تۇركىستان وبلىسى پوليسيا باسشىسىن سىناعان بلوگەر رۇستەم اشەتايەۆ ۇستالعانى جايلى اقپارات تارادى
تۇركىستان وبلىسى پوليسيا باسشىسىن سىناعان بلوگەر رۇستەم اشەتايەۆ ۇستالعانى جايلى اقپارات تارادى،-دەپ حابارلايدى ينفوحاب.كز.
الەۋمەتتىك جەلىدە تۇركىستان وبلىستىق پوليسيا دەپارتامەنتىنىڭ باستىعى مۇرات قابدەنوۆتى سىناعان جازبالار جاريالاعان جەرگىلىكتى بلوگەر رۇستەم اشەتايەۆتىڭ بوپسالاۋ كۇدىگىمەن ۇستالعانى جونىندە اقپارات تارادى. الايدا بۇل دەرەكتى رەسمي ورىندار ازىرگە راستاعان جوق.
بلوگەر سوڭعى جازبالارىندا قابدەنوۆتىڭ قابىلداۋىنا بىرنەشە رەت كىرە الماعانىن، ونىڭ ورنىنا ورىنباسارىنان تەك «ۋادە» ەستىپ قايتقانىن ايتقان. سونداي-اق ارىس اۋدانىندا شەتەلدىك جۇمىسشىلارعا قاتىستى رەيد كەزىندە پوليسيانىڭ ارەكەتسىزدىگىن سىناپ، ۇستالعان 43 شەتەلدىكتىڭ ءبىرازىنىڭ قايتادان «جوعالىپ كەتكەنىن» مالىمدەگەن. بۇل جاعدايدى ول «سوراقىلىق» دەپ باعالاعان.
اشەتايەۆ پوليسيادا زاڭسىزدىقتار بار دەپ سانايتىنىن اشىق جازىپ، گەنەرالدىڭ وتستاۆكاعا كەتۋىن تالاپ ەتۋ مۇمكىندىگىن دە كوتەرگەن. قازىرگى ۋاقىتتا ونىڭ ۇستالعانى تۋرالى مالىمەتكە بايلانىستى رەسمي تۇسىنىكتەمە بەرىلگەن جوق.
You Might Also Like
-
اقتاۋلىق ەرلان شونتابايەۆ – ەرلىكپەن كوز جۇمعان اكە: بەس بالاسىن جەتىم قالدىردى
-
توقايەۆ قورعانىس ءمينيسترىن قابىلداپ، ارميا قاۋىپسىزدىگىنە باسا نازار اۋداردى
