InfoHub Logo

«ءتىلىم - تىرەگىم، سوعىپ تۇرعان جۇرەگىم» 22 قىركۇيەك – تىلدەر مەرەكەسىنە ارنالعان ءىس - شارا.

سالتاناتتى جيىننىڭ بارىسى:
I جۇرگىزۋشى: امينا
قايىرلى كۇن، انا ءتىلىن ارداق تۇتار ءتىل جاناشىرلارى! ارمىسىزدار، ءورلى دە، اسقاق رۋحتى تاۋەلسىز ەلدىڭ جاس ۇلاندارى!
قازاقستان رەسپۋبليكاسى حالىقتارىنىڭ تىلدەر كۇنىنە ارنالعان سالتاناتتى جيىندى اشىق دەپ جاريالاۋعا رۇقسات ەتىڭىزدەر!
ءىى جۇرگىزۋشى: ايبەك
قازاقستان رەسپۋبليكاسىنىڭ مەملەكەتتىك گيمنى ورىندالسىن.

ءى جۇرگىزۋشى: امينا
انا ءتىلى - ءار ادامنىڭ ءوز ۇلتىنىڭ جان دۇنيەسى مەن مادەنيەتىنەن عاسىرلار بويى جيعان رۋحاني ازىعىنان ءنار الاتىن كىندىك تامىرى.
ءبىزدىڭ انا ءتىلىمىز – قازاق ءتىلى. ول تەك وتباسى، وشاق قاسىنىڭ عانا ءتىلى ەمەس، مەملەكەتتىك ءتىل!
1989 جىلى 22 قىركۇيەكتە رەسپۋبليكانىڭ جوعارعى كەڭەسى قابىلداعان ق ر - ڭ ءتىل تۋرالى زاڭىنا سايكەس قازاق تىلىنە مەملەكەتتىك مارتەبە بەرىلدى. ياعني قازاق ءتىلى - مەملەكەتتىك ءتىل بولىپ جاريالاندى. 22 قىركۇيەك - قازاقستان حالىقتارىنىڭ تىلدەر كۇنى دەپ جاريالاندى. سودان بەرى 22 – قىركۇيەك – قازاقستان رەسپۋبليكاسى حالىقتارىنىڭ تىلدەر مەرەكەسى. بۇل – بارشا ەلگە ورتاق، جالپى حالىقتىق مەرەكە، بارلىق ۇلت وكىلدەرىنە كورسەتىلگەن قۇرمەت.

ءىى جۇرگىزۋشى: ايبەك
ەرلىك، ەلدىك، بىرلىك، قايرات، ب ا ق - اردىڭ،
جاۋىز تاعدىر جويدى ءبارىن نە باردىڭ.
التىن كۇننەن باعاسىز ءبىر بەلگى بوپ،
نۇرلى جۇلدىز، بابام ءتىلى، سەن قالدىڭ. – دەي كەلە قۇتتىقتاۋ ءسوز كەزەگىن مەكتەبىمىزدىڭ ديرەكتورى جايليبايەۆ تەمىرحان بەكبەرگەنۇلىنا بەرەمىز.

ءى جۇرگىزۋشى: امينا.
ءتىل – قانداي ۇلتتا، ەلدە بولماسىن ءارقاشان قاستەرلى دە قۇدىرەتتى. ول ءاربىر ادامعا انا سۇتىمەن بىرگە ەنىپ، قالىپتاسادى. ءتىل - ءاربىر ەلدىڭ جانى.
ءان: الاش ۇلدارى

ءىى جۇرگىزۋشى: ايبەك
انا ءتىلىم جىرلاپ وتكەن تالايلار،
جىرلاپ وتەن ىبىراي مەن ابايلار
قاسيەتتى مەنىڭ انا تىلىمدە
وشپەس ماڭگى الاۋلاعان اراي بار - دەي كەلە
ورتاعا ولەڭ شۋاقتارىن ايتۋعا 5 سىنىپ وقۋشىلارىن شاقىرامىز
5 سىنىپ وقۋشىلارىنىڭ ورىنداۋىنداعى تاقپاقتار

1. ءوز ءتىلىڭسىز كورسەڭ دە ءوز كۇنىڭدى،
ءوز ءتىلىڭسىز بولساڭ دا اسقان ءبىلىمدى.
ءوز حالقىڭا بولا المايسىڭ ازامات،
بىلمەي تۇرىپ تۋعان انا ءتىلىڭدى.

2. تۋعان ءتىلىم - بابام ءتىلى - ءوز ءتىلىم،
تۋعان ءتىلىم - انام ءتىلى - ءوز ءتىلىم.
تۋعان ءتىلىم - دالام ءتىلى - ءوز ءتىلىم،
تۋعان ءتىلىم - ادام ءتىلى - ءوز ءتىلىم.
ورتادا 10 سىنىپ وقۋشىلارىنىڭ ءبيى (بايان، ايشا، ارۋجان)

ءى جۇرگىزۋشى: امينا
9 سىنىپ وقۋشىسى ادىلحانوۆا الفيانىڭ ورىنداۋىنداعى «انا ءتىلىم» اتتى ولەڭ شۋماعىن قابىل الىڭىزدار.
انا ءتىلىم، جۇرەگىسىڭ انامنىڭ.
جۇرەك - انا، مەن وزىڭنەن جارالدىم.
ساعات سايىن ساۋلىعىڭدى تىلەيمىن،
سەنسىز مىناۋ كەرەگى نە عالامنىڭ!
سەنىڭ ءار ءبىر تىنىسىڭمەن كۇن كەشەم،
سەن ارقىلى تىرشىلىكپەن تىلدەسەم.
ەل بەتىنە قالاي ءتۇزۋ قارايمىن،
انا ءتىلىم، ەگەر سەنى بىلمەسەم.
سەنىڭ ارقاڭ دۇنيەدەن سىر ۇقسام،
سەنىڭ ارقاڭ ءجۇزىپ ىشسەم تۇنىقتان.
تۋعان انامدى ۇمىتقانىم ەمەس پە،
تۋعان ءتىلىم، ەگەر سەنى ۇمىتسام.
سەنىڭ ارقاڭ ءوزىمدى ءوزىم تۇسىنسەم،
اقىل - ويىم، ايباتىم - سەن، كۇشىم - سەن!
قويسىن ماعان كۇننىڭ نۇرى تۇسپەي - اق،
انا ءتىلىم، ارىڭا داق تۇسىرسەم.
اعىتاتىن تاسقىن ويدىڭ تيەگىن،
ءوزىڭ عانا سىيىناتىن كيەلىم!
ريزامىن وتقا جانىپ سەن ءۇشىن،
كۇلگە اينالىپ كەتسىن مەيلى سۇيەگىم.
انا ءتىلىم، دانا ءتىلىم، ب ا ق ءتىلىم،
سەنسىز باقىت دۇنيەدەن تاپتى كىم؟
سەنسىڭ مەنىڭ قۋانىشىم، شاتتىعىم،
سەنسىڭ مەنىڭ تازالىعىم، پاكتىگىم.
انا ءتىلىم، التىن ۇيام، قۇنداعىم،
اق بەسىكتە ءالديىڭدى تىڭدادىم.
سەنىڭ جىرىڭ، سەنىڭ ءانىڭ ايتارىم،
سانام ءسونىپ، بايلانعانشا ءتىل - جاعىم!

ءىى جۇرگىزۋشى: ايبەك
قازاق ءتىلى، انا ءتىلىمىز تاۋەلسىزدىك العانعا دەيىن سان قيلى قيىندىقتاردى دا از كورگەن جوق. وسى جولدى قالىپتاستىرۋدا ناعىز قازاق جاناشىرلارى دا كىناسىزدەن جاۋاپقا تارتىلدى. وسى ءبىر سوناۋ تاريحتاعى قازاق ءتىلىنىڭ جاي - كۇيىنە ءبىر ءۇڭىلىپ قاراساق...
1 - كورىنىس.

ءى جۇرگىزۋشى: امينا
ۋاقىت ءوتتى، ادامدار وزگەردى، زامان دا وزگەردى......
تۋعان انا ءتىلىن بىلمەيتىن ادامداردا كوبەيدى.
2 - كورىنىس

ءىى جۇرگىزۋشى: ايبەك

وسىنداي كەزەڭدەردەن دە وتتىك. ءبىراق بۇل اتتەگەن - اي دەگەندەردىڭ بارلىعى دا ارتتا قالدى. ەندى تاۋەلسىز مەملەكەتىمىزدە ءوز تىلىمىزدە سويلەۋگە ەشكىم كەدەرگى كەلتىرە المايدى. ءار قازاق بالاسىنىڭ ءوز تىلىندە سويلەۋگە تولىق مۇمكىندىك جاسالعان....
3 - كورىنىس.

ءى جۇرگىزۋشى: امينا
باسىمدى ءيىپ، تىزەمدى بۇگىپ تۇرىپ،
اجارىمدى ايدىنداي شۋاق تۇنىپ.
وتانىمدى سۇيەمىن كۇلىپ تۇرىپ،
وتانىمدى سۇيەمىن جىلاپ تۇرىپ.

ءار تىلدە وتان ءسوزى ايتىلادى
ءىى جۇرگىزۋشى: ايبەك
امينا سەن بىلەسىڭ بە، وقۋشىلار قانداي ءسوز ايتىپ جاتىر؟

ءىى جۇرگىزۋشى: امينا
ءبىز «وتان» ءسوزىنىڭ ءار تىلدە قالاي ايتىلاتىنىن ەستىدىك.
وتان ءسوزى ءار ءتىلدى، ءار ءتۇرلى ايتىلعانىمەن ءبىزدىڭ ءبىر عانا وتانىمىز بار.

ءان: حور 6 سىنىپ وقۋشىلارى.
ءىى جۇرگىزۋشى: ايبەك

تىلدەن اسقان بايلىق جوق. تون - تورقا، مال - مۇلىك، التىن - كۇمىس بايلىعى تۇپكىلىكتى ەمەس. كۇندەردىڭ كۇنىندە سارقىلادى، توزادى. حالىقپەن بىرگە ماڭگى جاسايتىن ءتىل بايلىعى ەكەنىن ۇمىتپايىق! قولدا بار التىننىڭ ءقادىرىن باعالاي بىلەيىك! ەندىگى جەردە قازاق ءتىلىنىڭ بەدەلىن كوتەرۋ، ونىڭ ارىن ارلاپ، جوعىن جوقتاۋ ءسىز بەن ءبىزدىڭ قولىمىزدا.

ءى جۇرگىزۋشى: امينا
انا ءتىلىمىزدىڭ مارتەبەسى اسقاقتاي بەرسىن!
انا ءتىلىمىز تەك بيىكتەردەن كورىنىپ، وركەندەي بەرسىن! كەلىپ تاماشالاعاندارىڭىزعا كوپ راحمەت! كەلەسى كەزدەسكەنشە قوش ساۋ بولىڭىزدار!

ءتىلىم - تىرەگىم، سوعىپ تۇرعان جۇرەگىم 22 قىركۇيەك – تىلدەر مەرەكەسىنە ارنالعان ءىس - شارا. جۇكتەۋ