tengrinews.kz
ۇشاق قوزعالتقىشى ىستەن شىعىپ، جولاۋشىلارمەن بىرگە ءماجبۇرلى قونۋعا ءماجبۇر بولدى
نيگەريادا جولاۋشىلار ۇشاعى قوزعالتقىشىنىڭ ىستەن شىعۋىنا بايلانىستى ءماجبۇرلى قونۋعا ءماجبۇر بولدى. بۇل وقيعا 11 اقپاندا بولعان.
Arik Air اۋەكومپانياسىنىڭ Boeing 737-7GL ۇشاعى لاگوستان پورت-حاركورتقا ۇشىپ بارا جاتقاندا، ۇشۋ كەزىندە ءبىر قوزعالتقىشى ىستەن شىققان. بورتتا 80-نەن استام جولاۋشى بولعان.
ەكيپاج ۇشاقتىڭ باعىتىن وزگەرتىپ، بەنين اۋەجايىنا اپاتتى جاعدايدا قوندى. زارداپ شەككەندەر تۋرالى اقپارات جوق.
تەرگەۋ باستالدى
نيگەريانىڭ ۇشۋ قاۋىپسىزدىگى جونىندەگى وقيعالاردى تەرگەۋ بيۋروسى (NSIB) اتالعان Boeing 737-7GL ۇشاعىنا قاتىستى تەرگەۋدى باستادى. الدىن الا مالىمەتتەر بويىنشا، زاقىمدالعان قوزعالتقىشتا ايتارلىقتاي بۇزىلۋلار انىقتالعان.
30 كۇن ىشىندە الدىن الا ەسەپ جاريالانىپ، تەرگەۋ اياقتالعاننان كەيىن قورىتىندى قۇجات شىعارىلادى.
ۇشاق ۇشۋدى جالعاستىرا الا ما؟
اۆياسيالىق سەرتيفيكاتتاۋ تالاپتارىنا سايكەس، Boeing 737 سياقتى ەكى قوزعالتقىشتى ۇشاقتار ءبىر قوزعالتقىشى ىستەن شىققان جاعدايدا دا ءقاۋىپسىز ۇشۋدى جانە قونۋدى جۇزەگە اسىرا الادى. مۇنداي جاعدايلاردا ۇشقىشتار ناقتى نۇسقاۋلىقتار بويىنشا ارەكەت ەتەدى: اقاۋلى قوزعالتقىشتى ءوشىرىپ، ۇشۋ پارامەترلەرىن تۇراقتاندىرىپ، جاقىن ماڭداعى قولايلى اۋەجايدى تاڭدايدى. بۇل سەنارييلەر ترەناجەرلاردا پىسىقتالادى جانە ەكيپاجداردىڭ مىندەتتى دايارلىعىنا كىرەدى.
بۇعان دەيىن StarSky اۋەكومپانياسىنىڭ جولاۋشىلار ۇشاعىنىڭ ۇشىپ شىققاننان كەيىن قۇلاعانى تۋرالى حابارلانعان بولاتىن.
-
بۇرىن ساۋىقتىرۋ ورتالىعى رەتىندە تانىمال بولعان «قاپال-اراسان» كۋرورتىنىڭ بۇگىنگى كۇنى كۇيرەپ، جويىلىپ بارا جاتقانى تۋرالى ماتەريال.
-
قازگيدرومەت سينوپتيكتەرى 14، 15 جانە 16 اقپانعا ارنالعان اۋا رايى بولجامىن ۇسىندى. ەل اۋماعىندا جاڭبىر مەن قار جاۋىپ، بۇرقاسىن بولىپ، تەمپەراتۋرا بىرتىندەپ كوتەرىلەدى دەپ كۇتىلۋدە.
