Photo: Pixabay (https://www.pexels.com/@pixabay) / Pexels
توقتار سەرىكوۆ تۇرسىنبەك قاباتوۆتىڭ جانكۇيەرلەرىنە ۇندەۋ جاسادى: «وزدەرىڭىز جارالاپ العان قۇستىڭ جاراقاتىن وزدەرىڭىز جازىڭىزدار»
تانىمال ءانشى توقتار سەرىكوۆ ازىلكەش تۇرسىنبەك قاباتوۆتىڭ جەكە كونسەرتىندە ءسوز سويلەپ، ونىڭ توڭىرەگىندەگى داۋعا قاتىستى پىكىر ءبىلدىردى. بۇل تۋرالى Infohub.kz اقپارات اگەنتتىگى حابارلايدى.
ونەر يەسى دوسىنىڭ جەكە ومىرىنە بايلانىستى تاراعان اڭگىمەلەرگە توقتالىپ، كوپشىلىكتى سابىرعا شاقىردى. ونىڭ ايتۋىنشا، ەل بولىپ جاقسى كورگەن ادامدى ءوزىمىز وسەككە اينالدىرىپ، كەيىن قايتا اقتاپ الۋعا تىرىسامىز.
«ءوزىمىز جارالايمىز، ءوزىمىز ەمدەيمىز»
«ونداي اڭگىمەلەر كەيبىر اعايىننىڭ جۇرەگىنە ىڭعايسىز ءتيىپ جاتقانىن بىلەمىن. ءوزىمىز جاقسى كورەمىز، ءوزىمىز وسەك قىلامىز. ءوزىمىز جارالايمىز. جاراسىنان قانى اققان كەزدە قايتىپ تانىپ، ەمدەپ الامىز. بۇل قازاقتان باسقا حالىقتا جوق قاسيەت. وزدەرىڭىز جارالاپ العان ۇلكەن قۇستىڭ جاراقاتىن قايتادان وزدەرىڭىز جازىڭىزدار»، – دەدى ءانشى.
توقتار سەرىكوۆ ءوزىنىڭ جەكە ومىرىنە قاتىستى ايتىلاتىن سىنعا دا توقتالدى. «مەنى دە دىمىمدى قالدىرماي جازىپ جاتادى: «قاتىنىن ماقتاي بەرەدى» دەپ. جالعىز ماڭدايعا بىتكەن ءبىر قاتىنىم، نە ىستەيمىن ەندى؟ ولگەننەن كەيىن ەمەس، ءتىرى كەزىمىزدە بىر-بىرىمىزگە جاقسى ادام دەپ ايتايىق»، – دەپ ءسوزىن قورىتىندىلادى.
جەلىدەگى پىكىرلەر
جەلى قولدانۋشىلارىنىڭ پىكىرى ەكىگە جارىلدى. ءبىرى توقتاردىڭ ءسوزىن دانالىققا بالاپ، قولداۋ بىلدىرسە، ەندى ءبىرى تۇرسىنبەكتىڭ ارەكەتى اقتاۋعا كەلمەيدى دەگەن ۇستانىمدا.
«جانىم توقتار اعا امان بولىڭىزشى»، «وتە اقىلدى ازامات»، «ايتقانىڭىز ورىندى ارينە، ءبىراق ءمولدىردى جىلاتقانى دۇرىس ەمەس»، «مىنە، ناعىز ازامات»، – دەپ جازدى جەلى قولدانۋشىلارى.
-
قازاقستان كارتوپ وندىرىسىندە ءوزىن-وزى قامتاماسىز ەتەتىن ەل بولسا دا، سوڭعى جىلدارى يمپورتتىڭ ارتۋى بايقالادى. بۇل جاعداي وتاندىق فەرمەرلەردىڭ تابىستىلىعىنا قالاي اسەر ەتەدى؟
-
Entrepreneurs in Kazakhstan have until February 28th to choose their tax regime or face an automatic switch to the general system، impacting their 2026 tax obligations.
