InfoHub Logo

الماتى وبىلىسى، سارقان قالاسى
№1 مەكتەپ-گيمنازياسىنىڭ
6 ب سىنىپ وقۋشىسى
كريۆەنسوۆا ەليزاۆەتا ۆلاديميروۆنا
جەتەكشەسى: دۋيسەنحانوۆا س.ب
 

تۋعان جەر - ول ءاربىر ادامنىڭ كىندىك قانى تامعان قاسيەتتى مەكەن. ونىڭ كۇنى دە، تاۋ-تاسى دا، سارقىراعان وزەنى مەن جايقالعان كوك مايساسى، ەركەلەي ەسكەن جەلى، شىرقىراعان جان-جانۋارى، شىرىلداعان كۇستارى، ءبارى دە جانىڭا ەرەكشە ىستىق، ەرەكشە جاقىن. ”وتانىم” دەگەن جاس جۇرەگىمنەن شىققان اسىل ءسوزدى ماقتانىشپەن، اسقاقتىقپەن ايتا الامىن. تۋعان جەردىڭ ءقادىرىن ءار ادام ءارقالاي تۇسىنەتىن شىعار. ال مەن ءۇشىن تۋعان جەر ءقادىرى دۇنيەدەگى ەڭ ۇلى دەگەن نارسەمەن پارا-پار. سەبەبى، ول - مەنىڭ الپەشتەگەن انام، ايالاپ وسىرگەن اكەم، تۋعان تۋىسىم، اعا-اپكەلەرىم، مەنى ءبىلىم جولىنا جەتەلەگەن ۇستازدارىم، سول بىلىمگە ۇمتىلۋ جولىنداعى تايقۇلانداي تەبىسكەن جورا-جولداستارىم دۇنيەگە كەلگەن جەر. جاس ءارى جاسامپاز قازاق ەلىنىڭ مەنىڭ وتانىم بولعانىنا قۋانامىن. ۇلان-عايىر اتىراپقا سوزىلعان قازاق جەرى ماعان رۋح پەن كۇش بەرىپ تۇراتىنداي. ەلىمنىڭ اسەمدىككە تولى تابيعاتى مەن اتا-بابامىز قالدىرعان مول مۇرامىز ءالى كۇنگە دەيىن ءوز قۇندىلىعىن جوعالتپاعان.

ءبىز، بۇگىنگى ۇرپاق، وتانعا دەگەن سۇيىكپەنشىلىكتى، شىنشىلدىقتى، شىدامدىلىقتى، قايسارلىق پەن تاباندىلىقتى،ت ءىلىن، ءدىنىن ءسۇيۋدى سول الدىڭعى تالقىن-اعا بۋىننىڭ قاھارمان تۇلعاسىنا قاراپ ۇيرەنەمىز.

---