تەحنيكالىق جانە كاسىپتىك ءبىلىم بەرۋ — سەنىمدى بولاشاقتىڭ كەپىلى
تالدىقورعان پوليتەحنيكالىق كوللەدجىنىڭ
ماركەتينگ جانە كاسىبي باعدار بەرۋ ورتالىعىنىڭ مەڭگەرۋشىسى
انداسوۆا گۋلجان كاسەينوۆنا
بۇگىندە ەلىمىزدەگى ەكونوميكا جانە ءوندىرىس سالالارىنىڭ دامۋىنا بايلانىستى جۇمىسشى ماماندارعا دەگەن سۇرانىس كۇن ساناپ ارتىپ كەلەدى. قازىرگى كەزەڭدە ەلىمىزگە وركەنيەت الەمىنىڭ وزىق تەحنولوگيالارىن مەڭگەرگەن، جاڭا زامان تالابىنا ساي كاسىپتىك ءبىلىمى بار، ساپالى دا بىلىكتى ماماندار قاجەتتىلىگى تۋىنداپ وتىر.
وسىنداي ناقتى قادام باسىپ وتىرعان تالدىقورعان پوليتەحنيكالىق كوللەدجى – بىلىكتى ۇستازدار قىزمەت اتقاراتىن، كاسىبي مامان دايارلاۋدا تاجىريبەسى مول، الەۋمەتتىك سەرىكتەستىك ماسەلەسى جوعارى دەڭگەيدەن كورىنىس تاپقان ىلگەرى دە ۇلگىلى ءبىلىم ورداسى.
كوللەدجدە قازاقستان رەسپۋبليكاسىنىڭ كاسىپتىك ءبىلىم بەرۋدىڭ مەملەكەتتىك جالپىعا مىندەتتى ستاندارتتارىنا سايكەس كەلەتىن ماتەريالدىق-تەحنيكالىق بازاسى قۇرىلىپ، وقۋ كابينەتتەرى مەن شەبەرحانالارى تالاپقا ساي جاساقتالعان.
وقۋ مەكەمەسىندە يننوۆاسيالىق تالاپقا ساي IT-ورتالىعى، سيفرلىق تەحنولوگيالار جانە روبوتوتەحنيكا ورتالىعى، StartUp – جاس قۇراستىرۋشىلاردىڭ يدەيالارى مەن جوبالارىن ۇيىمداستىرۋ، قولداۋ مەن كوممەرسيالاندىرۋعا ارنالعان بيزنەس-ينكۋباتور، Cisسo اكادەميا، WorldSkills Kazakhstan قوزعالىسى، «Smart-كوللەدجى» ەلەكتروندىق قۇجات اينالىمىنىڭ يننوۆاسيالىق جوباسى ەنگىزىلدى.
تەحنيكالىق جانە كاسىپتىك ءبىلىم بەرۋ مازمۇنىڭ جاڭارتۋدا نەگىزگى يننوۆاسيالىق تاسىلدەردىڭ ءبىرى بولىپ مودۋلدىك-قۇزىرەتتىلىك ءتاسىلى تابىلادى.
1. مودۋلدىك-قۇزىرەتتىلىك ءتاسىلى نەگىزىندە ەكى دەڭگەيلىك ءبىلىم بەرۋ باعدارلاماسىن ەنگىزۋ اياسىندا كوللەدج اتالعان باعدارلامالاردى اپروباسيالاۋ بويىنشا ەكسپەريمەنتكە قاتىستى. «كاسىپتىك وقىتۋ» ماماندىعى بويىنشا كوللەدجدەگى وقۋ-ادىستەمەلىك بىرلەستىگى جۇمىس بەرۋشىمەن بىرىگىپ وسى ماماندىق بويىنشا ۇلگىلىك وقۋ جوسپارىن جانە باعدارلامالارىن جاساپ، جاڭارتتى.
2. قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ بۇيرىعى نەگىزىندە تەحنيكالىق جانە كاسىپتىك ءبىلىم بەرۋ مەكەمەلەرىندە قولدانبالى باكالاۆرياتتى ەنگىزۋ تۋرالى ەكسپەريمەنت جۇمىسى يننوۆاسيالىق تالاپتارعا سايكەس جوعارى بىلىمگە تەڭەستىرە وتىرىپ، كاسىپتىك-تەحنيكالىق ءبىلىم بەرۋ مارتەبەسىن كوتەرۋ بولىپ تابىلادى. كوللەدجدە «كاسىپتىك وقىتۋ» ماماندىعى بويىنشا قولدانبالى باكالاۆريات باعدارلامالارىن جۇزەگە اسىرۋ جۇمىسى ءى.جانسۇگىروۆ اتىنداعى جمۋ «كاسىپتىك وقىتۋ جانە تەحنيكالىق پاندەر» كافەدراسىمەن جانە جۇمىس بەرۋشىلەرمەن كەلىسىپ جۇرگىزىلۋدە.
«قولدانبالى باكالاۆريات بويىنشا اعىمداعى وقۋ جىلىندا ەكسپەريمەنت رەتىندە «كاسىپتىك وقىتۋ» ماماندىعىنا 1 توپ جينالدى.
1) «اقپاراتتىق جۇيەلەر»؛
2) «ەسەپتەۋ تەحنيكاسى جانە باعدارلامامەن قامتاماسىز ەتۋ» جانە ت.ب.
3. كولەدجدە بەس ماماندىق بويىنشا دۋالدى وقىتۋ ەنگىزىلگەن، بۇگىنگى كۇنى اتالعان باعىتتا – 465 ستۋدەنت ءبىلىم الۋدا.
4. اعىمداعى وقۋ جىلىندا «كاسىپتىك وقىتۋ»، «اقپارتتىق جۇيەلەر» ماماندىقتارىنا كوپتىلدى وقۋ تاسىلىمەن وقيتىن ەكى وقۋ توبى قۇرالدى.
5. 2018 جىلدىڭ 1 قىركۇيەگىندە الماتى وبلىسىنىڭ ءبىلىم باسقارماسىنىڭ قولداۋىمەن ينكليۋزيۆتىك ءبىلىم بەرۋ يدەولوگياسىنا سايكەس «اقپاراتتىق جۇيەلەر» ماماندىعى بويىنشا ارنايى ءبىلىم بەرۋ قاجەتتىلىكتەرى بار بالالار ءبىلىم الۋدا.
ەلباسىنىڭ تاپسىرماسى بويىنشا قازاقستاندا تەحنيكالىق جانە كاسىپتىك ءبىلىم بەرۋ جۇيەسىن جاڭعىرتۋ ءۇدىرىسى بويىنشا مامانداردى دايارلاۋ جۇيەسىندە وقىتۋدىڭ دۋالدىق جۇيەسىن ەنگىزۋ تاپسىرىلعان. دۋالدى وقىتۋ باعدارلاماسىن قازاقستاننىڭ ءبىلىم بەرۋ جۇيەسىندە سىناپ كورۋ تۋرالى پىكىر 2012 جىلدان باستاپ ايتىلىپ كەلدى.
2013 جىلدان باستاپ دۋالدى وقىتۋدىڭ ەلەمەنتتەرىمەن وقىتۋ جۇزەگە اسىرىلدى.
وقىتۋدىڭ دۋالدى جۇيەسى-تەحنيكالىق جانە كاسىپتىك ماماندار دايارلاۋدىڭ ەڭ ءتيىمدى جولدارىنىڭ ءبىرى بولىپ تابىلادى. ناقتى ءوندىرىس جاعدايلارىنا بەيىمدەلگەن، جۇمىس ورنىندا داعدى مەن ءبىلىمدى تىكەلەي يگەرۋگە باعىتتالعان، پراكتيكالىق ساعاتتاردىڭ وقىتۋ باعدارلاماسىنا بارىنشا ۇيلەسىممەن بىرىكتىرىلەتىن بىلىكتى مامانداردى دايىنداۋ قازىرگى كەزدە ءبىلىم بەرۋدىڭ دۋالدى جۇيەسى دەگەن اتپەن بەلگىلى.
قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ 2016 جىلعى 21 قاڭتارداعى №50 بۇيرىعى بويىنشا دۋالدى وقىتۋ بويىنشا وقىتۋدىڭ ناقتى قاعيدالارى بەكىتىلدى.
قازىرگى كەزدە تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارى ءۇشىن كاسىپتىك پراكتيكانى وتكىزۋگە ارنالعان كەلىسىم – شارت قايتا قارالىپ، ءۇش جاقتى ەتىلىپ ءبىلىم بەرۋ ۇيىمى، ءبىلىم الۋشى، كاسىپورىن ۇيىمدارى اراسىندا ءوزارا كەلىسىمدەر جاسالىنىپ، قايتا بەكىتىلۋ تالاپ ەتىلدى.
كوللەدجدە 5 ماماندىق 6 مامانداندىرۋ بويىنشا دۋالدى وقىتۋ ىسكە اسىرىلۋدا. ماماندىقتاردى اتاپ ايتاتىن بولساق 1401000 - «عيماراتتار مەن ۇيلەردى سالۋ» ماماندىعى، 0104000 - «كاسىپتىك وقىتۋ» ماماندىعى، ونىڭ ىشىندە «اۆتوكولىكتى جوندەۋ جانە قىزمەت كورسەتۋ» مامانداندىرۋ، 1405000 - «گازبەن قامتاماسىز ەتۋ جابدىقتارى مەن جۇيەلەرىن قۇراستىرۋ جانە پايدالانۋ» ماماندىعىنداعى، 1305000 - «اقپاراتتىق جۇيەلەر قولدانۋ سالاسى بويىنشا ديزاينەر» مامانداندىرۋى، 0103000 - «دەنە تاربيەسى جانە سپورت» ماماندىعى قامتىلعان.
كوللەدجدەگى 14 ماماندىقتىڭ 35،7% پايىزى دۋالدىق ءبىلىم بەرۋ بويىنشا قامتىلعان. جالپى ستۋدەنتتەر كونتينگەنتى بويىنشا دۋالدىق ءبىلىم بەرۋ 29% قۇرايدى. كوللەدجدە 465 ستۋدەنت دۋالدى ءبىلىم الۋدا، ونىڭ 364 ستۋدەنتى مەملەكەتتىك تاپسىرىس بويىنشا وقيدى.
كوللەدج بويىنشا 2019-2020 وقۋ جىلىندا دۋالدى ءبىلىم بەرۋدى 55 پايىزعا جەتكىزۋ ماقساتقا قويىلعان.
2017 جىلدىڭ 27 – قاراشاسىنان باستاپ وندىرىستىكتەگى وقىتۋ جەتەكشىسىنە جۇمىس ورنىندا تاجىريبە وتكىزۋ ءۇشىن اقى تولەۋ قاراستىرىلعان. سول باعىت بويىنشا اعىمداعى جىلدىڭ 29 – 30 قاڭتارىندا رەسپۋبليكالىق جول كارتاسى بويىنشا دۋالدى وقىتۋعا بايلانىستى وقۋ سەمينارى ءوتتى. سەمينار سوڭىندا وندىرىستە وتكىزگەن ساعاتتارى ءۇشىن وندىرىستىكتەگى جەتەكشىلەرگە اقى تولەنۋ تۋرالى سەرتيفيكات تاپسىرىلدى.
وقۋ ۇردىسىنە دۋالدى وقىتۋ كەلەسى ماسەلەلەردى شەشۋگە مۇمكىنشىلىك بەرەدى:
1. وقۋ مەكەمەسىنىڭ تارتىمدىلىق بەدەلىنىڭ ارتۋى، ستۋدەنتتەر كونتينگەتىنىڭ جوعارىلاۋى؛
2. وقۋشىلاردىڭ قىزىعۋشىلىعى مەن سۇرانىسىنا قاراي باعدارلامالار، ەلەكتيۆتى (يكەمدى) كۋرستار باعدارلامالارىن ازىرلەۋ؛
3. ماماندىقتى تەرەڭىرەك ويلانىپ تاڭداۋعا، سوسياليزاسيا، تاپقىرلىق پەن شىعارماشىلىققا بەيىمدەيتىن بىلىكتىلىكتىڭ دامۋى؛
4. دۋالدى وقىتۋ بويىنشا وقىتىلاتىن تۇلعانىڭ قاجەتتى بىلىكتىلىك پەن ەڭبەك داعدىلارىنا، كاسىبي بىلىمگە يە بولىپ ەڭبەك نارىعىندا سۇرانىس دەڭگەيىنىڭ جوعارلاۋى؛
5. بىتىرۋشىلەردى ودان ءارى جۇمىسقا ورنالاستىرۋ، جۇمىسسىزدىقتىڭ قىسقارۋى؛
6. ءبىلىم بەرۋ مەكەمەلەرىنىڭ جوبالاردى جۇزەگە اسىرۋ كەزەڭدەرىندە قوسۋ ارقىلى كاسىپورىندارمەن ءوزارا ارەكەتتەسۋ اياسىن كەڭەيتۋ؛
7. ءبىلىم بەرۋ مەكەمەلەرىنىڭ باسەكەلەسۋگە قابىلەتتىلىگىن جوعارىلاتۋ.
قورىتا كەلگەندە، دۋالدى وقىتۋ كوللەدج ستۋدەنتتەرى ءۇشىن تاپتىرماس مۇمكىندىكتەردىڭ ءبىرى. دۋالدى وقىتۋ كەزىندە ستۋدەنتتىڭ وزىندىك دۇنيەتانىمى قالىپتاسادى، ستۋدەنتتىڭ ساباققا دەگەن ىنتاسى جانە جاۋاپكەرشىلىگى ارتادى، ستۋدەنتتىڭ ءوز ءبىلىمىن ءوزى باعالاي بىلۋىنە مۇمكىندىك تۋدى، ءوز قابىلەتىنە، بولاشاعىنا سەنۋىنە، تانىمدىق ارەكەتتەرىنىڭ قالىپتاسىپ، ودان ءارى شىعارماشىلىقپەن اينالىسۋىنا، پانگە قىزىعۋشىلىعىنىڭ ارتۋىنا مۇمكىندىك بەرەدى.
سوندىقتان دا سانالى ۇرپاق، ساپالى مامان دايىنداۋدا دۋالدى وقىتۋدىڭ بولاشاعى زور.
You Might Also Like
-
«جالپى ورتا ءبىلىم بەرۋ №1 قازاق تىرەك مەكتەبى (ر.و) كمم 5 «ب» سىنىپ وقۋشىسى تۇرسىنبەكوۆ ەرالى جەتەكشىسى: تاريح ءپانىنىڭ ءمۇعالىمى جەتپيسبايەۆ ەركين راحىمبايەۆيچ بۇقار جىراۋ قالقا...
-
قۇستاردىڭ ۇيقى، سۋ، تاماق، پانا سياقتى نەگىزگى قاجەتتىلىكتەرىنەن بولەك، قارىمقاتىناس قۇرۋعا، تىلدەسۋگە جانە اقىل قىزمەتىن ىنتالاندىرۋعا مۇقتاج. مۇنى تەك ۇيرەتۋ مەن ويىندار عانا قامتاماسىز ەتە الادى.
