InfoHub Logo

ءوزىڭىزدى تەز قالىپقا كەلتىرۋ ءۇشىن تومەندەگى كەڭەستەرىمىزدى پايدالانىپ كورىڭىز. ولار قاراپايىم ىس-ارەكەتتەر بولعانىمەن، ناتيجەسىن بىردەن بايقايسىز.

جالپى كەيپىڭىز جاقسى كورىنۋى ءۇشىن دۇرىس تاماقتانىپ، كوبىرەك سۋ ءىشۋدىڭ ماڭىزى زور. سونىمەن قاتار، تەمەكى تارتۋدى توقتاتىپ، جاقسى دۇنيەلەردى كوبىرەك ويلاعان ابزال. بۇل، ارينە، 10 كۇن ىشىندە ورىندالمايتىن باعدارلاما. دەسە دە، اتالعان ءتىزىمنىڭ بىرەۋى بولسىن، ءسىزدىڭ جارقىن كوڭىل-كۇيىڭىز بەن تارتىمدىلىعىڭىزعا ءبىر ۇپاي قوسارى انىق.  ەندەشە، ىسكە كىرىسىڭىز!

— 1 —

ستوماتولوگقا قارالىپ، بارلىق ءتىسىڭىزدى ەمدەتىڭىز. ەمدەتەتىن تىستەرىڭىز بولماسا، ولارعا ارنايى كاسىبي اعارتۋ پروسەدۋراسىن جاساتىڭىز.

— 2 —

ءتىسىڭىزدى تەك تاڭەرتەڭگى جانە كەشكى ۋاقىتتا عانا ەمەس، ءاربىر تاماقتانۋدان كەيىن تازالاڭىز. 10 كۇن ىشىندە ءتىس ششەتكاسىنىڭ ارقاسىندا تىستەگى وڭەزدەردەن تازالاناسىز، ول – اۋىز قۋىسى ءيىسىنىڭ جاعىمدى بولۋىنا كەپىل.

— 3 —

الكوگولدى ىشىمدىكتەرگە مۇلدەم جولاماڭىز.

— 4 —

تۇزدان باس تارتىڭىز. العاشىندا، ەڭ قۇرىعاندا تۇزدى تاعامدار ساتىپ الۋدى توقتاتىڭىز. تۇز اعزادا سۋ اينالىمىن كەشىكتىرەدى، سونىڭ سالدارىنان كوز استىندا قانتالاۋ مەن قارا شەڭبەر پايدا بولادى.

— 5 —

كۇندە جۇمىستان جاياۋ قايتىڭىز. ياعني، ۇيىڭىزگە، ەڭ كەمى 40 مينۋتتاي سەرگەك ادىممەن ءجۇرىپ جەتۋگە تىرىسىڭىز. ەگەر جۇگىرگىڭىز كەلسە، جۇگىرىڭىز. ءبىراق، ارنايى جاتتىعۋ زالدارىنداعى جۇگىرمە كىلەمشەسىندە ەمەس، تازا اۋادا جۇگىرىڭىز. تازا اۋادا سەرۋەندەۋ - بەت ءتۇسىن جاقسارتادى، ال ازداعان كۇنگە كۇيۋ – بەتتەگى كىشىگىرىم كەمشىلىكتەردى جاسىرۋعا كومەكتەسەدى.

— 6 —

ەگەر ءسىزدىڭ تەرىڭىز پروبلەمالى بولسا، وندا ورامالدىڭ ورنىنا بەتكە ارنالعان ءبىر رەتتىك مايلىقتاردى قولدانۋدى ادەتكە اينالدىرىڭىز. 10 كۇننەن كەيىن-اق، بەتىڭىزدىڭ جاقسارعانىن بايقايسىز.

— 7 —

ۇيقى ۇزاقتىعى 7-8 ساعات بولسىن. ۇيقىڭىز كەلمەسە، سمارتفون قاراپ نەمەسە كىتاپ وقىماي، ءجاي عانا جاتىڭىز. ارمانداڭىز، جوسپار قۇرىڭىز، ءتىپتى، مەديتاسيا جاساپ كورۋگە بولادى، ايتەۋىر، وزىڭىزگە دەمالىپ، سەرىگۋگە مۇمكىندىك بەرىڭىز.

— 8 —

دەنە جاتتىعۋىن جاساۋدى باستاڭىز. ارينە، ەرىنۋىڭىز مۇمكىن، ءبىراق 10 كۇنگە عانا جوسپارلاپ كورىڭىز. 10 كۇننەن سوڭ، جاتتىعۋ جاساۋ مەن جاساماۋدىڭ ايىرماشىلىعىن سەزىنگەننەن كەيىن، ونى ارمەن قاراي جالعاستىرۋ-جالعاستىرماۋدى ءوزىڭىز شەشەسىز. كۇندەلىكتى جوسپار قۇرىپ قويساڭىز، جاتتىعۋعا كوپ ۋاقىت تا كەتپەيدى.

— 9 —

جيىرەك تاماقتانۋعا كىرىسىڭىز. اسىڭىزدى ەكىگە ءبولىڭىز دە، ونى كۇنىنە 3-4 رەت ەمەس، 6-7 رەت ءبولىپ جەڭىز. تاعام مولشەرى سول قالپىندا قالادى، ءبىراق، ءسىز 10 كۇننەن كەيىن اس مولشەرىن قىسقارتىپ، ازىراق تاماقتانۋ كەرەكتىگىن ۇعاسىز.

— 10 —

شاشتارازعا بارىپ، ەرەكشە شاش ۇلگىسىن جاساتىڭىز

— 11 —

بارلىق اياق كيىمدەرىڭىزدى تازالاپ، جۋىپ، تىكتىرۋ قاجەت بولاتىن جەرلەرىن تىكتىرىپ، رەتكە كەلتىرىڭىز.

— 12 —

ءۇيىڭىزدىڭ بۇرىش-بۇرىشىنا دەيىن ءسۇرتىپ، تولىقتاي تازالاۋ جۇمىستارىن جۇرگىزىڭىز. بۇل امال - سەرگەك ۇيىقتاۋعا جانە ءوزىڭىزدى جاقسى سەزىنۋگە سەپتىگىن تيگىزەدى. 

— 13 —

تاڭەرتەڭگىسىن سالقىنداۋ سۋعا شومىلىڭىز. ول - سىزگە تەرى سەرگەكتىگىن سىيلايدى.

— 14 —

ءار كۇن سايىن كوپتەن بەرى بايلانىسپاعان دوستارىڭىزدىڭ بىرىنە قوڭىراۋ شالىپ وتىرىڭىز. جاقسى كوڭىل كۇي – ءجيى كۇلىمدەۋگە كومەكتەسەدى.

— 15 —

ارقاڭىزدى تىك ۇستاپ ءجۇرۋدى باستاڭىز. كۇنى بويى ارقاڭىزدى تىك ۇستاپ جۇرە الماساڭىز، ارنايى كورسەت نەمەسە گادجەت ساتىپ الىڭىز.

— 16 —

گاردەروبىڭىزدى اقتارىپ، ىشىندەگى ەڭ ادەمىلەرىن كەيىنگە قالدىرماي، 10 كۇن بويى كيىپ شىعىڭىز. ال كيىلمەيتىن كيىمدەرىڭىزدى قايىرىمدىلىق ۇيىمدارىنا وتكىزىڭىز. يگى ءىس – ادامدى كيىمنەن ارتىق اشەكەيلەيتىنىن ۇمىتپاڭىز.

— 17 —

كۇندە كەشكە كۇلىپ، ەندورفين قابىلداۋ ءۇشىن جاعىمدى كومەديا فيلمدەرىن قاراڭىز. ول ءجيى كۇلىپ جۇرۋگە، ءوزىڭىزدى جارقىن سەزىنۋگە سەپتىگىن تيگىزەدى.

— 18 —

ەگەر سىزگە مونشاعا بارۋعا بولاتىن بولسا، بارىڭىز.

— 19 —

بۇلشىقەت پەن دەنە ءبىتىمىڭىز ادەمى كورىنۋى، جاقسى جۇمىس ىستەۋى ءۇشىن 10 كۇندىك ماسساج قابىلداڭىز. ول بوساڭسىتاتىن ەمەس، ەمدىك ماسساج بولۋى ءتيىس.

— 20 —

10 كۇن بويى مۇلدەم تەلەديدار قاراماڭىز، كومەديا فيلمدەرىن كورۋگە بولادى :)

---