InfoHub Logo

بىلتىر دۇنيەجۇزىلىك دەنساۋلىق ساقتاۋ ۇيىمى كومپيۋتەرلىك ويىندارعا تاۋەلدىلىكتى پسيحولوگيالىق اۋرۋلار قاتارىنا قوستى. اۋرۋدىڭ سيمپتومى رەتىندە ويىن ويناۋ جيىلىگى، كومپيۋتەرلىك ويىنعا كەتەتىن ۋاقىتتىڭ مولشەرى، باسقا بەلسەندىلىكتەر اراسىندا كومپيۋتەرلىك ويىنعا بەرىلەتىن باسىمدىلىق جانە باسقا دا قايشىلىقتار بولۋىنا قاراماستان كومپيۋتەرلىك ويىنعا دەگەن قۇلشىنىستىڭ جالعاسۋى سەكىلدى كورسەتكىشتەر اتالدى.

بالالاردىڭ كومپيۋتەر، پلانشەت نەمەسە تەلەفون سياقتى تەحنولوگيالاردىڭ باسىندا وتكىزەتىن ۋاقىتىنىڭ كوبەيۋىن تاۋەلدىلىكتىڭ كورسەتكىشى رەتىندە باعالاۋعا بولادى. مۇنداي تاۋەلدىلىكتىڭ اقىرى جامان ناتيجەلەرگە اكەلۋى مۇمكىن. تاۋەلدىلىكپەن بىرگە ادامدار مەن قارىم-قاتىناس، بايلانىس قۇرۋ تومەندەپ، ساباقتا، جۇمىستا ولقىلىقتارعا، جەتىستىكتىڭ ازايۋىنا،  گيگيەناعا ءمان بەرمەۋ، جەتكىلىكتى ۇيىقتاماۋ، جۇيكە جۇيەسىنىڭ توزۋى، دەنساۋلىقتىڭ ناشارلاۋى سياقتى كەرى اسەرلەرگە سەبەپ بولۋى مۇمكىن. مۇنداي تاۋەلدىلىككە تۇتىلعان ادامنان تەحنولوگيادان ازداپ الىس قالعان جاعدايدا، تەز اشۋلانۋ، قايعى-مۇڭعا سالىنۋ سياقتى بەلگىلەردى بايقاۋعا بولادى. بايلانۋ، تاۋەلدى بولۋ بىردەن كەلمەيدى، استە-استە اقىرىنداپ پايدا بولادى. سوندىقتان تەحنولوگياعا تاۋەلدىلىك كەسەلىنىڭ الدىن الۋعا نەمقۇرايلى قاراماۋ كەرەك. سپورت، قولونەر سەكىلدى ۇيىرمەلەرگە قاتىستىرۋ ارقىلى بالالاردىڭ قابىلەتتەرىن جەتىلدىرۋگە جانە وسىلاي ابەس تىرلىكتەرگە كەتۋى مۇمكىن بوس ۋاقىتتارىن ازايتۋعا بولادى. مۇنداي كەلەڭسىزدىكتەر ورىن الماۋى ءۇشىن، اتا-انا رەتىندە بالا تاربيەسىنە ءجىتى ءمان بەرۋ كەرەك، بالامەن سويلەسۋگە، سىرلاسۋعا كوڭىل ءبولۋ كەرەك.

---