نەگە دەنەگە كۇش تۇسىرگەندە بۇلشىق ەتتەر اۋىرادى؟
ۇزاق ۋاقىت بويى دەنە شىنىقتىرۋمەن اينالىسپاعان ادام اۋىر جۇمىس ىستەپ، دەنەسىنە كۇش تۇسىرسە دەنەسىنىڭ اۋىراتىنىن جاقسى بىلەدى. سەبەبى بۇل اۋرۋ 5-6 ساعاتتان كەيىن باستالىپ، كەلەسى كۇنى ارتادى. نەلىكتەن دەپ ويلاساڭدار؟ قارقىندى جۇمىس كەزىندە بۇلشىق ەت اناەروبتى رەجيمدە جۇمىس ىستەپ، وتتەگى جەتىسپەۋشىلىگىنىڭ سالدارىنان ەنەرگيا قورىن جۇمسايدى. اناەروبتى پروسەسستىڭ سوڭعى ءونىمى – ءسۇت قىشقىلى بولعاندىقتان، ەگەر تۇسەتىن كۇش ورتاشا بولسا، ءسۇت قىشقىلى بۇلشىق ەتتەن قان ارقىلى شىعادى. ال كۇش اۋىر بولاتىن بولسا، ءسۇت قىشقىلى بۇلشىق ەتتەن شىعىپ ۇلگەرمەي، جۇيكە ۇشتارىن تىتىركەندىرەدى. سوندىقتان بۇلشىق ەتتەرىمىز اۋىرادى.
بۇلشىق ەتتى اۋىرتپاۋ ءۇشىن نە ىستەۋگە بولادى؟
1) دەنە شىنىقتىرۋمەن ۇنەمى شۇعىلدانۋ كەرەك. مۇنداي اۋرۋ ۇزاق ۋاقىت سپورتپەن شۇعىلدانباي، از ۋاقىتتا دەنەسىنە قارقىندى كۇش تۇسىرگەن ادامدا بولادى. سوندىقتان قالىپتى جاتتىعۋ جاساپ دەنەنى ماشىقتاندىرۋ كەرەك. سوندا عانا اۋرۋ سەزىلمەيدى. بۇل ءسۇت قىشقىلى وندىرىلمەيدى دەگەن ءسوز ەمەس. دەنە ادەتتەگى كۇشكە ۇيرەنگەن سوڭ دەنەنىڭ بۇلشىق ەتى اۋىرمايتىن بولادى.
2) ءبىرىنشى كۇنى دەنەگە بىردەن اۋىر كۇش تۇسىرمەۋ كەرەك. كۇشتى بىرتىندەپ ارتتىرۋ كەرەك. كوپ ادامدار جاتتىعۋدان كەيىن دەنەنىڭ اۋرۋىن قالىپتى جاعداي دەپ سانايدى. الايدا بەلگىلى ءبىر اۋرۋ اعزادا بەلگىسىز جاعدايدىڭ ورىن العانىن بىلدىرەدى. ياعني بۇلشىق ەتتەرگە شامادان كوپ كۇشتىڭ ءتۇسۋىن بايقاتادى.
3) جاتتىعۋ الدىندا دەنەنى قىزدىرۋ كەرەك. ەگەر بۇعان دەيىن دەنە اۋىرىپ تۇرعان بولسا، ەشقاشان جاتتىعۋدى توقتاتپاۋ كەرەك. ويتكەنى جاتتىعۋ جاساۋ اعزاداعى زات اينالۋ پروسەسىن جىلدامداتادى. سوندىقتان جاتتىعۋ قارقىنىن عانا ازايتۋ قاجەت. دەنەگە ماسساج جاساۋ، دۋش قابىلداۋ – جاتتىعۋ بارىسىندا جيىرىلعان بۇلشىق ەتتەردى سەرگىتەدى. مول سۋ ءىشۋ – زات الماسۋ پروسەسىن جاقسارتىپ، قاجەتسىز ونىمدەردى دەنەدەن ءبولىپ شىعارۋعا كومەكتەسەدى.
You Might Also Like
-
ەگەر بىرەۋ بويىڭداعى كەمشىلىكتەردى قازبالاپ جانە ولاردى ساعان قايتا-قايتا ايتا بەرەتىن بولسا، سەن ءوزىڭدى قالاي سەزىنەسىڭ؟ «سەن نە دەگەن باياۋسىڭ!»، «سەنىڭ قولىڭنان تۇك كەلمەيدى!&ra...
