برونح دەمىكپەسى: قىستا اۋرۋدىڭ اسقىنۋىنان قالاي قورعانۋعا بولادى
برونح دەمىكپەسى — تىنىس جولدارىنىڭ ەڭ ءجيى كەزدەسەتىن اۋرۋى. سوزىلمالى وكپە اۋرۋى كەز كەلگەن جاستا بولۋى مۇمكىن. دەمىكپەنىڭ ەمى جوق، ءبىراق باقىلاۋعا بولادى. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرى بويىنشا الەمدە برونح دەمىكپەسى دياگنوزى قويىلعان 262 ميلليونعا جۋىق ناۋقاس بار. ونىڭ ىشىندە قازاقستان حالقىنىڭ 10%-ى دەمىكپەگە شالدىققان. 11 جەلتوقسان — دۇنيەجۇزىلىك برونح دەمىكپەسىنە قارسى كۇرەس كۇنى بولدى.
برونح دەمىكپەسىنىڭ نەگىزگى بەلگىلەرى قانداي؟ مەن ەمى تۋرالى كوبىرەك بىلگىمىز كەلەدى. نەگىزگى بەلگىلەرى قانداي؟
برونح دەمىكپەسى — سوزىلمالى وكپە اۋرۋى. كەۋدەدەگى بىتەلۋمەن سيپاتتالاتىن دەرت. تىنىس الۋ جولدارى تارىلىپ، ءىسىنىپ، دەم الۋدى قيىنداتادى جانە جوتەلدى قوزدىرادى، دەم شىعارعاندا ىسقىرىق جانە ەنتىگۋ پايدا بولادى. تۇنشىعۋ ۇستاماسى نەگىزىنەن تۇندە نەمەسە تاڭعى ساعات 5-6 شاماسىندا بولادى. سونداي-اق تىنىس الۋ قىسقارىپ، اۋا جەتىسپەۋشىلىگى بايقالادى. مىنە، دەمىكپەنى وسى بەلگىلەرى ارقىلى ادەتتەگى جوتەلدەن اجىراتۋعا بولادى.
دارىگەرلەر دەمىكپە اۋرۋىن قالاي انىقتاپ، ەمدەيدى؟
جوعارىدا ايتىلعان بەلگىلەر ناۋقاستا العاش رەت بايقالسا، ونى دەنساۋلىق جاعدايىنا قاراي اجىراتادى، ياعني انامنەزىن ەسەپكە الادى، اللەرگيالىق انامنەزگە نازار اۋدارادى. سودان كەيىن اۋرۋدى انىقتاۋ ءۇشىن زەرتحانالىق جانە اسپاپتىق تەكسەرۋ جۇرگىزىلەدى. سپيروگرافيالىق پروسەدۋرا جۇرگىزىلەدى، فارماكولوگيالىق سىناق بۇگىندە «برونح دەمىكپەسى» دياگنوزىن قويۋعا مۇمكىندىك بەرەدى. سونىمەن قاتار وكپەگە كومپيۋتەرلىك توموگرافيا جاساپ، كەۋدەنى رەنتگەنگە تۇسىرەدى. زەرتحانالىق تەكسەرۋگە قاننىڭ جالپى ءاناليزى مەن قاقىرىقتى تالداۋ كىرەدى. زەرتحانالىق تەكسەرۋدىڭ ناتيجەسى بويىنشا قانداي دا ءبىر اللەرگەننىڭ بار ەكەنىنە كۇدىكتەنسە، وندا بەلگىلى ءبىر اللەرگەندەرگە ارنايى يممۋنوگلوبۋلين ە ءۇشىن تالداۋ جاسايدى. وسى زەرتتەۋلەردىڭ بارلىعى ناقتى دياگنوز قويۋعا مۇمكىندىك بەرەدى.
ەمدەۋگە كەلەتىن بولساق، ءدال دياگنوزدان كەيىن نەگىزگى تەراپيا تاڭدالادى. بۇگىندە بۇل — دارىلىك ينگالياتورلار. برونح دەمىكپەسى مىندەتتى الەۋمەتتىك مەديسينالىق ساقتاندىرۋ اياسىندا تەگىن كورسەتىلەتىن اۋرۋلاردىڭ تىزىمىنە ەنگىزىلگەن.
دەمىكپەدەن ءبىرجولا جازىلىپ كەتۋ مۇمكىن بە؟
دەمىكپەنىڭ ەمى جوق، سەبەبى ول — جازىلمايتىن سوزىلمالى اۋرۋ، ءبىراق ونى باقىلاۋعا بولادى. ول ءۇشىن اللەرگولوگتىڭ بارلىق ۇسىنىستارىن ورىنداپ، نەگىزگى تەراپيالىق دارى-دارمەكتەردى ۇنەمى قابىلداۋ كەرەك.
دەمىكپە اۋرۋى قالاي جۇعادى؟
اۋرۋدىڭ پايدا بولۋىنىڭ نەگىزگى فاكتورى — گەنەتيكالىق بەيىمدىلىك، ياعني دەمىكپە تۇقىم قۋالايدى. اتا-اناسىنىڭ بىرەۋى دەمىكپەمەن اۋىراتىن بالانىڭ دەمىكپەگە شالدىعۋ ءقاۋپى — 30%. ال اناسى مەن اكەسى دە اۋىرسا ىقتيمالدىعى — 70%. اۋرۋ كەز كەلگەن جاستا پايدا بولۋى مۇمكىن.
دەمىكپە قاي كەزدە كۇشەيەدى؟
برونح دەمىكپەسىمەن اۋىراتىن ادامدار ءۇشىن كۇز-قىس مەزگىلى قيىن بولۋى مۇمكىن. كەيبىرەۋلەر ءۇشىن اۋرۋدىڭ قوزۋ كەزەڭدەرى كوكتەم مەن جازدا. ولار ءارتۇرلى فاكتورلاردىڭ اسەرىنەن تۋىنداۋى مۇمكىن.
بۇل اۋرۋ ءجيى كەزدەسە مە؟
برونح دەمىكپەسى — كەڭ تارالعان اۋرۋلاردىڭ ءبىرى. دۇنيەجۇزى بويىنشا 300 ميلليونعا جۋىق ادامعا وسى دياگنوز قويىلعان. ءبىزدىڭ ەلدە ەرەسەكتەردىڭ 5%-دا جانە بالالاردىڭ 10%-دا كەزدەسەدى، ياعني بالالار ءجيى اۋىرادى.
دەمىكپەدەن قالاي قورعانۋعا بولادى؟
برونح دەمىكپەسىنىڭ ءقاۋپىن ازايتۋ ءۇشىن كەيبىر ەرەجەلەردى قاتاڭ ساقتاۋ كەرەك. سۋىقتان جانە اللەرگيا تۋدىراتىن نارسەلەردەن اۋلاق بولۋ، تەمەكى شەگۋدى توقتاتۋ، ديەتانى ساقتاۋ، ءۇي-جايلاردى تازا ۇستاۋ جانە ۇنەمى ىلعالدى تازالاۋ جۇرگىزۋ قاجەت. سونداي-اق، مۇنداي دياگنوزى بار ناۋقاستارعا دارىگەر تاعايىنداعان ەمدى ەلەپ، نەگىزگى تەراپيانى قابىلداۋ قاجەت. ەمدەۋ تۇراقتى بولۋى كەرەك.
برونح دەمىكپەسىنەن ادام ءولۋى مۇمكىن بە؟
ەگەر سيمپتومدار اۋىر بولسا جانە دەمىكپەمەن اۋىراتىن ادامدارعا دەر كەزىندە كومەك كورسەتىلمەسە، اۋرۋ ولىمگە اكەلۋى مۇمكىن. ەگەر دارىگەردىڭ بارلىق ۇسىنىستارىن ورىنداسا، ادام وسى دياگنوزبەن ۇزاق ءومىر سۇرە الادى.
وقۋعا كەڭەس بەرەمىز:
پليەۆريت
You Might Also Like
-
قارجى مينيسترلىگىنىڭ بيۋدجەتتىك كرەديتتەۋ، ۇلتتىق قور جانە قارجى سەكتورى ماسەلەلەرى جونىندەگى ءوزارا ءىس-قيمىل دەپارتامەنتىنىڭ ديرەكتورى ايبول ارعىنعازين ۇلتتىق قوردان بالاسىنا اقشا كۇتىپ جۇرگەن اتا-ا...
-
ابىلايدىڭ كوپ ۇلدارىنىڭ ىشىندە قالماق قىزىنان تۋعان قاسىم باسقا بالالارىنا قاراعاندا قاھارلى، ۋىتتى، كوكجال تۋسا كەرەك. حالىق ونى «قان شەڭگەلدەپ تۋعان قاسىم» دەپ اتاعان. ابىلاي قايتىس ب...
