InfoHub Logo

كۇن بىردە جىلىپ، بىردە سۋىپ، اۋا رايى قۇبىلاتىن كۇز ايلارىندا تۇماۋ دەرتى ۇدەيە تۇسەتىنى ءمالىم. ماماندار تۇماۋدان مەيلىنشە ساقتانۋ ءۇشىن جانە تۇماۋدان ەرتەرەك ايىعۋ ءۇشىن تومەندەگىدەي شارالاردى ورىنداۋعا كەڭەس بەرەدى:

● تۇماۋدىڭ ەڭ جاقسى ەمى دەمالۋ. تەزىرەك جازىلۋ ءۇشىن ۇيدە تىنىعىپ، ەمدەلۋ كەرەك. وزگە وتباسى مۇشەلەرىنە جۇقتىرماۋ ءۇشىن مۇمكىندىگىنشە جەكە قالۋعا تىرىسىڭىز. جەكە ىدىس قولدانۋ كەرەك. وزگە وتباسى مۇشەلەرىنىڭ دە ماسكا تاققانى ابزال بولادى.

● تۇشكىرگەن، جوتەلگەن جاعدايدا ءبىر رەتتىك سالفەتكامەن اۋىزدى جابۋ كەرەك. قولمەن جاپقان جاعدايدا قولدى جۋۋ، قولمەن بەتتى، كوزدى ۋقالاماۋعا تىرىسۋ كەرەك.

● تازالىققا ءمان بەرىڭىز. اسىرەسە قولدى ءجيى جۋىپ ءجۇرۋ كەرەك. بەتتى جۋۋ، اۋىز، مۇرىندى شايقاۋ، دەنە تازالىعى (دۋش)، جانە كيىم، توسەك تازالىعىنا نەمقۇرايلى قاراماۋ كەرەك. اۋاداعى ۆيرۋستار ەدەنگە، جيھازدارعا شوگەتىندىكتەن ءۇي تازالىعىن دا قاداعالاۋ كەرەك.  

● جابىق جايلاردى جەلدەتىپ تۇرۋ، اۋا الماسۋىن قامتاماسىز ەتۋ كەرەك.

● كوپ سۋ ءىشىڭىز. كۇنىنە 8-10 ستاقان سۋ ءىشۋ اعزاداعى قالدىقتاردىڭ دەنەدەن شىعۋىن قامتاماسىز ەتەدى. سۋدى ىستىق ەمەس جانە سۋىق ەمەس، جىلى ەتىپ تۇتىنۋ كەرەك.

● ۇيقىسىز قالماڭىز. تىم از ۇيقى اۋرۋلاردىڭ شاقىرۋشىسى. ماسەلەن ءبىر ءتۇن ۇيىقتاماۋ ۆيرۋستارعا قارسى توتەپ بەرەتىن جاسۋشالاردىڭ ەكى ەسەگە ازايۋىنا سەبەپ بولادى.

● بالاڭىز اۋىرسا، دوستارىنا جۇقتىرماۋى ءۇشىن بالا-باقشاعا، ساباققا جىبەرمەڭىز.

● كۇز مەزگىلى بولسا دا كۇنگە شىعۋعا ءمان بەرىڭىز. كۇننەن الىناتىن D دارۋمەنى اۋرۋلاردان قورعان بولادى.

● سترەسس – اعزانىڭ توزىمدىلىگىن ازايتىپ، اۋرۋعا شالدىعۋعا اكەلەتىن باستى سەبەپتەردىڭ ءبىرى. سوندىقتان ءار ءتۇرلى جولدارمەن سترەستەن ۇزاق بولۋ، اۋىرماۋدىڭ بىردەن ءبىر جولى.

● زياندى ادەتتەردەن باس تارتىڭىز. تەمەكى يممۋنيتەتتى السىرەتىپ قويماي، قانداعى س دارۋمەنىنىڭ ازايۋىنا ىقپال ەتەدى.

● يممۋنيتەت جۇيەسىن كۇشەيتۋ كەرەك. كۇشتى يممۋنيتەتتىڭ كىلتى سالاۋاتتى قورەكتە. ەت پەن ءسۇت ونىمدەرىنەن تۇراتىن باي پروتەين كوزدەرىمەن قاتار جەمىس-جيدەك، كوكونىس جانە ءداندى-داقىل ونىمدەرىن تۇتىنىپ، يممۋنيتەتىڭىزدى اۋرۋلارعا قارسى تابيعي قالقان ەتە الاسىز. اسىرەسە باۋىر، جۇمىرتقا سارىسى، ءسابىز، ورىك، قىزاناق جانە دامدەۋىش كوك شوپتەردە بولاتىن ا دارۋمەنى  يممۋنيتەتتى كۇشەيتەدى. ازىقتاردان وڭاي الىناتىن ۆ6 دارۋمەنى مەن فوليي قىشقىلى مەن مىرىش يممۋنيتەت ءۇشىن قاجەتتى انتيدەنە جانە يممۋندىق جاسۋشالاردىڭ قالىپتاسۋىنا ىقپال ەتەدى. ەت، ءسۇت ونىمدەرى، باۋىر جانە جۇمىرتقا سياقتىپروتەينگە باي ازىقتاردا بولاتىن ۆ6 دارۋمەنى انتيدەنە قالىپتاسۋىندا اسەرلى بولادى. ال بۇل دارۋمەن جەتكىلىكسىز بولعان جاعدايدا يممۋنيتەتتىڭ السىرەۋى، ينفەكسيالارعا توزىمسىزدىك ورىن الۋىنا سەبەپ بولادى. جاڭعاق، ءسۇت، جۇمىرتقا جانە بۇرشاقتى داقىلداردا كوپتەپ تابىلاتىن مىرىش بولسا يممۋندىق جاسۋشالاردىڭ كوبەيۋىن قامتاماسىز ەتەدى.

● سالاۋاتتى قورەكتەنۋ مەن قاتار سپورت، دەنە جاتتىعۋلارى دا يممۋنيتەتتىڭ كۇشەيۋىنە ىقپال ەتەدى.  

---