كورسەتىلىپتى.

---