InfoHub Logo

ءماجىلىس دەپۋتاتى ناتاليا گريگوريەۆا قالا مەن اۋىلدارداعى جاسوسپىرىمدەر اراسىنداعى قۇقىقبۇزۋشىلىققا قاتىستى ءوز پىكىرىن ءبىلدىردى. ونىڭ ايتۋىنشا، ۋچاسكەلىك پوليسيا قىزمەتكەرلەرىنىڭ تاپشىلىعى قوعامدىق ءتارتىپ پەن وقۋشىلاردىڭ قاۋىپسىزدىگىن قامتاماسىز ەتۋدە كەدەرگى بولىپ وتىر.

«اۋىل مەن قالادا ۋچاسكەلىك پوليسەيلەر جەتكىلىكسىز. سوندىقتان قۇقىقبۇزۋشىلىقتىڭ الدىن الۋعا ولاردىڭ شاماسى جەتپەي جاتىر. ال مەكتەپتەردەگى كۇزەت قىزمەتىن كوبىنەسە زەينەت جاسىنداعى نەمەسە مۇگەدەكتىگى بار ازاماتتار اتقارىپ ءجۇر. بۇل قاۋىپسىزدىك تالاپتارىنا ساي كەلمەيدى»، – دەدى دەپۋتات.

گريگوريەۆا بالالاردىڭ قاۋىپسىزدىگىن كۇشەيتۋ ءۇشىن قۇقىق قورعاۋ ورگاندارىن كۇشەيتىپ، مەكتەپتەگى كۇزەت ساپاسىن ارتتىرۋ قاجەتتىگىن اتاپ ءوتتى.