InfoHub Logo

ءۇي جانۋارلارى مەن جابايى اڭدار تۋرالى جۇمباقتار

ۇستىندە قوس قورابى،
مىنسەڭ كولىك بولادى،
جاقىنداساڭ قاسىنا،
قورقىتادى بالانى (تۇيە)

ادامعا سەرىك،
كۇزەتكە بەرىك
(يت)

كىشكەنتاي عانا بويى بار،
اينالدىرىپ كيگەن تونى بار
(قوي)

ءتورت بۇلاعى ءسۇت
باققانعا ول قۇت
(جىلقى)

ءوزى ءبىر قۋ،
جۇرگەن جەرى ايقاي شۋ
(تۇلكى)

سىلدىردان قورقادى،
شوشىنىپ جورتادى.
(قويان)

قىس بويىنا جاتادى،
ءتاتتى ۇيقىعا باتادى.
(ايۋ)

تونىن كيىپ تۋعان،
جالاپ بەتىن جۋعان.
(مىسىق)

باسىندا ءمۇيىزى بار،
ۇستىندە كيىزى بار.
(سيىر)

اق قۇمان ءجۇر ءجۇزىپ.
سۋ بەتىن ءسۇزىپ.
(اققۋ)

بەس قارۋى بەلىندە
سامعاپ جۇرەدى كوگىمدە.
(بۇركىت)

تالدىڭ باسىندا، جەمى بار قاسىندا،
تام تۇر سايالى، دوستارى ايالى.
(قۇس ۇياسى)

قينالىپ كوتەرىپ،
وزىنەن اۋىردى.
جورعالاپ كەتەدى،
جۇكشىدەي كادىمگى.
(قۇمىرسقا)

باسى — تاراق، ارتى — وراق.
(اتەش)

كوككە شانشىپ قۇيرىعىن،
كەلەدى شاۋىپ جۇيرىگىم؟
(قۇلىنشاق)
باسىندا ەكى تاياعى بار،
ءتورت اياعى بار،
سەگىز تۇياعى بار،
يەگىندە ساقالى بار
(ەشكى)

بەتەگەلى بەلگە بىتەم،
نايزا ۇستاعان ەرگە بىتەم.
(جىلقى)

كۇنگەيلى قارا تاسقا بىتەم،
شارۋا قۋعان باسقا بىتەم
(قوي)

قالىڭ قورىق نۋعا بىتەم،
قورى ۇزىلگەن قۋعا بىتەم
(سيىر)

جەمىس - جيدەكجەگەنىم
بالدى جاقسى كورەمىن
(ايۋ)

جاۋىمنان مەن قاشقاندا
اعاشتارعا سامعاپ باعام
ال قارىنىم اشقاندا
وتىرىپ اپ جاڭعاق شاعام
(ءتيىن)

ورماندا تۋىپ، جەتىلەمىن،
تالدان تالعا سەكىرەمىن.
ايۋان بوپ وسكەنىممەن،
تاماق جەيمىن قوس قولىممەن.
اتتەڭ ۇيدە تۋماعانمىن،
ايتپەسە عوي قۇددى اداممىن.
(مايمىل)

ايبات بەرگەن جالىم بار،
قايرات بەرگەن ءتانىم بار.
كۇركىرەيمىن اقىرسام،
قايسى اڭمىن، تابىڭدار.
(ارىستان)

ءۇستىم جولاق
ءتىسىم - وراق
كۇشىم مول - اق،
بارىپ تۇرعان قايسارمىن.
ءوزىڭ ايتشى، قايسى اڭمىن
(جولبارىس)

ءارتۇرلى، ورتا بويلى ۇزىن قۇلاق،
وزىنە مىندەتپەسە، قىزمەت قىلماق.
(ەسەك)

ورماندا سايرايدى،
سايراۋدان تالمايدى.
(بۇلبۇل)

ۇستىنەن تونى تۇسپەگەن،
سوندا دا اراز قىسپەنەن.
(ايۋ)

ساناي الماي شارشادىم،
نايزاسى بار قانشا مىڭ.
باتىر ەمەس بىراق تا،
قاشىپ جۇرەر جىراقتا.
(كىرپى)

ءبىتىمى تۇرقى،
اۋماعان جىلقى
مايكەسى جولاق،
ايىبى سولاق.
(زەبرا)

ەركىن سامعاپ ۇشسىن دەپ،
ماپەلەيمىز باپتايمىز.
بەيبىتشىلىك قۇسى، - دەپ
قايسى قۇستى ماقتايمىز.
(كوگەرشىن)

اپان - اپان،
ەسكى شاپان.
ءيىر قوبىز،
جارىق جۇلدىز. (تۇيە)

كىشكەنتاي عانا بويى بار،
اينالدىرىپ كيگەن تونى بار. (قوي)

استى تاس،
ءۇستى تاس،
ورتاسىندا جاندى باس. (تاسباقا)

كەزىكتى ءبىر جانۋار،
ۇستىندە ەكى تاۋى بار. (تۇيە)

تاستامايدى ءبىر ەلى،
ءۇيىن سۇيرەپ جۇرەدى. (ۇلۋ، نەمەسە تاسباقا)

تىكىرەيىپ قۇلاعى
مەنەن بۇرىن تۇرادى.
بويىن جازىپ كەرىلىپ،
بەتى - قولىن جۋادى. (مىسىق)

قاناتى بار ۇشپايدى،
جۇرت ايلامەن ۇستايدى. (بالىق)

كۇندىز سوقىر نە دەگەن؟
تۇندە قالاي كورەگەن؟ (ۇكى)

بىلەسىڭ مەكەن دالاسىن،
بىردەن تاۋىپ الاسىڭ،
سالىپ الىپ دورباعا،
جۇرەدى ىلعي بالاسىن. (كەنگۋرۋ)

جەر بەتىندە جاتقان ارقان،
ۇستاۋعا ونى ءبارى دە قورققان. (جىلان)

ءوزى شيراق، ءوزى قۋ،
جۇرگەن جەرى ايقاي - شۋ. (تۇلكى)

ءبىر اڭ بار قايراتى كوپ، بولعان كۇشتى
باسىنان وتكىزەدى ءاربىر ءىستى. (ارىستان)

بەلەستەن شاپقان بەستى ات،
بۇكىر كەلگەن جەلىستى ات.
بەيعام ەلدە ىزدەيدى،
مالدان كۇدەر ۇزبەيدى. (قاسقىر)

كىلەمنىڭ تۇرلەرىندەي جۇندەرى بار،
ايباتى جان شىداماس ۇندەرى بار. (جولبارىس)

ورماندا جوعارى
اعاشقا قونادى.
تۇمسىعىن بالعا ەتىپ،
تارسىلداتىپ سوعادى. (توقىلداق)

ءبىر توپ جىنعىل ىشىندە،
ءبىر جاپىراق قىزىل گۇل. (قىرعاۋىل)

اي استىندا اق مامىق
جاتىر سۋدى جاستانىپ (اققۋ)

تاۋسىلاما، قاراندار،
تابيعاتتىن قىزىعى؟
سۋىق جاقتاعى جانۋار –
بۇتاق - بۇتاق ءمۇيىزى. (بۇعى)

تۋا سالا مۇرت وسىرگەن مىرزا،
پەش تۇبىندە جاتقانىنا ىرزا. (مىسىق)

باسىندا كوپ - اق بۇتاعى،
ادامدى كورسە زىتادى. (بۇعى)

تاستاي قاتتى بۇل شاپان،
قالاي جۋىپ جۇمسارتام؟ (تاسباقانىڭ ساۋىتى)

تۇمسىعى دوڭگەلەك،
دەنەسى ون بولەك. (شوشقا)

دوپ پىشىندەس تاستى
باۋىرىنا باستى (جۇمىرتقا باسقان قۇس)

سەكىرەدى – بالا ەمەس.
ساقالى بار – شال ەمەس. (سەركە)
مەكتەپ جاسىنا دەيىنگى بالالارعا ارنالعان جۇمباقتار توپتاماسى