Top 5 ەڭ تانىمال شەتەلدىك كلاسسيكا كىتابى
كلاسسيكالىق ادەبيەت — بۇل ءوز ءداۋىرىنىڭ نەمەسە بەلگىلى ءبىر جانردىڭ ستاندارتى بولىپ سانالاتىن كوركەم ادەبيەت تۋىندىلارى. بۇگىنگى تاڭداعى “كلاسسيكالىق شىعارما” تۇسىنىگى قايتا ورلەۋ داۋىرىنەن باستاۋ العان. باستاپقىدا بۇل جانرعا تەك ەۆريپيد، سوفوكل جانە ەسحيلدىڭ جازعان جۇمىستارىن جاتقىزعان، كەيىنىرەك بارلىق كونە شىعارمالار كلاسسيكا جانرىنىڭ ايىرىلماس بولىگىنە اينالدى.
كلاسسيكالىق ادەبيەتتىڭ وزەكتىلىگى قازىردە جالعاسىپ كەلەدى. كوركەم اڭگىمەلەردى وقۋ — قىزىقتى ءارى پايدالى. ولاردىڭ پايداسى تۋرالى بىزگە مۇعالىمدەر مەن اتا-انامىز ءجيى ايتادى، راسىندا دا بۇل جانردى وقۋدىڭ پايداسى وتە زور، مىسال كەلتىرەتىن بولساق:
— سوزدىك قور. كوركەم ادەبيەتى وقۋ ارقاسىندا ءوز ويىڭىزدى ساۋاتتى، جيناقى ءبىلدىرۋدى ۇيرەنەسىز، شىعارما نەمەسە ەسسە جازۋ بارىسىندا قايتالنۋدان جانە شابلوندى سوزدەردەن اۋلاق بولاسىز.
— لوگيكا جانە جادى. عالىمداردىڭ زەرتتەۋى بويىنشا كىتاپ وقيتىن ادامداردىڭ لوگيكالىق ويلاۋ قابىتەلى داميدى. قيىن ءارى ۇزىن تۋىندىلاردى وقۋ ەستە ساقتاۋ قابىلەتىن جاقسارتادى.
— كورنەكى ويلاۋ. كىتاپ وقىعان كەزەدە ءبىز سۋرەتتەلگەن جاعدايدى ويىمىزدا ەلەستەتەمىز بۇل فانتازيا مەن سىني ويلاۋدى جاتىقتىرادى.
ەگەردە ءسىز شەتەلدىك كلاسسيكالىق ادەبيەتتى وقيمىن دەپ جوسپارلاعان، الايدا قاي كىتاپتان باستارىن بىلمەي جۇرگەن جانداردىڭ ءبىرى بولساڭىز، ءسىزىدىڭ نازارىڭىزعا Top 5 ەڭ تانىمال شەتەلدىك كلاسسيكا كىتاپتار جيناعىن ۇسىنامىن.
5. دوريان گرەيدىڭ سۋرەتى
يرلاندىق جازۋشى وسكار ءۋالدتىڭ بۇل تۋىندىسى 1891 جىلى جارىق كورگەن بولاتىن. شىعارمانىڭ باس كەيىپكەرى دوريان گرەي ءبىرىنشى بەتتەردەن اق بىزگە سۇلۋلىق پەن پاكتىكتىڭ سيمۆولى رەتىنەدە سيپاتالادى، ونىڭ پورترەتىن سۋرەتشى بەزيل حوللۋورد سالىپ جاتادى، ءوزىنىڭ بەينەسىنە تامسانا وتىرىپ، جاس جىگىت پورترەتتىڭ قارتايعانىن قالايدى جانە ول ءارقاشان جاس بولىپ قالا بەرگىسى كەلەتىنىن ايتادى. سيۋجەتتىڭ دامۋ بارىسىندا دوريان لورد گەنريمەن تانىسادى، كەيىنىرەك ءبىز كەيىپكەردىڭ بويىنداعى وزگەرىستەردى بايقايمىز. لورد گەنريدىڭ جامان اسەرىنە بوي الدىرعان جاس جىگىتىڭ مىنەزى، ومىرگە دەگەن كوزقاراسى تۇبەگەيلى وزگەرەدى. ءار ىستەگەن جامان ىسىنەن كەيىن پورترەت وزگەرىپ ۇسقىنسىز بولا باستايدى. بۇل شىعارما ءبىزدى جاماننان جيرەنۋگە ال جاقسىدان ۇيرەنۋگە شاقىرادى.
4. كىشكەنتاي حانزادا
فرانسۋزدىق جازۋشى انتۋان دە سەنت-ەكزيۋپەريدىڭ ەڭ تانىمال اللەگوريالىق شىعارماسى. العاش رەت 1943 جىلى 6 ءساۋىر نيۋ-يوركتا باسىلىپ شىقتى. باس كەيىپكەر كىشكەنتاي حانزادا ءوزىنىڭ ساياحاتى تۋرالى اڭگىمەلەيدى. سول ساياحاتى كەزىندە ول كوپتەگەن ۇلكەن ادامداردى كەزدەستىرەدى. كىشكەنتاي حانزادا ول ۇلكەن ادامداردىڭ ىس-ارەكەتىن تۇسىنبەيدى دە، ماعىناسىز سانايدى. كىتاپ جالعىزدىق، دوستىق، ماحاببات جانە جوعالتۋ تاقىرىپتارىن قوزعايدى.
3. تاكاپپارلىق پەن جاڭىلىس
1813 جىلى جارىققا شىققان دجەين ءوستيننىڭ رومانى دۇنيەجۇزىلىك كىتاپحاناعا نورۆەگ كىتاپ كلۋبىنىڭ الەم ادەبيەتىنىڭ ەڭ ماڭىزدى شىعارمالارىنىڭ تىزىمىنە كىرەدى. باس كەيىپكەرلەر ەليزابەت بەننەت پەن ميستەر ءدارسيدىڭ حيكاياسى ارقىلى ماحاببات پەن قارجىلىق ءال-اۋقاتتى تاڭداۋدىڭ قانشالىقتى ماڭىزدى ەكەنىن كورسەتەدى، سەزىمدى جاسىرماي تاكاپپارلىقا بەرىلىپ قارىم-قاتىناستى بۇزۋعا بولمايتىنىن ايتادى.
2. 1984
قورقىنىشتى ءارى تۇنەككە تولى دجوردج ورۋەللدىڭ كىتابى وقىرمانعا توتاليتارلى رەجيمنىڭ ءقاۋىپى، قوعام جۇيەسى جانە ادامنىڭ جان دۇنيەسىنىڭ تارتىسقا ءتۇسۋى تۋرالى. ءسوز ەركىندىگى، ىس-ارەكەت ەركىندىگىنىڭ ادام ومىرىندەگى ماڭىزىن ايتادى. بۇل كىتاپ كەزىندە بولاشاققا دەگەن جورامال دەپ اتالعان بولاتىن.
1. سوعىس جانە بەيبىتشىلىك
ليەۆ تولستويدىڭ اۆتورلىعىمەن جازىلعان رومان-ەپوپەياسىنىڭ سيۋجەتى ناپالەون مەن رەسسەي يمپەرياسىنىڭ اراسىنداعى سوعىس كەزىندە ورىن الادى. روماننىڭ باستى يدەياسى — حالىقتىڭ سوعىس كەزىندەگى تاعدىرى. شىعارمادا 550 دەن استام كەيىپكەرەلەر بار ولاردىڭ كەيبىرى تاريحتا شىنىمەن ءومىر سۇرگەن تۇلعالار. اۆتور پاتريوتيزم، ماحاببات جانە سوعىستىڭ جان تۇرشىگەرلىك سالدارىن تۋىندىسىنىڭ نەگىزگى يدەياسىنا اينالدىرعان.
قورىتا كەلە كلاسسيكالىق تۋىندىلاردىڭ بىزگە بەرەر پايداسى مەن قۇندىلىعى وتە كوپ. سوندىقتان كوركەم شىعارمالاردى وقۋ بارىسىندا وسى Top 5 جيناققا نازار سالىڭىزدار.
You Might Also Like
-
ينتەرنەت – قازىرگى قوعامنىڭ ءبىر بولىگى. ويتكەنى، ينتەرنەتسىز ءبىز ءومىر سۇرە المايمىز. ينتەرنەت جالپىلاي ايتقاندا ادەمدى بىر-بىرىمەن بايلانىستىرىپ ۇشتاستىرۋدا. كەز كەلگەن اقپاراتتى ءبىلىپ، ونى ب...
-
ءبىلىمدى ۇرپاق — بولاشاققا باستار جول. ءيا، بۇل ءسوزدىڭ تۇپكى ءمان-ماعىناسىن اشىپ، كەڭىنەن تۇسىندىرمەسەك تە جاس ۇرپاققا تىكەلەي قاتىستى دۇنيە. سەبەبى ەلىمىزدىڭ بيىكتەردەن كورى...
