ۇلىبريتانيا نازاربايەۆ زياتكەرلىك مەكتەپتەرىنىڭ وقۋ باعدارلاماسىن مويىندادى
نازاربايەۆ زياتكەرلىك مەكتەپتەرىنىڭ (نزم) NIS-Programme وقۋ باعدارلاماسى حالىقارالىق GCE A-Level بىلىكتىلىك تالابىنا ساي بولىپ تانىلدى، دەپ حابارلايدى نزم-نىڭ باسپا ءسوز قىزمەتى حابارلايدى.
ۇلىبريتانيانىڭ ءبىلىم كۋالىگىن تانۋ جونىندەگى ۇلتتىق اقپارات ورتالىعىنىڭ (UK NARIC - National Recognition Information Centre) ساراپشىلارى نازاربايەۆ زياتكەرلىك مەكتەپتەرىنىڭ NIS-Programme وقۋ باعدارلاماسى جان-جاقتى زەردەلەپ قانا قويماي، زياتكەرلىك مەكتەپتەردى ارالاپ كوردى. سونىڭ ناتيجەسىندە «نازاربايەۆ زياتكەرلىك مەكتەپتەرىنىڭ 12 سىنىپتى ءتامامداۋ تۋرالى اتتەستاتى ۇلىبريتانيانىڭ GCE A-Level دەڭگەيىمەن سايكەس كەلەدى» دەگەن شەشىمگە كەلدى. GCE A-Level باعدارلاماسى الەمنىڭ بارلىق ۇزدىك ۋنيۆەرسيتەتتەرىندە مويىندالعان. بۇل باعدارلاما بويىنشا ءبىلىم العان تۇلەكتەر ەشقانداي قوسىمشا ەمتيحان تاپسىرماستان جانە ۋنيۆەرسيتەتكە دايىندايتىن Foundation كۋرسىن وقىماستان جوعارى وقۋ ورنىنا تۇسە الادى.
نازاربايەۆ زياتكەرلىك مەكتەپتەرىنىڭ وقۋ باعدارلاماسىن قازاقستاندىق جوعارى وقۋ ورىندارى دا مويىنداعان. قازىرگى تاڭدا زياتكەرلىك مەكتەپتەردىڭ تۇلەكتەرى قازاقستان-بريتان تەحنيكالىق ۋنيۆەرسيتەتىنە (قبتۇ)، كيمەپ ۋنيۆەرسيتەتى، ق. ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىنە (قازۇتۋ)، الماتى مەنەدجمەنت ۋنيۆەرسيتەتىنە (AlmaU)، الماتى ەنەرگەتيكا جانە بايلانىس ۋنيۆەرسيتەتى (اەبۋ)، ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتى (ءاومۋ)، حالىق شارۋاشىلىعى ۋنيۆەرسيتەتىنە («بيزنەستى اكىمشىلەندىرۋ باكالاۆرى» ماماندىعىنا)، حالىقارالىق اقپاراتتىق تەحنولوگيالار ۋنيۆەرسيتەتىنە («اقپاراتتىق قاۋىپسىزدىك» ماماندىعىنا) ەكىنشى كۋرسقا تۇسە الادى. بۇدان بولەك، نزم تۇلەكتەرى نازاربايەۆ ۋنيۆەرسيتەتىنىڭ باكالاۆريات باعدارلاماسىنا ۋنيۆەرسيتەتكە دايىندايتىن Foundation كۋرسىن وقىماستان قابىلدانادى.
فوتو: nis.edu.kz
You Might Also Like
-
ادامنىڭ تاماق ءىشۋ كەزىندە (ەگەر ول ەرەكشە ءدامدى بولىپ كورىنسە) الاتىن ءلاززاتىن ميعا اسەر ەتۋ تۇرعىسىنان ماحاببات سەزىمى مەن ەسىركىدەن الاتىن لاززاتپەن سالىستىرۋعا بولادى ەكەن.
