tengrinews.kz
تۇركىستان وبلىسىندا اعايىندى جىگىتتەر ەسىرتكى ءوندىرىسىن دوڭگەلەتكەن
تۇركىستان وبلىسىندا ەسىرتكى وندىرىسىمەن اينالىسقان اعايىندى ەكى جىگىتتىڭ ءىسى پوليسيانىڭ نازارىنا ءىلىندى. ولار ارىس قالاسىنىڭ شەتىندەگى جەكە ءۇيدى جالداپ، ءىرى كولەمدە سينتەتيكالىق ەسىرتكى ءوندىرىسىن ۇيىمداستىرعان.
بۇل تۋرالى Infohub.kz اقپارات اگەنتتىگى حابارلايدى.
ءتىنتۋ كەزىندە ولاردىڭ قولىنان سۇيىق كۇيدەگى جارتى تونناعا جۋىق مەفەدرون جانە 1،5 توننا پرەكۋرسور تاركىلەندى. سونداي-اق، ەسىرتكى وندىرىسىنە قاجەتتى رەاكتور، كولبالار، ماگنيتتى ارالاستىرعىش، كانيسترلەر جانە باسقا دا قۇرال-جابدىقتار الىندى. اتالعان زاتتارعا ساراپتاما تاعايىندالدى.
ەكى اعايىندىعا قانداي جازا كەلەدى؟
قىلمىستىق كودەكستىڭ 297-1-بابى بويىنشا، اعايىندىلارعا ۇزاق مەرزىمدى، ءتىپتى ءومىر بويىنا باس بوستاندىعىنان ايىرۋ جازاسى كەسىلۋى مۇمكىن. قازىرگى ۋاقىتتا كۇدىكتىلەر ۋاقىتشا ۇستاۋ يزولياتورىنا قامالدى.
ىشكى ىستەر مينيسترلىگى ەسىرتكى وندىرىسىنە جول بەرمەيتىنىن جانە مۇنداي ارەكەتتەردىڭ جولىن كەسۋ جۇمىستارى جالعاساتىنىن مالىمدەدى.
-
Kazakhstan's Armed Forces are set to integrate international judo standards into their training programs following a significant agreement.
-
Authorities in Turkistan region dismantled a major synthetic drug production facility، seizing nearly half a ton of mephedrone and significant precursor chemicals.
