توتىقۇس
جانۋارلاردىڭ ىشىندەگى ەڭ اقىلدى قۇس. دەنە تۇرقى 9،5 سم – 1 م. قاۋىرسىندارى اشىق قانىق (جاسىل، ونىڭ قىزىل جانە كوك تۇستەرمەن ۇيلەسىمى، كەيدە قارا نەمەسە سۇر) ءتۇستى بولادى. موينى قىسقا، باسى ۇلكەن، تۇمسىعى مىقتى، قاتتى جەمىستى جارا الادى. ەڭ كىشكەنتاي توقىلداق ءتارىزدى توتىلاردىڭ دەنە تۇرقى 8 سم، ەڭ ۇلكەن ناعىز توتىلاردىڭ دەنە تۇرقى 1 مەتر. جالپى ۇرعاشىلارىنا قاراعاندا ەركەك توتىلار ءىرى بولادى. ادامدارعا ەلىكتەپ سويلەي الادى. توتىلار 1000-عا جۋىق سوزدەردى جاتتاي الادى. ەستە ساقتاۋ قابىلەتى جاقسى دامىعان. ادامنان ەستىگەن سوزدەردىڭ ماعىناسىن تۇسىنبەسە دە قايتالايدى. جالپى تروپيكالىق ايماقتاردا، تابيعي جاڭبىرلى ورماندى جەرلەردە مەكەندەيدى. ۇيالارىمىزدى اعاش قۋىسىنا، جارتاستاردىڭ جارىقتارىنا سالادى. توتىتارىزدىلەر قولعا تەز ۇيرەنەدى، سوندىقتان ولاردى كوپ جاعدايدا ەكزوتيكالىق قۇس رەتىندە ۇيدە، توردا ۇستايدى.
قىزىقتى مالىمەتتەر:
ەڭ كوپ تارالعان ءۇي توتى قۇسى – بۇيرا توتى قۇس پەن كورەللا.
كەا — قويلارعا شابۋىل جاسايتىن جىرتقىش توتىقۇس.
اۆستراليادا توتىقۇستارعا ارنالعان ارنايى مەكتەپ بار. وندا قۇستاردى سويلەۋگە ۇيرەتەدى.
توتىقۇستار اراسىنداعى الەمدەگى ەڭ ۇلكەن تۇمسىق يەسى – قارا كاكادۋ. تۇمسىعىنىڭ ۇزىندىعى – 10 سانتيمەتر. «كاكادۋ» ءسوزى "كاكاتۋا" دەگەن مالاي تىلىنەن ەنگەن. "كاكاتۋا"- "تىستەۋىك" دەگەن ماعىنانى بىلدىرەدى.
امەريكادا بەيبي ەسىمدى توتىقۇس پوليسيا قىزمەتكەرىنە كومەك كورسەتكەن. بەلگىلى ءبىر بيزنەسمەننىڭ پاتەرىنە باسىپ كىرىپ، توناپ كەتكەن كەزدە وقيعا ورنىندا بولعان توتىقۇس پوليسيا قىزمەتكەرلەرىنىڭ كوزىنشە ۇرلىقشى قىلمىسكەرلەردىڭ ءبىرىنىڭ ەسىمىن اتاپ بەرگەن.
You Might Also Like
-
50 مەملەكەتتەن 210 مەديسينا كاسىپكەرى دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) قولداۋىمەن “تۇزعا قارسى كۇرەس” اتتى ۇرانمەن، شامادان تىس قولدانىلعان تۇز دەنساۋلىقتىڭ ەڭ الدىڭعى...
-
ءۇندىستاندا باياۋ بۇزىلىپ جاتقان كەرەمەت ساۋلەت عيماراتتارى وتە كوپ. ولاردىڭ كوپشىلىگى جايلى ءبىز بىلمەيمىز. تەرەڭدىگى 10 قاباتتى ۇيگە تەڭ تاس قۇدىقتار جايلى ەستىمەگەن شىعارسىز. 30 جىل الدىن جۋرناليست...
