اشكوزدىكتىڭ اقىرى
اشكوزدىك، تويىمسىزدىق سەزىمى قاپتاپ كەلەدى. كوپ، ودان دا كوپ، ودان دا مىقتىسىن، ودان دا ابىرويلىسىن يەمدەنۋ قالاۋى جانە بۇلاردى ادامدارعا كورسەتىپ ماقتانۋ، وسى ماقتانۋدان زاۋىق الۋ ورىستەپ، كەڭ ەتەك جايىپ بارادى...
ءۇندى اڭشىلارىنىڭ ەرەكشە مايمىل اۋلاۋ ءتاسىلى بار ەكەن. ءىشى بوساعان كوكوستى تەسىپ (نەمەسە قۇمىرا الىپ)، ءجىپ وتكىزىپ الگى كوكوستى قازىققا نەمەسە ءبىر اعاشقا بايلاپ قويادى ەكەن. سودان سوڭ كوكوستىڭ تاعى ءبىر شەتىنەن جىڭىشكەلەپ جارىقشا اشىپ، ىشىنە ءتاتتى تاعام سالىپ قويادى. بۇل جارىقشاعا مايمىلدىڭ قولى اشىق كەزدە عانا سيادى، ال قولىن جۇدىرىقتاپ جۇمىپ السا سيمايدى. مايمىل ءتاتتى تاعامنىڭ ءيىسىن سەزىپ جەتىپ كەلەدى. قولىن كوكوستىڭ ىشىنە سالىپ، ءتاتتى تاعامدى ۋىسىنا تولتىرىپ قولىن سىرتقا شىعارماق بولعاندا تىعىرىققا تىرەلەدى. اشىق كۇيدە سالعان قولى جۇمىلعان كۇيدە سىرتقا شىعا قويمايدى. ءتاتتى تاعامعا ەلىكتىرگەن اشكوزدىك جۇمعان قولىن اشقىزبايتىندىعى سونشالىق اڭشىلار كەلگەندە دە قاشا المايدى. نەگىزىندە مايمىلدى ۇستاپ تۇرعان ەشتەڭە جوق. ونى ۇستاپ تۇرعان تەك ءوزىنىڭ اشكوزدىگى. قاشۋى ءۇشىن قولىنداعى تاعامدى جىبەرۋى جەتكىلىكتى ەدى. ءبىراق اشكوزدىگىنىڭ مىقتىلىعى سونشالىق مۇنداي قاقپاننان قۇتىلعان مايمىلدار سيرەك كەزدەسەدى ەكەن.
وسى مىسالداعى سەكىلدى ءبىزدى قاقپانعا تۇسىرەتىن نەگىزىندە ناپسىلىك قالاۋلارىمىز بەن ولارعا دەگەن تاۋەلدىلىگىمىز. مىسالداعى مايمىل سەكىلدى ءناپسىمىزدىڭ قۇربانىنا، قول جەتكىزگىمىز كەلگەن نارسەنىڭ تۇتقىنىنا اينالۋدامىز. ۋىسىمىزعا تۇسكەندەر ماڭگىلىك قولىمىزدا قالاتىنداي جارماسۋدامىز.
You Might Also Like
-
اۋە ساپارلارىنىڭ تىرشىلىگىمىزگە قوساتىن بولىمدى اسەرلەرىمەن قاتار كەيدە بولىمسىز اسەرلەرى دە كەزدەسىپ جاتادى. سولاردىڭ ءبىرى قۇلاق مازاسىزدىعى. اسىرەسە ۇشاقتىڭ قونۋى كەزىندە قۇلاق ىشىندەگى قىسىم وزگ...
-
بۇزىلعان ەركەككە شارا جوق، وردەن ايتولقىننىڭ ۇستىنە توقال الماق ويىن اعايىن-تۋعانىنا تەگىس ايتىپ قۇلاقتاندىردى. وسەك-اياڭنان ايتولقىن مۇندايدىڭ ءبارىن كۇندەگىسىن كۇندە ەستىپ وتىرسا دا، وردەنگە ءبىر ءسو...
