اۆستريادا العاش رەت «X» تاڭبالى پاسپورت بەرىلدى
اۆستريا بيلىگى تاريحىندا تۇڭعىش رەت جىنىس گرافاسىندا ەر نەمەسە ايەل ورنىنا «X» بەلگىسى قويىلعان پاسپورت راسىمدەدى. قۇجات گەرمانيادا تۇراتىن ازاماتقا بەرىلگەن.
2024 جىلى گەرمانيادا گەندەرلىك ءوزىن-وزى انىقتاۋ زاڭى كۇشىنە ەنىپ، ازاماتتارعا جىنىس باعانىندا divers («وزگە» نەمەسە نەبينارلى) دەپ كورسەتۋگە مۇمكىندىك تۋدى. سول جىلى ەۋرووداق سوتى ءبىر ەلدە تىركەلگەن گەندەرلىك مارتەبە وزگەرىسى وداققا مۇشە باسقا مەملەكەتتەردە دە تانىلۋى ءتيىس دەگەن قاۋلى قابىلدادى.
اۆستريا زاڭىندا نەبينارلىق رەسمي بەكىتىلمەسە دە، بۇل ەرەجە نەگىزىندە ۆەناداعى ميگراسيالىق ورگان ازاماتتىڭ ءوتىنىشىن قاناعاتتاندىردى. بۇعان دەيىن اۆستريا ءوتىنىشتى كەرى قايتارعان، الايدا ءوتىنىش يەسى قۇجاتتارىن قايتا تاپسىرىپ، ەرەكشە جاعدايىن تۇسىندىرگەن: شەكارادان وتكەن سايىن ونىڭ جىنىستىق مارتەبەسى زاڭ جۇزىندە وزگەرىپ وتىرعان.
بۇل شەشىم ەو اۋماعىندا گەندەرلىك بەيتاراپ قۇجاتتاردى مويىنداۋ پروسەسىنىڭ ناقتى قادامعا اينالعانىن كورسەتەدى.
You Might Also Like
-
قازاقستاندا پاتەر ساتۋ قيىن ءارى قىمبات بولادى: جاڭا ەرەجە كىمگە اسەر ەتەدى؟
-
جۇڭگو بيلىگى يلون ماسكتىڭ Starlink سپۋتنيكتىك بايلانىس جۇيەسىنە قارسى قورعانىس مەحانيزمىن ازىرلەۋگە كىرىسكەن.
