ۇشاقتا ساعىز شايناڭىز
اۋە ساپارلارىنىڭ تىرشىلىگىمىزگە قوساتىن بولىمدى اسەرلەرىمەن قاتار كەيدە بولىمسىز اسەرلەرى دە كەزدەسىپ جاتادى. سولاردىڭ ءبىرى قۇلاق مازاسىزدىعى. اسىرەسە ۇشاقتىڭ قونۋى كەزىندە قۇلاق ىشىندەگى قىسىم وزگەرىسىنە بايلانىستى پايدا بولاتىن مازاسىزدىقتار بالالاردىڭ ۇشتەن ەكىسىندە، ال ەرەسەكتەردىڭ جارتىسىندا كەزدەسەدى ەكەن. قۇلاق بىتەلۋى، جەڭىل اۋىرسىنۋ، قۇلاق ءىشى تولىپ قالعانداي سەزىم، قۇلاق شىڭىلداۋى جانە باس اينالۋى سەكىلدى جاعدايلار ورىن الۋى مۇمكىن. مۇنداي كەلەڭسىزدىكتى بولدىرماۋدىڭ جولى – ەۆستاحيي تۇتىگى (ورتا قۇلاقتى مۇرىن-تاماق جولىمەن ۇشتاستىراتىن تۇتىك) ارقىلى ورتا قۇلاقتاعى قىسىمدى رەتكە كەلتىرۋ جانە تىنىس الۋ جولدارىنىڭ اسەرىن كوبەيتۋ.
وسى جاعادايعا بايلانىستى كەڭەستەر:
- تىنىس جولدارى ينفەكسيالارى كەزىندە اۋە ساپارلارىن مۇمكىن بولسا، كەيىنگە قالدىرعان ءجون.
- ساعىز شايناۋ ارقىلى ەۆستاحيي تۇتىگىن اشىق قالۋىن قامتاماسىز ەتۋگە بولادى.
- مۇرىن اشىق بولعانى ءجون. بىتەلگەن جاعدايدا دارىگەر كەڭەس بەرگەن مۇرىن سپرەيىن قولدانۋعا بولادى.
- ۇشاق قوناتىن كەزدە ۇيقتاماۋعا ءمان بەرىڭىز.
- اتا-انالار قۇلاعىندا قىسىمدى سەزىنە باستاعاندا، بالالارىنا سۋ بەرىپ، ال سابيلەرىن ەمىزىپ كومەكتەسە الادى.
- ۇشاق قوناتىن كەزدە قۇلاققاپ (ناۋشنيك)، قۇلاق تىعىنىن قولدانباڭىز.
- ەسىنەۋ ارقىلى قۇلاق ىشىندەگى قىسىمدى رەتكە كەلتىرۋگە تىرىسىڭىز.
You Might Also Like
-
ءمۇعالىم سىنىپتاعى زەرەك، ءبىراق سونىمەن قاتار ءىشىتار وقۋشىدان: «سەن نەگە دوستارىڭا كورە الماۋشىلىق ەتەسىڭ، ولاردىڭ جاساعاندارىن بۇزىپ، توبەلەسەسىڭ دە جۇرەسىڭ؟» دەپ سۇرايدى. وقۋشى: «...
-
اشكوزدىك، تويىمسىزدىق سەزىمى قاپتاپ كەلەدى. كوپ، ودان دا كوپ، ودان دا مىقتىسىن، ودان دا ابىرويلىسىن يەمدەنۋ قالاۋى جانە بۇلاردى ادامدارعا كورسەتىپ ماقتانۋ، وسى ماقتانۋدان زاۋىق الۋ ورىستەپ، كەڭ ەتە...
