InfoHub Logo

جارشىسىنداي اق شاعالا، اپپاق پەيىلىمنىڭ تىلەگى، ءۇمىت وتى - قاسيەتتى رامازان ايىن سارىلا كۇتىپ جۇرگەنىمە، مىنە، ءبىرشاما ايدىن ءجۇزى بولىپ قالىپتى. رامازان ايى، سەن مەنىڭ ءتۇن جامىلعان توناۋشىما اينالدىن. ءيا، توناۋشىم. سەبەبى ءتۇننىڭ جارىمىندا سەنى ويلاپ، ارمانداپ "قيال" اتتى ۇلكەن ساپارعا جول تارتامىن. ونى نەگە ارماندايدى، دەرسىزدەر. مەن ءۇشىن ورازا - باقىت، قۋانىش، مەرەكە. ءاربىر جىل سايىن رامازان ايى ەسىك قاققاندا، ەڭ باقىتتى ادامعا اينالامىن. جالىن كەۋدەم وت بولادى. جاۋقازىن جىرلارىم جۇرەك تۇكپىرىندە قۇلپىرادى. اللاعا سانسىز شۇكىرشىلىك! وسى جىلعى ورازانى  - امان-ەسەن، وتباسىممەن، ءتورت كوزىمىز تۇگەل  كورۋ بۇيىرىپ وتىر. جاراتقان اللانىڭ راقىمى شەكسىز عوي شىركىن!

رامازان - جاقسىلىقتىڭ، پاك كوڭىلدىڭ، سىرلى دا نۇرلى جۇرەكتەردىڭ، ادالدىقتىڭ نىسانى ىسپەتتەس. رامازان - ءىبىلىس اتاۋلىسىنىڭ بايلاناتىن، ادامگەرشىلىكتەن جانعا مەدەت تابا الاتىن اي.

باحارا سۇرەسىنىڭ 183-187اياتتارىندا بىلاي دەلىنگەن: "ارالارىندا كىمدە-كىم رامازان ايىنا امان-ەسەن جەتسە اۋىز بەكىتسىن. ال كىم ناۋقاس بولىپ نە ساپاردا ءجۇرىپ جاتسا ورازا ۇستاماسا، (قازا بولعان كۇندەرىن) باسقا ۋاقىتتا ۇستاسىن. شىنىندا، اللا سەندەرگە جەڭىلدىك قالايدى،اۋىرتپالىقتار ارتقىسى كەلمەيدى. ورازانى تولىقتاعاندارىڭدى، ۇستاي الماعان كۇندەردىڭ قازاسىن وتەگەندەرىڭدى جانە سەندەردى تۋرا جولعا سالعانى ءۇشىن اللانى ۇلىقتاۋلارىڭدى قالايدى. شۇكىرشىلىك ەتەنسىڭدەر! " راسىمەن، ماقتاۋ-مالاقتاۋدىڭ بارلىعى دا تەك راببىعا ءتان. وسى ءبىر مۇمكىندىكتەن قاي-قايسىمىز بولسا دا قۇر الاقان قالمايىق.

وكىنىشكە وراي، قازىرگى كوپتەگەن اعا-اپكەلەرىمىز ورازانى وزدەرىنشە "ديەتا" ياعني "سالماق تاستاۋ، ارىقتاۋ" دەپ بىلەدى. بۇل قازىرگى قوعامنىڭ ساناسىنىڭ ۋلانعانى،ناداندىعى. "ءبىر ءباداۋي كەلىپ: - ۋا، راسۋلۋللا! اللا تاعالا ماعان ورازا رەتىندە نەنى پارىز ەتتى،ايتىپ بەر! - دەگەندە، ول: رامازان ايىندا ورازا ۇستاۋدى..." - دەپ جاۋاپ بەرىپتى. اللانىڭ الدىنداعى پارىزىمىزدى ين شاا اللا ۇلكەن ىجداقاتتىلىقپەن، ادال نيەتپەن، ءناسىپ ەتسە تولىعىمەن وتەپ شىعۋلارىڭىزعا شىن جۇرەكتەن تىلەكتەسپىن مۇسىلمان جۇرتى. 

---