InfoHub Logo

الەۋمەتتىك جەلىدە قوستانايدان ۇشىپ كەلگەن جولاۋشىلاردىڭ ۆيدەوسى كەڭ تارادى. بورتسەرىك ۇشاقتىڭ اۋا رايىنىڭ قولايسىزدىعىنا بايلانىستى تۇركىستانعا ەمەس، شىمكەنتكە قوناتىنىن حابارلاعان ساتتە جولاۋشىلار شىن كوڭىلدەن قۋانىپ كەتكەن.

كادردا بورتسەرىك: "شىمكەنتتە قالعىسى كەلەتىندەر قول كوتەرىڭىزدەر. ءبارى قالا ما؟ وندا سىزدەردەن تۋرا جەتكىزىپ تاستاعانىمىز ءۇشىن قوسىمشا اقى الامىز. ءقازىر كومانديردىڭ ءنومىرىن ايتامىن، سول جەرگە اقشا اۋدارىڭىزدار"، — دەپ قالجىڭدايدى.

قوستانايدان شىمكەنتكە تىكەلەي رەيس جوق بولعاندىقتان، كوپ جولاۋشى تۇركىستانعا ۇشىپ بارىپ، ودان ءارى تاكسيمەن جۇرەتىن كورىنەدى. بۇل جولى اۋا رايى ولاردىڭ ۋاقىتىن دا، قاراجاتىن دا ۇنەمدەۋگە كومەكتەسكەندەي.

كەي جەلى قولدانۋشىلارى ءازىل-شىنى ارالاس: "رەيسى باسقا قالاعا قونعانىنا قۋاناتىن – قازاقتار عانا شىعار..." دەپ پىكىر قالدىرعان.