ءۇندىستاننىڭ جەر استى قۇدىقتارى
ءۇندىستاندا باياۋ بۇزىلىپ جاتقان كەرەمەت ساۋلەت عيماراتتارى وتە كوپ. ولاردىڭ كوپشىلىگى جايلى ءبىز بىلمەيمىز. تەرەڭدىگى 10 قاباتتى ۇيگە تەڭ تاس قۇدىقتار جايلى ەستىمەگەن شىعارسىز. 30 جىل الدىن جۋرناليست ۆيكتوريا لاۋتمان ءۇندىستانعا ەڭ العاش كەلۋىندە وسى وبەكتەردى كورىپ قالعان. كولەمدى قۇرىلىمدار جەر استى سۋلارىن الۋعا جانە قالجىراتاتىن قۇرعاق ايلار كوكتەمدە قۇيىپ جاۋاتىن مۋسسوندارمەن الماساتىن ايماقتاردا جاڭبىر سۋىن جيناۋ ءۇشىن ارنايى جوبالانعان. ۆيكتوريا تاس قۇدىقتاردىڭ ادەمىلىگىن الەمگە پاش ەتۋ ءۇشىن ءتورت جىل بويى ءۇندىستاندا قۇدىقتاردى ىزدەگەن.
Victoria S. Lautman
Victoria S. Lautman
ەكىنشى مەن ءتورتىنشى عاسىردىڭ ارالىعىندا ءۇندىستاندا مىڭداعان قۇدىقتار سالىنعان، ەڭ العاش ولار شۇڭقىرلار بولىپ، ۋاقىت وتە ولار دامىپ، كۇردەلەنىپ ينجەنەريا مەن ونەردىڭ جەتىستىكتەرىنە اينالدى. قۇدىقتار ماڭگىلىك ءومىردىڭ بەينەسىنە اينالدى. قۇدىقتاردى اۋقاتتى ادامدار مەن قايىرىمدىلىقپەن اينالىساتىن ادامدار سالدىردى، ولاردىڭ ارالارىندا ايەلدەر دە بولعان.
Victoria S. Lautman
Victoria S. Lautman
جەر استى قۇدىعىنىڭ قۇرىلىمى جەر استى سۋلارىن الۋعا ارنالعان تەرەڭ سيليندردان تۇرادى. سۋدى الۋ ىڭعايلى بولۋ ءۇشىن ۇزىن باسپالداقتار مەن شىعىڭقى جەرلەرى بار ارنايى ساڭىلاۋدان سۋ اعاتىن ىرگەلەس تاس شۇڭقىر ورناتىلعان. جاڭبىر جاۋاتىن مەزگىلدە قۇدىقتار ۇلكەن سيستەرنالارعا اينالعان. سۋدى ساقتاۋدىڭ بۇل جۇيەسى مىڭجىلدار بويى قولدانىلعان.
Victoria S. Lautman
Victoria S. Lautman
جەر استى سۋلارىن باقىلاۋسىز تارتىپ شىعارۋ سالدارىنان كوپتەگەن قۇدىقتار قۇرعاپ كەتكەن. قازىرگى تاڭدا ولاردىڭ كوپتەگەنى تولىعىمەن قاراۋسىز قالعان.
Victoria S. Lautman
Victoria S. Lautman
ساياحاتشى باعدارلارىنىڭ ماڭىندا ورنالاسقان كەيبىر قۇرىلىمداردىڭ جاعدايلارى جامان ەمەس. ءبىراق بۇل وبەكتەردىڭ كوبى ءىشىنارا قيراپ قوقىس الاڭدارىنا اينالعان.
Victoria S. Lautman
Victoria S. Lautman
Victoria S. Lautman
ۆيكتوريا لاۋتماندى بۇل قۇرىلىمداردىڭ جويىلىپ كەتۋ ءقاۋپى الاڭداتادى. ءۇندىستانعا ساپارلارىنىڭ ماقساتى بولاشاق ۇرپاققا بۇل كەرەمەت وبەكتەردى ەڭ بولماعاندا سۋرەتتەر ارقىلى جەتكىزۋ. ۆيكتوريا جەتى شتاتتىڭ اۋماعىنان 120 قۇرىلىمدى تاپقان.
Victoria S. Lautman
You Might Also Like
-
جانۋارلاردىڭ ىشىندەگى ەڭ اقىلدى قۇس. دەنە تۇرقى 9،5 سم – 1 م. قاۋىرسىندارى اشىق قانىق (جاسىل، ونىڭ قىزىل جانە كوك تۇستەرمەن ۇيلەسىمى، كەيدە قارا نەمەسە سۇر) ءتۇستى بولادى. موينى قىسقا، باسى ءۇل...
