InfoHub Logo

2017 جىلدىڭ 21 قاراشاسىندا قالالىق ءبىلىم ءبولىمىنىڭ «№ 4 س.سەيفۋللين اتىنداعى ورتا مەكتەبى» كوممۋنالدىق - مەملەكەتتىك مەكەمەسىندە 8 سىنىپ وقۋشىلارى اراسىندا «ءۇش تىلدە ءبىلىم بەرۋدىڭ بولاشاعى جارقىن» اتتى ينتەللەكتۋالدى تاقىرىپتىق كەش وتكىزىلدى. شارانىڭ ماقساتى وقۋشىلاردىڭ شىعارماشىلىق قابىلەتتەرىن دامىتۋ، اعىلشىن ءتىلىن وقۋعا دەگەن قىزىعۋشىلىعىن قالىپتاستىرۋ بولدى. ءىس-شارا بارىسىندا  8 «ا» سىنىپ وقۋشىلارى ابديكاليك ءدىنيسلام، ابديكاليك نۇرمۇحامەد، تولەپبەرگەن ەلدوس ۇشتىلدىلىكتىڭ ماڭىزدىلىعى جايىندا قازاق، ورىس جانە اعىلشىن تىلدەرىندە ولەڭ وقىدى.  كەش 5 كەزەڭنەن تۇراتىن  ينتەللەكتۋالدى بايقاۋعا  جالعاسىپ، قاتىسۋشىلار ءۇش توپتا ءبىلىم سىناستى. كورەرمەن ۇستازداردان ءادىل-قازى ۇيىمداستىرىلىپ، توپتاردىڭ ۇپايلارى ەسەپتەلدى. ءۇش ءتىلدى كەڭ قامتىعان سۇراق-جاۋاپتار، ويىندار وقۋشىلاردىڭ ءوي-ورىسىن اشىپ، بىلىمدەرىن كەڭەيتتى. كەش  بارىسىندا وقۋشىلار العان بىلىمدەرىن ورتاعا سالىپ، تىلدىك ءبىلىم دەڭگەيلەرى جوعارى دەڭگەيدە ەكەنىن بايقاتتى. ەلىمىزدەگى ءۇش ءتىلدى ساياساتتىڭ ءمانى مەن ماڭىزىن، سونىمەن قاتار كەمشىلىگى مەن كەرى اسەرلەرى جايلى پىكىرتالاس ءوربىتىپ، قىزۋ تارتىستى كەش وتكىزدى. 8 «ۆ» سىنىپ وقۋشىسى ايتۋعانوۆا انەل «La Is La Bonita» ءانىن ورىندادى.  اعىلشىن ءتىلى بىرلەستىگى ءمۇعالىمى شاحاتوۆا مانشۇك  «ءۇش تىلدە ءبىلىم بەرۋدىڭ بولاشاعى جارقىن» تاقىرىبىندا  وقۋشىلارعا  پرەزەنتاسيا جاسادى. بولاشاعىمىز جارقىن، كەلەشەگىمىز كەمەل بولسىن دەگەن ءپوزيتيۆتى سارىندا تاقىرىپتىق كەش «My Bonnie» انىمەن ءوز جۇمىسىن اياقتادى. ءتىل تۋرالى قىزىقتى اقپاراتتارمەن اسەم بەزەندىرىلگەن شارادان كورەرمەندەر دە كوتەرىڭكى كوڭىل-كۇيمەن تارقاستى.

قىزىلوردا قالاسى،
№4 س.سەيفۋللين اتىنداعى مەكتەپ
اعىلشىن ءتىلى ءپانى ءمۇعالىمى
راحمانبەرگەنوۆا انار

---