ۇيالى بايلانىس تاريفتەرى نەگە ءوستى؟ – مينيستر تۇسىنىكتەمە بەردى
قازاقستاندا ۇيالى بايلانىس قىزمەتى ايتارلىقتاي قىمباتتادى. كەيبىر وپەراتورلار تاريفتەردى بىردەن ەكى ەسەگە، ياعني 3 مىڭنان 6 مىڭ تەڭگەگە دەيىن كوتەرگەن. جاعدايعا قاتىستى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسۇلان مادييەۆ تۇسىنىكتەمە بەردى.
ءمينيستردىڭ ايتۋىنشا، باعانىڭ ءوسۋى ورىندى قۇبىلىس.
«باعانىڭ بىرتىندەپ ءوسۋى ورىندى. سەبەبى ينفلياسيا بار، ءارى كومپانيالار ءوز جەلىلەرىن دامىتۋ ءۇشىن قوماقتى ينۆەستيسيا قۇيۋدا. ەڭ ماڭىزدىسى – باعا بويىنشا وپەراتورلار اراسىندا زاڭسىز كەلىسىمدەردىڭ بولماۋى»، – دەدى جاسۇلان مادييەۆ.
سونىمەن قاتار، مينيستر ينتەرنەت-ترافيك قۇنى – اتاپ ايتقاندا 1 گيگابايت باعاسى تومەندەگەنىن دە ايتتى.
تاريفتەردەگى وزگەرىس بارلىق ابونەنتتەرگە بىردەي اسەر ەتىپ وتىر.
ايتا كەتەيىك، سوڭعى ۋاقىتتا حالىق تاراپىنان ۇيالى بايلانىس پەن ينتەرنەت قىزمەتىنىڭ تىم قىمباتتاعانىنا بايلانىستى شاعىمدار كوبەيگەن.
You Might Also Like
-
الەمدىك نارىقتا مۇناي باعاسى ەكى كۇن قاتارىنان تومەندەپ، ينۆەستورلار مەن ترەيدەرلەردىڭ الاڭداۋشىلىعىن تۋدىردى. Brent ماركالى مۇناي ءبىر تاۋلىكتە 3 پايىزعا ارزانداپ، باررەلى 64 دوللار 65 سەنتكە دەيىن...
-
قىلمىستىق، قىلمىستىق-پروسەستىك جانە قىلمىستىق-اتقارۋ كودەكستەرىن وڭتايلاندىرۋ ماسەلەلەرى بويىنشا تۇزەتۋلەردى قاراۋ بارىسىندا دەپۋتاتتار قىلمىستىق كودەكستى «نەكە قيۋعا ماجبۇرلەۋ» دەگەن جاڭا 125-1 با...
