توقايەۆ: اەس-كە اتاۋ بەرۋ ءۇشىن جالپىۇلتتىق كونكۋرس وتەدى
پرەزيدەنت قاسىم-جومارت توقايەۆ ەلىمىزدەگى العاشقى اتوم ەلەكتر ستانسياسىنا اتاۋ تاڭداۋ بويىنشا بايقاۋ جاريالاۋدى ۇسىندى.
– بۇل – ەلىمىزدەگى تۇڭعىش ستانسا. سوندىقتان ونىڭ اتاۋىن حالىقپەن بىرگە انىقتاۋ ماڭىزدى. ۇزدىك ۇسىنىس يەلەرى تاريحتا قالادى، – دەدى ول.
ەنەرگەتيكا مينيسترلىگىنىڭ دەرەگىنشە، قازاقستاندا ەكىنشى جانە ءۇشىنشى اەس-تى قىتايلىق CNNC كومپانياسى سالۋى مۇمكىن. ساراپشىلاردىڭ پايىمىنشا، بۇل نىسانداردىڭ قۇرىلىسى رەسەيدىڭ "روساتوم" جوباسىنا قاراعاندا ارزانعا ءتۇسۋى ىقتيمال.
مينيستر ساتقالييەۆتىڭ ايتۋىنشا، "روساتوم" ستانسياسىن جۇزەگە اسىرۋعا شامامەن 14-15 ملرد دوللار جۇمسالادى. ال قىتايلىق نۇسقا ارزانىراق بولۋى مۇمكىن، بۇل بيۋدجەتكە دە، تاريفتەرگە دە اسەر ەتەدى.
مەملەكەت باسشىسى بايقاۋعا بارلىق قازاقستاندىقتاردى قاتىسۋعا شاقىردى. بايقاۋ جەڭىمپازىنىڭ ۇسىنىسى ەل تاريحىنداعى العاشقى اتوم ەلەكتر ستانسياسىنىڭ رەسمي اتاۋى بولىپ بەكىتىلەدى.
You Might Also Like
-
الماتىدا دەنيس تەن اتىنداعى كوشە اشىلۋى مۇمكىن،- دەپ حابارلايدى ينفوحاب ءتىلشىسى.
-
اقتاۋدا ەرلىكپەن قازا تاپقان ەرلان شونتابايەۆتىڭ وتباسىنا پاتەر بەرىلدى
