InfoHub Logo

مۇحيت بيتەنوۆتىڭ كۇيى. «ءۇش بالام» كۇيىن 1962 جىلى اۆتوردىڭ ءوزى ورىنداپ، ونىڭ شىعۋ تاريحىن دا ايتىپ بەردى.

1941 جىلى بيتەنوۆ مۇحيت وتان سوعىسىنا اتتانعاندا ونىڭ ۇيىندە مارات، مار، مايدان دەگەن ءۇش ۇل بالاسى قالعان ەدى. 1945 جىلى سوۆەت ارمياسى فاشيستەردى ءوز جەرىندە تالقاندادى. جەڭىسپەن ەلگە ورالعان مۇحيت ۇيىنە ورالعاندا الدىنان شىعاتىن ءۇش بالاسىنىڭ ءبىرى دە بولماي، ءبارىنىڭ دە قايتىس بولعانىن ەستىپ، قاتتى قايعىرادى. ول وزىنە جۇبانىش بولار ەشتەڭە تاپپاي، توردە ءىلۋلى تۇرعان دومبىراسىن الىپ كوزدەن جاسىن
اعىزا، تولعانا، تەبىرەنە وتىرىپ ءبىر كۇي تارتادى. كۇيدى تىڭداپ وتىرعانداردىڭ ءبىرى:

— مۇحيت، مىنا تارتقانىڭىز بۇرىن ەستىلمەگەن ساز عوي، اتى قالاي؟ — دەگەندە:

— يا، دۇرىس ايتاسىز! بۇل ءۇش بالانىڭ قايعىسىنا ارناعان «ءۇش بالام» اتتى كۇيىم، — دەپتى ءارى كۇيشى، ءارى جاۋىنگەر مۇحيت بيتەنوۆ.

 

---