InfoHub Logo

ءانشى تورەعالي تورەالىنىڭ كۇيەۋ بالاسى دارحان نورتايەۆتىڭ جاقىندارىمەن اتا-باباسىنىڭ تۋعان جەرىنە بارىپ، ەلمەن قاۋىشقانى تۋرالى جازباسى جەلىدە قىزۋ پىكىرتالاس تۋدىردى. ونىڭ جازباسىنداعى «اۋىلدىڭ جارتىسى سەنىڭ فاميلياڭمەن بولعاندا...» دەگەن سوزدەرىنەن كەيىن، جەلى قولدانۋشىلارى دارحاننىڭ ۇلتىنا قاتىستى سۇراقتار قويا باستادى.

بۇل تۋرالى Infohub.kz اقپارات اگەنتتىگى حابارلايدى.

جەلىدەگى پىكىرتالاس

كەيبىر وقىرماندار دارحان نورتايەۆتىڭ وزبەك ۇلتىنان ەكەنىن ايتىپ، بۇل جايتتى نەگە بۇرىن ايتپاعانىن سۇرادى. «قىزدارى دارا دا وزبەك قىز بولىپ تۇر عوي. نەگە وسى ۋاقىتقا دەيىن ايتپاعان؟ فاريزا وزبەك ۇلتىنا شىققانىن بىلە مە ەكەن؟»، «دارحان سوندا ۇلتىن جاسىرعان با؟» دەگەن سياقتى پىكىرلەر جازىلدى.

داريعا نورتايەۆانىڭ جاۋابى

جەلىدەگى پىكىرتالاستان كەيىن دارحان نورتايەۆتىڭ اناسى داريعا نورتايەۆا بارلىق سۇراققا جاۋاپ بەردى. ول ءوز سوزىندە: «بالالارىمنىڭ اكەسى وزبەك، اناسى قازاقپىن، مۇسىلمانبىز. سسسر-دىڭ كەزىندە شاڭىراق كوتەرىپ، ادال ەڭبەك ەتىپ، ەكى ۇلىمىزدى كىشكەنتايىنان ەڭبەككە باۋلىپ، ادامدارمەن ارالاسۋدى ۇيرەتتىك. باحمال شاحارىندا ءبىر اۋىل نورتايەۆتار اۋلەتى تۇرادى، ەل قۇرمەتتەگەن جاندار. جىلدا سىي-قۇرمەتىمىزبەن بارىپ تۇرامىز، ارۋاقتارعا تاعزىم ەتىپ، وسەم-ونەم دەگەن ادام شىققان جەرىن ۇمىتپاۋ كەرەك!» دەپ مالىمدەدى.

ايتا كەتەيىك، تورەعالي تورەالىنىڭ قارىنداسى فاريزا تورەالى سپورتشى دارحان نورتايەۆپەن شاڭىراق قۇرعان. ەكەۋىنىڭ دارا ەسىمدى ءبىر قىزى بار.