InfoHub Logo

اقتاۋلىق ەرلان شونتابايەۆ – ەرلىكپەن كوز جۇمعان اكە: بەس بالاسىن جەتىم قالدىردى

اقتاۋدا تاعى ءبىر قايعىلى وقيعا. ءبىر مەزەتتە ءبىر ادامنىڭ باتىلدىعى – وزگەلەردىڭ ءومىرىن ساقتاپ قالدى، ءبىراق ءوزى اجال قۇشتى. بۇل وقيعا – 41 جاستاعى ەرلان شونتابايەۆتىڭ ەرلىگى جايلى.

ول سول كۇنى دوستارىمەن بىرگە كاسپيي جاعالاۋىندا دەمالىپ جاتقان. ىشىمدىك ىشپەگەن، جاعادا جاي عانا دەمالىپ وتىرعان. ءبىراق تىنىش باستالعان كۇن – ازا تۇتار ساتكە ۇلاستى.

كەنەتتەن سۋ ىشىندە ايقاي شىققان. ەكى بويجەتكەن سۋعا باتىپ بارا جاتتى. ولاردىڭ جانىندا بولعان ەكى جىگىتتىڭ ءبىرى كومەككە ءجۇزىپ كەتسە، ەكىنشىسى جاعاداعىلاردان جاردەم سۇراي باستاعان. ءدال وسى ساتتە ەرلان بوگەلمەستەن تەڭىزگە سەكىرگەن. الدىمەن قوس بويجەتكەندى جاعاعا جەتكىزدى. ءبىراق ءقاۋىپ ءالى تولىق سەيىلمەگەن ەدى – سۋدا قالعان جىگىتتى دە الىپ شىعۋعا بەتتەيدى. وسى كەزدە كەنەتتەن جاعداي ۋشىعادى.

"قىزداردى قۇتقارىپ شىققان سوڭ، سۋدا قالعان جىگىتكە جەتكەندە، الگى جىگىت ۇرەيدەن ەرلاننىڭ اياعىنان شاپ بەرىپ ۇستاپ العان بولۋى مۇمكىن. سونىڭ سالدارىنان ەكەۋى دە سۋعا باتىپ كەتتى"، – دەيدى ەرلاننىڭ جاقىندارى.

قۇتقارۋشىلار كەلىپ جەتكەندە – تىم كەش ەدى. ەكى ەر ادامنىڭ دا دەنەسى تەڭىز تۇبىنەن تابىلدى.

ەرلان شونتابايەۆ ارتىندا بەس بالاسىن قالدىردى. ول – تەك وتباسىنىڭ اسىراۋشىسى عانا ەمەس، ەل ەسىندە ناعىز ەر ازامات رەتىندە قالماق. ونىڭ ارەكەتى – ادامدىقتىڭ، جانكەشتىلىكتىڭ، شىنايى باتىرلىقتىڭ كورىنىسى.