InfoHub Logo

پرەزيدەنت قاسىم-جومارت توقايەۆ راقىمشىلىق جاساۋ تۋرالى زاڭعا قول قويدى. بۇل قادام ەلدەگى قىلمىستىق-اتقارۋ جۇيەسىنە تۇبەگەيلى رەفورما جۇرگىزۋ باستاماسىمەن قاتار اتالىپ وتىر.

15 مىڭنان استام سوتتالعان ازامات راقىمشىلىققا ىلىگەدى، ولاردىڭ شامامەن 2 مىڭى بوساتىلادى، ال قالعاندارىنىڭ جازاسى قىسقارتىلادى. باسىمدىق بالالى ايەلدەرگە، قارت ادامدارعا، كامەلەتكە تولماعاندارعا جانە الەۋمەتتىك وسال توپ وكىلدەرىنە بەرىلەدى.

پرەزيدەنت بۇل راقىمشىلىقتى جۇيەلى شەشىم ەمەس، ءبىر رەتتىك شارا دەپ اتاپ، قىلمىستىق-اتقارۋ جۇيەسىن قايتا قاراۋ قاجەتتىگىن قاداپ ايتتى.

ەسكە سالا كەتەيىك، بۇعان دەيىن كونستيتۋسيانىڭ 30 جىلدىعىنا وراي 15 مىڭ ادامعا راقىمشىلىق جاسالاتىنى جاريالانعان بولاتىن.